Winter Travel: नोव्हेंबरच्या गुलाबी थंडीत प्री-वेडिंग शूटिंग करायचंय? महाराष्ट्रातील 'हे' हिल्स स्टेशन, कमी बजेटमध्ये फोटो येतील सुंदर

Winter Travel: आजकाल प्री-वेडिंग शूट करणं हा ट्रेंड बनला आहे. लग्नापूर्वीचे सुंदर फोटोंच्या आठवणींचा ठेवा असतो, त्यासाठी महाराष्ट्रातील हे लोकेशन्स अगदी परफेक्ट 

Winter Travel lifestyle marathi news pre wedding shoot in November These hill stations in Maharashtra

Source : Google

Winter Travel: दिवाळी अवघ्या काही दिवसांवर आहे. हिंदू पंचागानुसार, तुळशीच्या लग्नानंतर लग्नसराईला सुरूवात होणार आहे. मात्र त्यापूर्वी अनेक जोडपी आपल्या लग्नाआधीच्या आठवणी टिपण्यासाठी प्री-वेडिंग शूट करतात. प्री-वेडिंग शूट हे केवळ फोटोशूट नसून जोडप्यांसाठी एक भावनिक प्रवास आहे, जो त्यांच्या वैवाहिक जीवनाची सुंदर सुरुवात दर्शवतो. या शूटनंतर जोडप्यांमध्ये लग्नाची उत्सुकता आणखीनच वाढते. या निमित्ताने जोडप्यांना लग्नाच्या गडबडीतून दूर राहून एकमेकांसोबत सुंदर छायाचित्रे आणि आठवणी जपण्याची संधी मिळते. तुम्ही तुमच्या जोडीदारासोबत प्री-वेडिंग शूटसाठी एखादे ठिकाण शोधत असाल, जिथे कमी बजेटमध्ये फोटो काढता येतील, तर हा लेख तुमच्यासाठी उपयुक्त ठरेल. आजच्या लेखात आम्ही तुम्हाला काही बजेट फ्रेंडली ठिकाणांची माहिती देणार आहोत, जिथे तुमचे सुंदर फोटो काढले जातील. ज्याचं कौतुकही होईल.

लोणावळा - तुमच्या फोटोंचं होईल कौतुक

पुण्यात राहणारे लोक प्री-वेडिंग शूटसाठी लोणावळ्याला जाऊ शकतात. येथे शूट करण्यासाठी तुम्हाला कोणतेही विशिष्ट लोकेशन शोधावे लागणार नाही, कारण लोणावळ्यातील प्रत्येक ठिकाण तुमच्या फोटोंमध्ये आकर्षण वाढवेल. लोणावळ्याला सर्व प्रकारचे लोक भेट देतात, विशेषतः हायकर्स आणि ट्रेकर्स. इथे तुम्हाला फोटोग्राफर आणि त्याच्या प्रवासावर खर्च करावा लागेल. तुम्हाला लोकेशनसाठी पैसे खर्च करावे लागणार नाहीत. कारण तुम्ही इथे कुठेही जाल, तुम्हाला लोणावळ्यातील कार्ला लेणी, लोहगड किल्ला, बेडसा लेणी आणि भाजा लेणी ही सुंदर छायाचित्रे पाहायला मिळतील. पुण्याहून येथे पोहोचण्यासाठी तुम्हाला सुमारे 1 तास लागेल.

पाचगणी - सुंदर छायाचित्रांसाठी इथे पोहचाच

सुंदर छायाचित्रांसाठी तुम्ही पाचगणीलाही जाऊ शकता. पाचगणी हे महाराष्ट्रातील एक हिल स्टेशन आहे आणि निसर्गरम्य दृश्यांसाठी प्रसिद्ध आहे. येथे देखील तुम्हाला लोकेशनवर फोटो काढण्यासाठी कोणतेही अतिरिक्त पैसे द्यावे लागणार नाहीत. एका बाजूला टेकड्यांचे सुंदर दृश्य आणि दुसऱ्या बाजूला किनारी मैदाने तुमच्या छायाचित्रांना मोहिनी घालतील. पुण्याहून इथे येण्यासाठी तुम्हाला प्रवासावरही खर्च करावा लागेल. येथे पोहोचण्यासाठी तुम्हाला सुमारे 3 तास लागू शकतात.

खंडाळा - जोडीदारासोबत अमूल्य वेळ घालवण्याची संधी

पुण्यात राहणाऱ्या लोकांसाठीही हे ठिकाण उत्तम आहे. या ठिकाणी भेट देण्याची सर्वात चांगली गोष्ट म्हणजे तुम्हाला तुमच्या जोडीदारासोबत सुंदर ठिकाणी वेळ घालवण्याची संधीही मिळेल. लांबचा प्रवास आणि प्री-वेडिंग शूटचा आनंद तुमचा एकत्र वेळ खऱ्या अर्थाने खास बनवेल. ज्यांना शांत नैसर्गिक हिरवेगार ठिकाण, चांगले वातावरण, आजूबाजूला धुके हवे आहे त्यांना ते अधिक आवडेल. पुण्याहून अंतर अंदाजे 71 किमी आहे, येथे पोहोचण्यासाठी तुम्हाला 2 तास लागू शकतात. हे पुण्याजवळील रोमँटिक ठिकाणांपैकी एक आहे.

 

हेही वाचा>>>

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )