Madgaon Express Review: तगडी मराठी स्टारकास्ट अन् दिग्दर्शक म्हणून कुणाल खेमूचं पदार्पण; तुमच्या गोवा ट्रीपसाठी 'मडगाव एक्सप्रेस'

Madgaon Express Review: तुमच्या या गोव्याच्या ट्रीपला इन्सपीरेशन देण्यासाठी 'दिल चाहता है' आणि 'जिंदगी ना मिलेगी दोबारा' नंतर आणखी एक चित्रपट आला आहे जो तीन मुलांच्या मैत्री आणि साहसावर आहे.

Madgaon Express Review: गोव्याची ट्रीप करावी हा फॅमिलीमधील प्रत्येकाचाच प्लॅन असतो. पण त्यातल्या मोजक्याच जणांचा गोव्याचा प्लॅन यशस्वी होतो. अनेकजण गोव्याला जायचं प्लॅनिंग तर करत असतात पण त्या प्लॅनबद्दल वर्षानुवर्षे व्हॉट्सॲप ग्रुपमध्ये बोलतात. पण तुमच्या या गोव्याच्या ट्रीपला इन्सपीरेशन देण्यासाठी 'दिल चाहता है' आणि 'जिंदगी ना मिलेगी दोबारा' नंतर आणखी एक चित्रपट आला आहे जो तीन मुलांच्या मैत्री आणि साहसावर आहे. मडगाव एक्सप्रेस असं या चित्रपटाचं नाव आहे. या चित्रपटाचे दिग्दर्शन अभिनेता कुणाल खेमूने केले आहे आणि हा चित्रपट तुम्हाला तुमच्या मैत्रीची आठवण नक्की करुन देईल. 

सिनेमाची गोष्ट

चित्रपटाची कथा डोडो (दिव्येंदू), पिंकू (प्रतिक गांधी) आणि आयुष (अविनाश तिवारी) या तीन मित्रांवर आधारित आहे. लहानपणापासून गोव्याच्या ट्रीपचं प्लॅनिंग हे करत असतात पण त्यांच्या नशिबात गोवा ट्रीप काही नसते. मोठे होऊन हे तिघेही वेगवेगळ्या देशांमध्ये राहायला जातात. या तिघांपैकी दोघे खूप यशस्वी होतात पण एक त्याच ठिकाणी राहतो. वर्षांनंतर तिघेही रियुनियन करण्याचा प्लॅन करतात आणि गोवा त्यासाठी निवडतात. पण गोव्याची ही ट्रीप तुम्ही किंवा मी किंवा तिघांच्याही विचाराप्रमाणे होत नाही.  'मडगाव एक्स्प्रेस'ने गोव्याला जाण्याचा डोडोचा विचार आहे. जेव्हा ते तिघेही ड्रग्ज आणि गुंडांच्या जाळ्यात येतात तेव्हा हा त्यांच्या आयुष्यातील सर्वात धोकादायक निर्णय ठरतो. या चित्रपटाची कथा तिघेही त्या अडचणींमधून कसे बाहेर पडतात, नौरा फतेही त्यांना कशी मदत करते याबद्दल आहे. 

कसा आहे सिनेमा?

सुरुवातीपासूनच हे स्पष्ट झाले आहे की तो दिल चाहता है सारखा नसून त्याच्यापेक्षा खूप वेगळा आहे. चित्रपटातील डोडोची व्यक्तिरेखा तुम्हाला अनेक वेळा हसवते आणि तुम्हाला तुमच्या सर्वात उत्साही मित्राची आठवण करून देते.चित्रपटात अनेक भिन्न पात्रे आहेत आणि प्रत्येकाची स्वतःची खासियत आहे जसे की मेंडोझा भाई आणि कांचन कोमाडी. कुणाल खेमूनेही ही कथा लिहिली असून गोलमालसारख्या चित्रपटात काम केल्याने त्याला येथेही मदत झाल्याचे स्पष्ट झाले आहे. प्रत्येक दृश्यात विनोद दिसून येतो ज्यामुळे जवळजवळ प्रत्येक दृश्य मजेदार बनते. 'दिल चाहता है'चा संदर्भ चित्रपटात अनेकवेळा घेण्यात आला आहे आणि हाच चित्रपट या तिघांसाठीही गोवा सहलीसाठी प्रेरणादायी होता हेही दाखवण्यात आले आहे.  उर्वरित तीन बेड फाईट सीन, कांचन कोमेडीच्या बेसवरील मारामारी हे चित्रपटातील सर्वोत्कृष्ट दृश्यांपैकी एक आहेत. त्याच वेळी, नौरा फतेहीला केवळ तिच्या ग्लॅमरसाठी येथे घेण्यात आले होते आणि ते स्पष्टपणे दिसून येते. रेमो डिसूझाच्या कॅमिओमध्येही फारशी भर पडली नाही. बाकी चित्रपटाचे संगीतही ताजे आहे.

अभिनय

दिव्येंदू शर्माने या चित्रपटात बाजी मारली आहे. अनेक दृश्यांमधील त्याचे एक्सप्रेशन आणि त्याचे संवाद तुम्हाला खूप हसवतील. येथे दिव्येंदूने आपल्याला प्यार का पंचनामा मधील त्याच्या लिक्विड या पात्राची आठवण करून दिली आणि दाखवून दिले की तो मिर्झापूरच्या मुन्ना भैय्याप्रमाणेच हा प्रकार करू शकतो. त्याच बरोबर अविनाश तिवारी दिवसेंदिवस सगळ्यात फेव्हरेट होत चालला आहे, पहले खाकी, बॉम्बे मेरी जान, काला आणि आता हा कॉमेडी चित्रपट. त्याची प्रतिभा अप्रतिम आहे आणि तीच गोष्ट प्रतीक गांधीच्या कामात दिसते ज्यांचे पात्र या चित्रपटात दोन छटा दाखवते आणि तो दोन्हीमध्ये अप्रतिम काम करताना दिसतो. बाकी कलाकारांचे कामही चांगले आहे आणि कुणाल खेमूचे पदार्पणही आश्चर्यकारक आहे.

दिग्दर्शन

 कुणाल खेमूचा विनोद आणि दिग्दर्शन यामुळे हा चित्रपट एक चांगला आणि मनोरंजक चित्रपट बनतो. दिग्दर्शक म्हणून कुणालचा हा पहिलाच चित्रपट असून त्याचे काम जबरदस्त आहे. आता कुणाल भविष्यात फक्त कॉमेडीमध्येच काम करताना दिसणार की इतर जॉनरमध्येही काम करणार हे पाहायचं आहे. चित्रपटातील सर्व फाईट सीन्स अप्रतिमपणे शूट केले गेले आहेत आणि संगीत देखील खोली वाढवते.

जर तुम्हाला काही मनोरंजक बघायचे असेल आणि मित्रांसोबत घालवलेले जुने क्षण आठवायचे असतील तर तुम्ही हा चित्रपट नक्कीच पाहू शकता. नुकत्याच प्रदर्शित झालेल्या थ्रिलर्समध्ये हा चित्रपट अगदी ताजा वाटतो.

या सिनेमाला मी देतोय 5 पैकी 3.5 स्टार्स