Winter Travel: हिवाळ्यात महाराष्ट्रातील 'या' हिल स्टेशन्ससमोर शिमलाही दिसेल फिका! अद्भूत दृश्य स्वर्गापेक्षा कमी नाही...

Winter Travel: हिवाळ्यात महाराष्ट्रातील मनमोहक हिल स्टेशन्सना तुम्ही डेस्टिनेशन पॉइंट बनवू शकता. हे हिल स्टेशन्स एक्सप्लोर करणं स्वर्गापेक्षा कमी नाही. 

Winter Travel lifestyle marathi news beautiful hill stations in Maharashtra

Source : google

Winter Travel: सध्या हिवाळ्याचा ऋतू सुरूय. जर तुम्हाला फिरायचं असेल तर नोव्हेंबर आणि डिसेंबर हा महिना अगदी उत्तम समजला जातो. आणि त्यात महाराष्ट्रात फिरण्याचा विचार केला तर बरेच लोक फक्त पावसाळी ट्रीपला प्राधान्य देतात. पावसाळ्यात महाराष्ट्रातील काही ठिकाणांचे सौंदर्य अगदी अप्रतिम असते, पण तुम्हाला माहितीय का? हिवाळ्यातही हे सौंदर्य काही कमी नाही. जर तुम्ही हिवाळ्यात फिरण्याचा प्लॅन करत असाल तर शिमला, मनाली विसराल अशी हिल स्टेशन महाराष्ट्रातही आहेत. राज्यातील या भव्य आणि मनमोहक हिल स्टेशन्सना तुम्ही डेस्टिनेशन पॉइंट बनवू शकता. 

महाराष्ट्रात अनेक अद्भुत आणि सुंदर ठिकाणं

महाराष्ट्रात समुद्रकिनाऱ्यांव्यतिरिक्त अशी अनेक अद्भुत आणि सुंदर ठिकाणे आहेत, जिथे हिवाळ्यात भेट दिल्यावर तुम्हाला रिलॅक्स वाटेल. महाराष्ट्रातील हिल स्टेशन्स एक्सप्लोर करणे हे एखाद्या स्वर्गापेक्षा कमी नाही. आजच्या लेखात आम्ही तुम्हाला महाराष्ट्रातील काही मनमोहक आणि सुंदर हिल स्टेशन्सबद्दल सांगणार आहोत, जेथे थंडीच्या मोसमात भेट दिल्यावर तुमचे मन प्रसन्न होईल

हिवाळ्यात माथेरानचे सौंदर्य पाहण्यासारखे

महाराष्ट्रात वसलेल्या कोणत्याही भव्य आणि लोकप्रिय हिल स्टेशनला भेट देण्याचा विचार आला की, बरेच लोक प्रथम माथेरानकडे वळतात. माथेरान हे महाराष्ट्रातील रायगड जिल्ह्यात आहे, जेथे दररोज अनेक पर्यटक येतात. निसर्गप्रेमींसाठी माथेरान हिल स्टेशन हे निसर्गरम्य वातावरण, सुंदर दृश्ये आणि समृद्ध इतिहासाने नंदनवन मानले जाते. हिवाळ्यात माथेरानचे सौंदर्य पाहण्यासारखे असते. माथेरान हे त्याच्या सौंदर्यासोबतच साहसी उपक्रमांसाठीही ओळखले जाते. अनेक पर्यटक फक्त ट्रेकिंग आणि कॅम्पिंगसाठी येतात.

महाबळेश्वर - सर्वोत्तम आणि लोकप्रिय हिल स्टेशनपैकी एक

महाबळेश्वर हे महाराष्ट्रातील सर्वोत्तम आणि लोकप्रिय हिल स्टेशनपैकी एक आहे. हे सुंदर हिल स्टेशन समुद्रसपाटीपासून 4 हजार फुटांपेक्षा जास्त उंचीवर आणि सह्याद्रीच्या पर्वतरांगाच्या मध्यभागी वसलेले आहे. ढगांनी आच्छादलेले उंच पर्वत, घनदाट जंगले, गवताळ प्रदेश आणि तलाव आणि धबधबे महाबळेश्वरच्या सौंदर्यात भर घालतात. हिवाळ्यात अनेक लोक पिकनिक आणि ट्रेकिंगसाठी येतात. महाबळेश्वरमध्ये तुम्ही मॅप्रो गार्डन, वेण्णा लेक, महाबळेश्वर मंदिर आणि विल्सन पॉइंट सारखी अद्भुत ठिकाणे पाहू शकता.

पाचगणी - देशी-विदेशी पर्यटकांना आकर्षित करणारे

पाचगणी हे महाराष्ट्रातील सातारा जिल्ह्यात असलेले एक सुंदर हिल स्टेशन आहे, जे देशी-विदेशी पर्यटकांना आकर्षित करते. हे महाबळेश्वरपासून सुमारे 20 किमी अंतरावर आहे. पाचगणी हा महाराष्ट्राचा लपलेला खजिनाही मानला जातो. पाचगणी हिल स्टेशन हे साहसप्रेमींसाठी नंदनवन मानले जाते. पाचगणीचे खरे सौंदर्य पावसाळ्यात पाहायला मिळत असले तरी हिवाळ्यातही त्याचे सौंदर्य पाहायला मिळते. हिवाळ्याच्या काळात पाचगणीचे तापमान 15 अंश सेल्सिअसच्या खाली जाते. हिवाळ्यात पर्वत ढगांनी झाकलेले असतात.

लोणावळा - साहसी आणि निसर्गप्रेमींसाठी नंदनवन 

लोणावळा हे महाराष्ट्रातील पुणे जिल्ह्यातील एक लोकप्रिय हिल स्टेशन आहे. लोणावळा सह्याद्रीच्या पर्वतराजीत वसलेले आहे. हे सुंदर हिल स्टेशन पुण्याच्या मुख्य शहरापासून सुमारे 60 किमी आणि मुंबईपासून सुमारे 96 किमी अंतरावर आहे. लोणावळा हे साहसी आणि निसर्गप्रेमींसाठी नंदनवन मानले जाते. येथील शांत वातावरणही पर्यटकांना खूप आकर्षित करते. लोणावळ्यात तुम्ही टायगर पॉइंट, भाजा लेणी आणि भुशी डॅम सारखी अद्भुत ठिकाणे पाहू शकता. हिवाळ्यात येथील तापमान 12 अंश सेल्सिअस ते 20 अंश सेल्सिअस दरम्यान राहते.

इगतपुरी - शांत आणि शुद्ध वातावरण असलेले हिल स्टेशन 

महाराष्ट्रातील इगतपुरी हे सर्वात शांत आणि शुद्ध वातावरण असलेले हिल स्टेशन मानले जाते. पश्चिम घाटात वसलेले इगतपुरी नाशिकपासून 45 किलोमीटर आणि मुंबईपासून 120 किलोमीटर अंतरावर आहे. इगतपुरीमध्ये तुम्ही थल घाट, घाटनदेवी मंदिर आणि रतनगड किल्ला यासारखी ठिकाणे पाहू शकता. इगतपुरीत फिरण्याव्यतिरिक्त तुम्ही रॉक क्लाइंबिंग, ट्रेकिंग आणि कॅम्पिंग देखील करू शकता.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )