Health Tips : जेव्हा तुम्हाला अस्वस्थ वाटेल तेव्हा 'अशी' ओळखा डेंग्यूची लक्षणं; 'हा' आहे सोपा मार्ग
Dengue Fever : डेंग्यू ताप हा डेंग्यू विषाणूमुळे होणारा गंभीर विषाणूजन्य आजार आहे.
Dengue Fever : भारतात सध्या डेंग्यू (Dengue) तापाच्या रुग्णांमध्ये झपाट्याने वाढ होत आहे. डेंग्यू तापामध्ये चिकनगुनिया, मलेरिया, विषाणूजन्य ताप आणि टायफॉइडसारख्या इतर अनेक आजारांसारखीच लक्षणे दिसतात. अशा स्थितीत ताप येण्याचे कारण खरंच डेंग्यू आहे की अन्य कोणत्या आजाराची ही लक्षणं आहेत हे ओळखणं कठीण होतं. डेंग्यू हा गंभीर आजार असल्याने आणि त्यावर उपचार न केल्यास प्राणघातक ठरू शकतो, त्यामुळे त्याची लक्षणे अचूक ओळखणे महत्त्वाचे आहे. डेंग्यू विषाणूचे 4 सेरोटाईप आहेत (DEN-1, DEN-2, DEN-3 आणि DEN-4). आपण डेंग्यू ताप कोणत्या लक्षणांवरून ओळखू शकतो ते जाणून घेऊया.
डोकेदुखी, पाठदुखी, डोळ्यांच्या पाठीमागे दुखणे, अंगदुखी याबरोबरच अचानक 104 अंशांपर्यंत ताप आल्यास संशय अधिक वाढतो. चेहऱ्यावर, हातावर, पायांवर किंवा शरीरावर 2-3 दिवसांनी लाल पुरळ दिसल्यास डेंग्यूची शक्यता वाढते. ती लक्षणे 3-5 दिवस राहिल्यास ताबडतोब डॉक्टरांशी संपर्क साधून तपासण्या कराव्यात.
डेंग्युसाठी आवश्यक चाचणी
डेंग्यू अँटीजेन आणि अँटीबॉडी चाचणी : हे ELISA किंवा RDT सारख्या चाचण्यांद्वारे डेंग्यू विषाणूचे प्रतिजन किंवा प्रतिपिंड शोधण्यासाठी केले जाते.
प्रतिजन चाचणी : ही चाचणी डेंग्यू विषाणूचे प्रतिजन शोधते. रोगाच्या सुरुवातीच्या काळात हे सर्वात संवेदनशील असते.
अँटीबॉडी चाचणी : ही चाचणी डेंग्यू विषाणूविरूद्ध प्रतिपिंड शोधते. आजारपणानंतर 4-5 दिवसांनी ते सर्वात संवेदनशील असते.
पीसीआर चाचणी : ही चाचणी डेंग्यू विषाणूचा आरएनए शोधण्यासाठी केली जाते.
व्हायरल कल्चर चाचणी : यामध्ये डेंग्यूचे विषाणू संवर्धन करून शोधले जातात.
डेंग्यू चाचणी
डेंग्यू तापानंतर 4-5 दिवसांनी तुमची चाचणी होत असल्यास, डॉक्टर तुम्हाला डेंग्यू सेरोलॉजी चाचणी करण्याचा सल्ला देतील. ही चाचणी तुमच्या रक्तातील डेंग्यू विषाणूविरूद्ध विकसित प्रतिपिंडे शोधण्यासाठी केली जाते. याशिवाय, डॉक्टर तुमची रक्त तपासणी देखील करतात. यामध्ये तुमच्या एकूण रक्त पेशी आणि पांढऱ्या रक्त पेशींची संख्या तपासली जाते. या चाचणीमुळे तुमच्या रक्तावर डेंग्यूचा काही परिणाम झाला आहे की नाही हे शोधण्यास मदत होते. बहुतेक चाचणी अहवाल 24 तासांच्या आत येतात. या चाचण्या केल्यानंतर तुम्हाला वेळीच डेंग्युची लक्षणं कळतील.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.
महत्त्वाच्या बातम्या :
महत्त्वाच्या बातम्या
