Pitru Paksha 2022 : उद्यापासून सुरु होतोय पितृपक्ष पंधरवडा; जाणून घ्या पूजा, विधी आणि महत्त्व

Pitru Paksha 2022 : पितृपक्ष दरवर्षी भाद्रपद महिन्याच्या शुक्ल पक्षाच्या पौर्णिमेपासून सुरू होतो. आणि पुढे तो 15 दिवस चालतो.

Written By : एबीपी माझा वेब टीम | Edited By: प्रिया मोहिते | Updated at : 09 Sep 2022 08:19 PM (IST)

Pitru Paksha 2022

Pitru Paksha 2022 : हिंदू धर्मात पितृपक्षाला (Pitru Paksha 2022) विशेष महत्त्व आहे. पितृ पक्षात पूर्वजांचे पूर्ण भक्तीभावाने स्मरण केले जाते आणि त्यांच्याप्रती कृतज्ञता व्यक्त केली जाते. असे मानले जाते की, पितरांचे श्राद्ध केल्याने त्यांच्या आत्म्याला शांती मिळते आणि ते त्यांच्या वंशजांना सुख-समृद्धी देतात. पितृपक्ष दरवर्षी भाद्रपद महिन्याच्या शुक्ल पक्षाच्या पौर्णिमेपासून सुरू होतो. आणि पुढे तो 15 दिवस चालतो. पितृपक्षात पितर कावळ्यांच्या रूपात पृथ्वीवर येतात असे मानले जाते. यावर्षी पितृपक्ष 10 सप्टेंबरला सुरू होऊन 25 सप्टेंबरपर्यंत आहे. पितृपक्षात कोणत्या पूजा, विधी केल्या जातात या संदर्भात अधिक माहिती जाणून घ्या.

पितृश्राद्धाची तारीख 2022 :

10 सप्टेंबर 2022 : पौर्णिमा श्राद्ध, भाद्रपद, शुक्ल पौर्णिमा

11 सप्टेंबर 2022 : द्वितीया श्राद्ध

12 सप्टेंबर 2022 : तृतीया श्राद्ध

13 सप्टेंबर 2022 : चतुर्थी श्राद्ध

14 सप्टेंबर 2022 : पंचमी श्राद्ध

15 सप्टेंबर 2022 : षष्ठी श्राद्ध

16 सप्टेंबर 2022 : सप्तमी श्राद्ध

18 सप्टेंबर 2022 : अष्टमी श्राद्ध

19 सप्टेंबर 2022 : नवमी श्राद्ध

20 सप्टेंबर 2022 : दशमी श्राद्ध

21 सप्टेंबर 2022 : एकादशी श्राद्ध

22 सप्टेंबर 2022 : द्वादशी श्राद्ध

23 सप्टेंबर 2022 : त्रयोदशी श्राद्ध

24 सप्टेंबर 2022 : चतुर्दशी श्राद्ध

25 सप्टेंबर 2022 : अमावस्या श्राद्ध, सर्वपितृ अमावस्या

पितृपक्षात अशा प्रकारे अर्पण करावे

शास्त्रानुसार पिंडदान आणि ब्राह्मणभोज अर्पण करून पितरांचे श्राद्ध करावे. ब्राह्मणांना श्राद्धात आदरपूर्वक बोलावून त्यांचे पाय धुवून त्यांना आसनावर बसवावे. ब्राह्मण भोजनाबरोबरच पंचबली भोजनाला विशेष महत्त्व आहे. पितरांना अर्पण करण्याचा अर्थ त्यांना पाणी देणे असा आहे. पितरांचे स्मरण करताना हातात पाणी, कुशा, अक्षत, फुले आणि काळे तीळ घेऊन त्यांना आमंत्रित करा. त्यानंतर तिचे नाव घेत अंजलीचे पाणी 5-7 किंवा 11 वेळा पृथ्वीवर टाका. कावळे हे पूर्वजांचे रूप मानले जाते. पितृपक्षात कावळ्यांना खायला द्यावे.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. यासाठी संबंधित तज्ज्ञाचा सल्ला घ्यावा.

महत्वाच्या बातम्या :