Trending : रक्षाबंधनच्या सुट्टीवरून बॉसने केले 'असे' काही, HR ने थेट व्हॉट्सॲप चॅट सोशल मीडियावर केला पोस्ट

Rakshabandhan 2024 Trending : सोशल मीडिया प्लॅटफॉर्म लिंक्डइनवर व्हायरल झालेल्या पोस्टमध्ये, एका महिला एचआरने बॉस सोबतच्या चॅटचे 3 स्क्रीनशॉट पोस्ट केले आहेत. जाणून घेऊया संपूर्ण प्रकरण काय आहे?

Rakshabandhan 2024 Trending lifestyle marathi news

Source : Google

Rakshabandhan 2024 Trending : रक्षाबंधनचा सण हा बहिण-भावाच्या प्रेमाचा सण तर असतोच, सोबत कुटुंब एकत्र येण्याचाही दिवस असतो. या दिवशी प्रत्येकाला आपल्या कुटुंबासोबत सण साजरा करायचा असते, मात्र रक्षाबंधनाच्या सणाच्या दिवशी अनेक खासगी कंपन्यांना सुट्टी नसते. अशा परिस्थितीत काही कामगार एकतर या सणासाठी आधीच सुटी घेतात किंवा अर्धा दिवस काढून घरून काम करून हा सण साजरा करतात. पण सोशल मीडियावर व्हायरल झालेल्या एका पोस्टमध्ये महिला एचआरने दावा केला आहे की रक्षाबंधनाच्या सुट्टीच्या मुद्द्यावरून तिच्या बॉसने तिला नोकरीवरून काढून टाकले आहे. नेमकं प्रकरण काय?

 

 

काय आहे संपूर्ण प्रकरण?

इंटरनेटवर व्हायरल झालेल्या व्हॉट्सॲप चॅटच्या स्क्रीनशॉटमध्ये एका खासगी कंपनीचा बॉस आणि एचआर यांच्यात रक्षाबंधनाच्या सुट्टीच्या मुद्द्यावर झालेले संभाषण पाहायला मिळते. ही कंपनी पंजाबमधील मोहाली येथे आहे. LinkedIn वर, Babina नावाच्या HR ने तिच्या बॉससोबत तिच्या WhatsApp चॅटचे 3 स्क्रीनशॉट पोस्ट केले. चुकीच्या नियमाविरुद्ध भूमिका घेतल्याबद्दल तिला नोकरीतून काढून टाकण्यात आले हे स्पष्ट केले. एचआरच्या या पोस्टवर यूजर्सही जोरदार कमेंट करत आहेत आणि बॉसवर कारवाई करण्याचा सल्लाही देत ​​आहेत.

 

HR ने थेट व्हॉट्सॲप चॅट सोशल मीडियावर केला पोस्ट

बॉसने HR ला संदेश पाठवला की, 'आमच्या टीमची एकता लक्षात घेऊन मी ठरवले आहे की 15 ऑगस्ट स्वातंत्र्य दिनी कंपनी बंद राहील. तसेच 19 ऑगस्ट रोजी रक्षाबंधनाला अर्धा दिवस किंवा लहान सुट्टी दिली जाणार नाही. या दिवशी उपस्थिती अनिवार्य आहे. जर एखाद्याने 19 ऑगस्ट रोजी कामाचा रिपोर्ट दिला नाही तर त्याची 7 दिवसांची पगार कपात करावी लागेल. या दिवशी उपस्थिती अनिवार्य आहे. या निर्णयाशी कोणाला असहमत असेल तर त्यांनी राजीनामा सादर करावा.

 

कंपनीने दिलं उत्तर..

B9 सोल्युशन्स कंपनीने देखील बबीनाला तिच्या अधिकृत लिंक्डइन हँडलवरून प्रतिसाद दिला आणि लिहिले की, कामाच्या ठिकाणी आचारसंहितेमुळे बबीनाला अनेक वॉर्निंग प्राप्त झाल्या होत्या. "बबीनाने तुमच्यापैकी कोणाला सांगितले होते का की तिला फोनच्या अतिवापराच्या संदर्भात अनेक वॉर्निंग मिळाले होते? तसेच, कंपनीने आपल्या उत्तरात बबीनावर अनेक आरोपही केले आहेत.

 

हेही वाचा>>>

 

 

 

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )