Ahilyanagar Crime News: नगरमध्ये प्रसिद्ध व्यापाराचा मृतदेह सापडल्याने खळबळ! 21 दिवसांपासून बेपत्ता, नालीमध्ये आढळला मृतदेह, पोलिसांचा तपास सुरू
Ahilyanagar Crime News: नगर मनमाड रोडवरील निंबळक बायपास जवळ नालीमध्ये दीपक परदेशी यांचा मृतदेह सापडला आहे. पोलिसांनी दोन संशयितांना ताब्यात घेतले आहे.
अहिल्यानगर: अहिल्यानगरमधून एक धक्कादायक बातमी समोर आली आहे. अहिल्यानगरमधून बेपत्ता असलेल्या व्यापाराचा मृतदेह सापडल्याने शहरात एकच खळबळ उडाली आहे. दीपक परदेशी असे व्यापाऱ्याचे नाव असून परदेशी हे 21 दिवसापासून बेपत्ता होते. दीपक परदेशी यांचे अपहरण करून खून केल्याचे निष्पन्न झालं आहे. नगर मनमाड रोडवरील निंबळक बायपास जवळ नालीमध्ये दीपक परदेशी यांचा मृतदेह सापडला आहे. पोलिसांनी दोन संशयितांना ताब्यात घेतले आहे.
या प्रकरणी मिळालेल्या माहितीनुसार, एमआयडीसी जवळील निंबळक बायपास रस्त्यावरती असलेल्या एका नाल्यामध्ये कुजलेल्या अवस्थेतील मृतदेह आढळून आल्याने खळबळ उडाली. गेल्या महिन्यात शहरातून बेपत्ता झालेले व्यापारी दीपक परदेशी यांचा हा मृतदेह असल्याची चर्चा शहरात सुरू असून पोलीस प्रशासन मृतदेहाची पडताळणी करत आहेत. दरम्यान गेल्या 22 दिवसांपासून गायब असलेले परदेशी यांचा घातपात झाला असून पोलीस त्या दृष्टीकोनातून तपास करत आहेत. स्थानिक गुन्हे शाखेच्या पोलिसांनी दोन संशयितांना ताब्यात घेतले आहे. त्यांच्याकडे कसून चौकशी सुरू आहे.
परदेशी 24 फेब्रुवारी सायंकाळी घरातून बाहेर पडले अन्...
दीपक परदेशी हे 24 फेब्रुवारी रोजी सायंकाळी घरातून बाहेर पडले होते. ते पुन्हा घरी परतलेच नाहीत. याबाबत तोफखाना पोलीस ठाण्यात त्यांच्या मिसिंग होण्याची तक्रार नोंदवण्यात आली होती. तेव्हापासून पोलीस परदेशी यांचा शोध घेत होते. स्थानिक गुन्हे शाखेच्या पोलिसांकडून देखील परदेशी यांचा शोध सुरू होता. तांत्रिक तपासाच्या आधारे स्थानिक गुन्हे शाखेच्या पोलिसांनी दोन संशयितांना काल (सोमवारी) ताब्यात घेतले आहे. त्यांच्याकडे रात्री उशिरापर्यंत चौकशी सुरू होती.
बेपत्ता होण्यापूर्वी दीपक परदेशी…
दीपक परदेशी हे 24 फेब्रुवारी रोजी सायंकाळी घरातून बाहेर पडले होते. ते पुन्हा घरी परतलेच नाहीत. त्यानंतर ते परतले नाहीत. त्यांच्या बेपत्ता होण्याबाबत कुटुंबीयांनी तत्काळ तोफखाना पोलीस स्टेशनमध्ये तक्रार दाखल केली. त्यानंतर पोलीस पथकांनी शोधमोहीम सुरू केली.
महत्त्वाच्या बातम्या
