Lifestyle: वाढदिवसाला केक कापावा की नाही? मद्यपान करणं पाप? 'पुण्य नष्ट होतंय तुमचं...' प्रेमानंद महाराजांनी सांगितलं मोठं कारण

Lifestyle: प्रेमानंद महाराज यांचे सोशल मीडियावर लाखो फॉलोअर्स आहेत. अनेक सेलिब्रिटी त्यांच्या सत्संगाला हजेरी लावतात. त्यात महाराज त्यांच्या विविध प्रश्नांचं समाधानकारक उत्तर देतात.

Lifestyle Premanand Maharaj told the big reason cut the cake on your birthday or not

Source : google

Lifestyle: आपण नेहमी पाहतो, कोणाचा वाढदिवस असेल, तर आजकाल रात्री 12 वाजता केक कापला जातो, पार्टी म्हणून मद्यपान करून हा दिवस साजरा केला जातो. परंतु तुम्हाला माहित आहे का? असे करणे आपल्या भारतीय संस्कृतीच्या विरोधात आहे. हे आम्ही नाही, तर प्रेमानंद महाराज सांगत आहे, महाराजांचा एक व्हिडीओ व्हायरल होत आहे, ज्यामध्ये त्यांनी एका भक्ताच्या प्रश्नाला उत्तर दिलंय.. 

 

प्रेमानंद महाराजांचे सोशल मीडियावर लाखो फॉलोअर्स

प्रेमानंद महाराज हे राधा राणीचे निस्सीम भक्त आहेत. तसेच ते वृंदावन येथे राहतात. महाराज आपल्या सत्संगाच्या माध्यमातून लोकांना मार्गदर्शन करतात. आणि त्यांच्या प्रश्नांची उत्तरे देखील देतात. प्रेमानंद महाराज यांचे सोशल मीडियावर लाखो फॉलोअर्स आहेत. अनेक सेलिब्रिटींनी त्यांच्या सत्संगाला हजेरी लावली आहे. ज्यामध्ये अनुष्का शर्मा, विराट कोहली आणि RSS प्रमुख मोहन भागवत यांच्या नावाचा समावेश आहे.

वाढदिवसाच्या दिवशी काय करावे? भक्ताच्या प्रश्नाला महाराजांचं उत्तर

महाराजांचा एक व्हिडिओ व्हायरल होत आहे, ज्यामध्ये एक भक्त त्यांना विचारत आहे की, एखाद्या व्यक्तीने आपल्या वाढदिवसाच्या दिवशी काय करावे. ज्यावर प्रेमानंद महाराज यांनी सांगितले की, वाढदिवसाच्या दिवशी त्या व्यक्तीने ज्येष्ठ आश्रमात जाऊन भोजन घ्यावे. त्या लोकांनाही कपडे द्या. त्याचवेळी ते म्हणाले की, दवाखान्यात जा, तिथे रुग्णाला औषध हवे असेल तर ते विकत घेऊन त्याला द्या. असे केल्याने तुम्हाला वाढदिवसाच्या शुभेच्छा येतील. तसेच जीवनात सुख-समृद्धी येईल.

 

वाढदिवशी 'या' गोष्टी करू नका.. महाराजांनी सांगितले...

प्रेमानंद गोविंद शरण महाराज यांनी सांगितले की, वाढदिवसाच्या दिवशी दारू आणि सिगारेटचे सेवन टाळावे. कारण या गोष्टींच्या सेवनाने पुण्य नष्ट होते. यासोबतच शरीराचाही नाश होतो. त्यामुळे या दिवशी मादक पदार्थांचे सेवन टाळावे. वाढदिवशी केक कापणे, मेणबत्त्या विझवणे हेही टाळावे, असेही ते म्हणाले. कारण ही संस्कृती पाश्चात्य संस्कृती आहे. ही सभ्यता पारंपारिक नाही.

 

कोण आहेत प्रेमानंद महाराज?

प्रेमानंद महाराज हे कानपूर जिल्ह्यातील एल ब्लॉकमधील आखारी गावचे रहिवासी आहेत. त्यांच्या वडिलांचे नाव शंभू पांडे, आईचे नाव राम देवी आहे. महाराजांच्या गुरुजींचे नाव श्री गौरांगी शरणजी महाराज आहे. तर प्रेमानंद जी महाराज सांगतात की, ते इयत्ता पाचवीत असताना त्यांनी गीता पाठ करायला सुरुवात केली आणि त्यामुळे हळूहळू त्यांची आवड अध्यात्माकडे वाढू लागली.

 

 

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )