'तानाजी' सिनेमात छत्रपती शिवाजी महाराजांच्या भूमिकेत दिसणार 'हा' अभिनेता

तानाजी सिनेमात छत्रपती शिवाजी महाराज, माता जिजाऊ, औरंगजेब अशा प्रमुख भूमिकांमध्ये कोण झळकणार? याची उत्सुकता प्रेक्षकांना होती.

मुंबई : अजय देवगणच्या आगामी 'तानाजी : द अनसंग वॉरिअर' सिनेमातील सैफ अली खाननंतर आता इतर व्यक्तीरेखांची माहितीही जारी करण्यात आली आहे. तानाजी सिनेमात छत्रपती शिवाजी महाराज, माता जिजाऊ, औरंगजेब अशा प्रमुख भूमिकांमध्ये कोण झळकणार? याची उत्सुकता प्रेक्षकांना होती. प्रेक्षकांची उत्सुकता आता संपली आहे.

अजय देवगण सिनेमात तानाजी मालुसरे यांच्या भूमिकेत दिसणार आहे. तर सैफ अली खान उदयभान यांच्या भूमिकेत दिसणार आहे. नव्या पोस्टरमध्ये सैफ हातात तलवार घेऊन बसल्याचे दिसत आहे. अजय देवगणने ट्वीट करत म्हटलं की, उदयभानच्या दरबारात चुकीला माफी नाही, तर केवळ शिक्षा मिळते.

Udaybhan Ke Darbar Mein Ghalati Ki Maafi Nahi Sirf Sazah Milti Hai…#TanhajiTheUnsungWarrior, in cinemas 10th January 2020. #TanhajiTrailerOnNov19#SaifAliKhan @itsKajolD @omraut @itsBhushanKumar @ADFFilms @TSeries @TanhajiFilm pic.twitter.com/eXrqNOnbzp

— Ajay Devgn (@ajaydevgn) November 13, 2019

तानाजी सिनेमात छत्रपती शिवाजी महाराजांच्या भूमिकेत अभिनेता शरद केळकर दिसणार आहे. शिवाजी महाराजांच्या भूमिकेचा फर्स्ट लूक जारी करताना अजय देवगणने म्हटलं की, छत्रपती शिवाजी महाराज, दगडाने ठेच तर सगळे खातात, मात्र दगडाला टक्कर देणारा मराठा.

Chhatrapati Shivaji Maharaj - Patthar se thokar toh sab khate hain, patthar ko thokhar maare woh Maratha! #TanhajiTheUnsungWarrior, in cinemas 10th January 2020. #TanhajiTrailerOnNov19@itsKajolD #SaifAliKhan @omraut @SharadK7 @itsBhushanKumar @ADFFilms @TSeries @TanhajiFilm pic.twitter.com/4LI3b4IXj1

— Ajay Devgn (@ajaydevgn) November 14, 2019

माता जिजाऊ यांच्या भूमिकेत पद्मावती राव या दिसणार आहेत. माता जिजाऊ यांच्याबाबत अजय देवगणने लिहिलं की, जो पर्यंत कोंढाण्यावर भगवा फडकणार नाही, तोवर चप्पल घालणार नाही.

Jijamata - "Jab tak Kondhana pe bhagwa nahi lehrata, hum joote nahi pehnenge"#TanhajiTheUnsungWarrior, in cinemas 10th January 2020. #TanhajiTrailerOnNov19@itsKajolD #SaifAliKhan @omraut #PadmavatiRao @itsBhushanKumar @ADFFilms @TSeries @TanhajiFilm pic.twitter.com/tfgNaQjj2h

— Ajay Devgn (@ajaydevgn) November 14, 2019

याशिवाय औरंगजेबचा फर्स्ट लूकही समोर आला आहे. अभिनेता ल्यूक केनी सिनेमात औरंगजेबच्या भूमिकेत दिसणार आहे. याबाबत अजय देवगणने लिहिलं की, औरंगजेब मुघल बादशाह, संपूर्ण हिंदुस्थानावर साम्राज्य करण्याचं स्वप्न बाळगणारा बादशाह.

Aurangzeb Mughal Emperor - Hum mukkamal Hindustan ko fateh karne ka irada rakhte hain... #TanhajiTheUnsungWarrior, in cinemas 10th January 2020. #TanhajiTrailerOnNov19@itsKajolD #SaifAliKhan @omraut @LukeKennyLIVE @itsBhushanKumar @ADFFilms @TSeries @TanhajiFilm pic.twitter.com/Fm6IQ7LQ8Y

— Ajay Devgn (@ajaydevgn) November 14, 2019

तानाजी द अनसंग वॉरिअर सिनेमात अजय देवगणसोबत त्यांची पत्नी काजोलही दिसणार आहे. दिग्दर्शक ओम रावत या सिनेमाचं दिग्दर्शन करत आहे. तर अजय देवगण आणि भूषण कुमार सिनेमाची निर्माते आहेत. पुढील वर्षी 10 जानेवारीला हा सिनेमा प्रेक्षकांच्या भेटीला येणार आहेत.