Travel: माताने बुलाया है..! नोव्हेंबरमध्ये वैष्णोदेवी दर्शनाचा प्लॅन करताय? भारतीय रेल्वे देतेय संधी, खास 3 टूर पॅकेजेस पाहा

Travel: नोव्हेंबर संपण्यापूर्वी तुम्ही IRCTC च्या खास पॅकेजद्वारे वैष्णोदेवीचे दर्शन घेऊ शकता. तिकिटाची किंमत आणि पॅकेजमध्ये उपलब्ध असलेल्या सुविधांबद्दल जाणून घ्या..

Travel lifestyle marathi news Planning to visit Vaishno Devi in ​​November Check out the special 3 tour packages offered by Indian Railways

Source : Google

Travel: दिवाळी नुकतीच संपलीय. अशात अनेकजण फिरायचा प्लॅन करतात. मुलांनाही सुट्टी असल्याने पालक आपल्या कुटुंबासह फिरायला जातात. सध्या देवीचे भक्त वैष्णोदेवीला जाताना दिसत आहेत. तुम्हालाही या महिन्यात वैष्णोदेवीचं (Vaishno Devi) दर्शन घ्यायचं असेल तर भारतीय रेल्वे तुम्हाला तुमच्याच बजेटमध्ये संधी देतेय. तसं पाहायला गेलं तर भारतीय रेल्वे वेळोवेळी विविध प्रकारचे टूर पॅकेज आणते. याद्वारे तुम्ही कमी पैशात अनेक ठिकाणं पाहू शकता. विशेषत: तुम्हाला धार्मिक स्थळांना भेट द्यायची असेल तर IRCTC पॅकेज नक्की निवडा. कारण तुम्ही कमी बजेटमध्ये जम्मू येथील वैष्णो देवी मंदिराला भेट देऊ शकता. भारतीय रेल्वे तुम्हाला राहण्यासाठी, खाण्यासाठी आणि प्रवासासाठी सर्व सुविधा पुरवते.

भारतीय रेल्वे देतेय वैष्णोदेवी दर्शनाची संधी!

सर्वात चांगली गोष्ट म्हणजे या IRCTC पॅकेजमध्ये राहण्याची आणि रेल्वे तिकीटाची सर्व व्यवस्था भारतीय रेल्वेनेच केली आहे. तुम्ही आरामात वैष्णो देवीचे दर्शन घेऊ शकता. हे टूर पॅकेज वेगवेगळ्या ठिकाणांहून सुरू होतात. त्यामुळे टूर पॅकेज बुक करताना तुम्हाला प्रवासाच्या सुरुवातीच्या ठिकाणाची माहिती असायला हवी. अनेक वेळा लोक टूर पॅकेजबद्दल जाणून न घेताच तिकीट बुक करतात. यामुळे त्यांना ट्रेन पकडण्यासाठी दूरच्या स्थानकांवर जावे लागते. आजच्या लेखात आम्ही तुम्हाला या पॅकेजेसची सविस्तर माहिती देणार आहोत.

दिल्लीपासून सुरू होणारे टूर पॅकेज

हे पॅकेज 17 नोव्हेंबरपासून सुरू होत आहे. यानंतर तुम्ही दररोज या पॅकेजसाठी तिकीट बुक करू शकता.
हे 5 रात्री आणि 6 दिवसांचे टूर पॅकेज आहे.
पॅकेजमध्ये तुम्हाला ट्रेनने प्रवास करण्याची संधी मिळेल.
पॅकेज फी- तुम्ही एकटे प्रवास करत असाल तर पॅकेज फी 9145 रुपये आहे.
दोन लोकांसोबत प्रवास करण्यासाठी प्रति व्यक्ती पॅकेज फी 7660 रुपये आहे.
तीन लोकांसह प्रवास करण्यासाठी प्रति व्यक्ती पॅकेज शुल्क 7290 रुपये आहे.
मुलांसाठी पॅकेज फी 6055 रुपये आहे.

कटरा टूर पॅकेज

या पॅकेजसाठी तुम्ही जौनपूर जंक्शन, लखनऊ, निहालगढ, शाहजहांपूर, सुलतानपूर आणि वाराणसी येथून ट्रेनमध्ये चढू शकता.
हे पॅकेज 21 नोव्हेंबरपासून सुरू होत आहे. यानंतर तुम्ही दर गुरुवारी तिकीट बुक करून प्रवास करू शकाल.
पॅकेज 4 रात्री आणि 5 दिवसांसाठी आहे.
पॅकेजमध्ये तुम्हाला ट्रेनने प्रवास करण्याची संधी मिळेल.
पॅकेज फी- जर तुम्ही एकटे प्रवास करत असाल तर पॅकेज फी 15320 रुपये आहे.
दोन लोकांसोबत प्रवास करण्यासाठी प्रति व्यक्ती पॅकेज फी 9810 रुपये आहे.
तीन लोकांसह प्रवास करण्यासाठी प्रति व्यक्ती पॅकेज शुल्क 8650 रुपये आहे.
मुलांसाठी पॅकेज फी 7650 रुपये आहे.
पॅकेजमध्ये तुम्हाला 2 दिवस नाश्ता आणि 2 दिवस रात्रीचे जेवण दिले जाईल. इतर दिवशी दुपारचे जेवण आणि जेवणावर वेगळा खर्च करावा लागेल.
यासोबतच 2 रात्रीसाठी हॉटेलची सुविधाही उपलब्ध असेल.
भारतीय रेल्वेच्या अधिकृत वेबसाइटवरून तिकीट बुक करण्याची प्रक्रिया सोपी आहे.

अजमेर पासून सुरु होणारे टूर पॅकेज

या पॅकेजमध्ये तुम्हाला जम्मू, कांगडा आणि पठाणकोटला जाण्याची संधी मिळेल.
तुम्ही दर बुधवारी पॅकेजसाठी तिकीट बुक करू शकता.
हे 1 रात्र आणि 2 दिवसांचे टूर पॅकेज आहे.
पॅकेजमध्ये तुम्हाला ट्रेनने प्रवास करण्याची संधी मिळेल.
पॅकेज फी - एकट्याने प्रवास करत असल्यास, पॅकेज फी रुपये 30,890/- आहे.
दोन लोकांसोबत प्रवास करत असल्यास प्रति व्यक्ती पॅकेज फी 18,135 रुपये आहे.
तीन लोकांसह प्रवास करण्यासाठी प्रति व्यक्ती पॅकेज शुल्क 14,710 रुपये आहे.
मुलांसाठी पॅकेज फी 7,610 रुपये आहे.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )