Travel : जूनमध्ये येणार 'Long Weekend'! 1 दिवस सुट्टी घ्या, अन् 4 दिवस प्रवासाचा आनंद घ्या, 'या' ठिकाणी पिकनिक करा एन्जॉय

Travel : जर तुम्हाला जून महिन्यात फिरायला जायचं असेल, एक दिवस सुट्टी घ्या आणि 4 दिवस प्रवासाचा आनंद घ्या, त्यामुळे तुम्ही सहज सहलीचा प्लॅन करू शकता.

Travel lifestyle marathi news Long Weekend coming in June

Travel :  आजकालचे धकाधकीचे जीवन, कामाचा ताण या गोष्टींमुळे माणूस आपला खरा आनंद विसरत चाललाय. कामाची गडबड, आणि जबाबदाऱ्यांमध्ये अनेकजण इतके गुंतून जातात, की स्वत:साठी त्यांना वेळ द्यायला जमत नाही. आपल्या कुटुंबासोबत प्रवास करायला तसं सगळ्यांनाच आवडतं. त्यामुळे जेव्हा कोणाला वेळ मिळेल तेव्हा तो कुठल्यातरी सुंदर ठिकाणी भेटायला जातो. अनेकांना इच्छा असूनही कामाच्या ताणतणावामुळे फिरणे जमत नाही, म्हणून बरेच लोक सुट्टीची वाट पाहत असतात, जेणेकरून त्यांना प्लॅन करता येईल आणि कुटुंबासोबत मजाही करता येईल. कारण काम बाजूला सारून कसलीही चिंता न करता फिरण्यात एक वेगळाच आनंद असतो. तुम्हीही जून महिन्यात प्रवास करण्याचा विचार करत असाल तर तुम्ही ऑफिसमधून 1 दिवसाची सुट्टी घेऊन पूर्ण 4 दिवस प्रवासाचा आनंद घेऊ शकता आणि एकत्र मजा करू शकता. असा प्लॅन करा

 

जून 2024 मध्ये सहलीचे नियोजन कसे कराल?

तुम्हाला 14 ते 18 जून या जून महिन्यात प्रवासाचा उत्तम लाभ घ्यायचा असेल तर तुम्ही सहज पिकनिकचे प्लॅनिंग करू शकता. यासाठी, तुम्ही 14 जून किंवा 18 जूनला ऑफिसमधून सुट्टी घेऊन कुटुंब, मित्र किंवा जोडीदारासोबत बाहेर जाण्याचा विचार करू शकता.

 

जूनमध्ये लाँग वीकेंड कधी येणार आहे?

जूनमध्ये, तुम्ही याप्रमाणे लाँग वीकेंड ट्रिपचा प्लॅन करू शकता..

14 जून- (शुक्रवार- ऑफिसमधून सुटी घेऊ शकतात)
15 जून- (शनिवार-विकेंड)
16 जून- (रविवार-विकेंड)
17 जून- (सोमवार-बकरीद सुट्टी)
18 जून - (मंगळवार - ऑफिसमधून सुट्टी घेऊ शकता)

अशाप्रकारे, तुम्ही शुक्रवार, 14 जून किंवा मंगळवार, 18 जून 2024 रोजी कोणत्याही दिवशी सुट्टी घेऊ शकता आणि 4 दिवस प्रवासाचा आनंद घेऊ शकता. तुम्हाला केवळ 1 दिवसाची रजा घ्यायचीय, ज्यामुळे तुम्ही 4 दिवसांसाठी सहलीचे नियोजन करू शकता. जरी सुट्टी मिळाली नाही तरी तुम्ही 3 दिवसांच्या सुट्टीचे प्लॅनिंग करू शकता. या 3-4 दिवसांच्या सुट्ट्यांमध्ये तुम्ही तुमच्या कुटुंबासह, मित्रांसोबत किंवा जोडीदारासोबत भारतातील विविध नयनरम्य ठिकाणी एक आठवणीतली सुट्टी घालवू शकता.

जूनच्या सुट्ट्यांमध्ये भेट देण्यासाठी सर्वोत्तम ठिकाणं

जून महिना हा वर्षातील एक महिना असतो जेव्हा देशाच्या काही भागात उष्णता असते, तर काही भागात पाऊस आणि थंडावा... उष्णतेमुळे आधीच त्रासलेले लोकं सुखद अनुभव मिळण्यासाठी थंड ठिकाणांना भेट देण्याचे नियोजन करत असतात. अशात, तुम्ही जूनमध्ये देशातील या सुंदर आणि थंड ठिकाणांना भेट देऊ शकता. जर तुम्ही उटी आणि कोडाईकनालला फिरण्याचा प्लॅन बनवत असाल तर यासाठी तुम्हाला ई-पास बनवावा लागेल.

 

मॅक्लॉडगंज - उन्हाळ्यात फिरण्याचा एक वेगळाच आनंद

हिमाचलच्या सुंदर दऱ्यांमध्ये वसलेले मॅक्लॉडगंज हे ठिकाण म्हणजे उन्हाळ्यात फिरण्याचा एक वेगळाच आनंद आहे. जूनमध्ये येथील हवामान अगदी स्वच्छ असते. मॅक्लिओडगंजच्या थंड गारव्यात, तुम्ही ट्रिंड ट्रेक, भागसुनाग धबधबा, दलाई लामा मंदिर, भागसुनाग मंदिर, नामग्याल मठ आणि मिंकियानी पास यासारखी प्रेक्षणीय ठिकाणे पाहू शकता.

 

मुनसियारी - सुंदर आणि शांत हिल स्टेशन

समुद्रसपाटीपासून 7 हजार फुटांपेक्षा जास्त उंचीवर वसलेले मुनसियारी हे उत्तराखंडचे एक सुंदर आणि शांत हिल स्टेशन आहे. जून महिन्यात, बरेच लोक येथे कुटुंब, मित्र किंवा भागीदारांसह सुट्टी घालवण्यासाठी येतात. मुन्सियारीमध्ये, बिर्थी धबधबा, ठामरी कुंड, पंचचुली शिखरे आणि मडकोट व्हिलेज यासारख्या इतर अनेक नेत्रदीपक ठिकाणांसह बर्फाच्छादित पर्वतांचा शोध घेता येतो.

 

जूनमध्ये भेट देण्यासाठी इतर सर्वोत्तम ठिकाणे

जून महिन्यात, आपण सुट्टीसाठी देशातील इतर अनेक ठिकाणी भेट देऊ शकता. यासाठी तुम्ही शिमला, कुल्लू-मनाली, धर्मशाला, डलहौसी, नैनिताल, मसुरी, मुन्नार, कूर्ग, शिलाँग, गंगटोक आणि मेघालय यासारखी ठिकाणं डेस्टिनेशन पॉइंट म्हणून बनवू शकता.

 

 

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )