World Digestive Health Day 2024: पचनक्रियेचे 'हे' 5 कर्करोग ठरतील प्राणघातक! निरोगी जीवनाचं रहस्य जाणून घ्यायचंय? तज्ज्ञ सांगतात...

World Digestive Health Day 2024: पचनसंस्थेबद्दल लोकांना जागरूक करण्याच्या उद्देशाने हा दिवस साजरा केला जातो. निरोगी जीवनाचं रहस्य जाणून घ्यायचंय? तज्ज्ञांकडून माहिती जाणून घ्या..

World Digestive Health Day 2024 lifestyle marathi news

World Digestive Health Day 2024 : बदलत्या जीवनशैलीमुळे अनेकांना विविध आजारांना तोंड द्यावे लागत आहे. असं म्हणतात ना.. आपल्या चांगल्या आरोग्यामध्ये पचनक्रिया महत्त्वाची भूमिका बजावते. निरोगी आरोग्याचा मार्ग निरोगी आतड्यांमधून जातो. मात्र, बदलत्या जीवनशैलीमुळे लोकांच्या खाण्याच्या सवयीही झपाट्याने बदलत आहेत. दरवर्षी 29 मे रोजी जागतिक पाचक आरोग्य दिन साजरा केला जातो. पचनसंस्थेबद्दल लोकांना जागरूक करण्याच्या उद्देशाने हा दिवस साजरा केला जातो. निरोगी जीवनाचं रहस्य जाणून घ्यायचंय? तज्ज्ञांकडून माहिती जाणून घ्या..

निरोगी आतडे हे निरोगी जीवनाचे रहस्य

निरोगी जीवन जगण्यासाठी आपली पचनक्रिया सुदृढ असणे अत्यंत आवश्यक आहे. निरोगी आतडे हे निरोगी जीवनाचे रहस्य आहे. जर आपली पचनक्रिया निरोगी असेल तर आरोग्याशी संबंधित अनेक समस्या आपल्यापासून दूर राहतात, परंतु जर पचनसंस्थाच बिघडली तर आपले आरोग्यही बिघडू शकते. अशा परिस्थितीत निरोगी जीवनासाठी निरोगी पचनसंस्था किती महत्त्वाची आहे, हे स्पष्ट होते. पचनसंस्थेचे महत्त्व लोकांना सांगण्याच्या उद्देशाने, जागतिक पाचक आरोग्य दिन दरवर्षी 29 मे रोजी साजरा केला जातो.

बदलत्या जीवनशैलीमुळे गॅस्ट्रोइंटेस्टाइनलच्या अनेक समस्या

हा दिवस विशेषतः गॅस्ट्रोइंटेस्टाइनल (GI) रोगांबद्दल जागरूकता पसरवण्यासाठी आणि लोकांना त्यांच्या आरोग्याबद्दल चांगले निर्णय घेण्यास मदत करण्यासाठी साजरा केला जातो. आजकाल बदलत्या जीवनशैलीमुळे लोक गॅस्ट्रोइंटेस्टाइनलच्या अनेक समस्यांना बळी पडत आहेत. कर्करोग हा यापैकीच एक आहे, जो आरोग्यासाठी घातक ठरू शकतो. तर, पाचक आरोग्य दिनानिमित्त, एका वृत्तसंस्थेने घेतलेल्या मुलाखतीनुसार वैद्यकीय ऑन्कोलॉजिस्ट, डॉ. रमण नारंग यांनी य़ाबाबत माहिती दिलीय. त्यांनी प्राणघातक पाचक कर्करोगाबद्दल सांगितलंय..

 

कोलोरेक्टल कर्करोग

कोलोरेक्टल कर्करोग हा जगभरातील तिसरा सर्वात सामान्य कर्करोग आहे, जो कोलन किंवा गुदाशयमध्ये होतो. स्क्रिनिंगद्वारे लवकर तपासणी केल्याने चांगले परिणाम मिळू शकतात, परंतु एकदा कोलोरेक्टल कर्करोग वाढला की, त्यावर उपचार करणे आव्हानात्मक असू शकते.

पोटाचा कर्करोग

या प्रकारचा कर्करोग वृद्धांमध्ये सामान्य आहे,  बऱ्याचदा हा कर्करोग वृद्धत्वात आढळून येतो. 

लिव्हर कर्करोग

जेव्हा यकृताचा कर्करोग, विशेषत: हेपॅटोसेल्युलर कार्सिनोमा (HCC) चे निदान होते, तेव्हा त्यावर फार कमी उपचार पर्याय उपलब्ध असतात. सिरोसिस, नॉन-अल्कोहोलिक फॅटी लिव्हर डिसीज, आणि हिपॅटायटीस बी किंवा सी, किंवा एखाद्या जुन्या यकृताच्या आजारमुळे कर्करोगाचा धोका वाढतो.

एसोफैगल  कर्करोग

एसोफैगल म्हणजेच अन्ननलिका कर्करोग, या रोगाचा एक गंभीर प्रकार आहे, बहुतेकदा त्याच्या प्रगत अवस्थेत आढळतो. धूम्रपान, अति मद्यपान आणि बॅरेटच्या अन्ननलिकेसारखे रोग हे अन्ननलिकेच्या कर्करोगासाठी मुख्य जोखीम घटक आहेत.

पॅंक्रियाटिक कर्करोग

पॅंक्रियाटिक म्हणजेच स्वादुपिंडाचा कर्करोग उपचार करणे आव्हानात्मक असू शकते. कारण त्याचे निदान प्रगत अवस्थेत केले जाते. स्वादुपिंडाच्या कर्करोगाचा पाच वर्षे जगण्याचा दर खूपच कमी आहे. याचे मुख्य कारण म्हणजे कॅन्सर वाढेपर्यंत त्याची लक्षणे सहसा दिसून येत नाहीत.

या गंभीर कर्करोगांचा धोका कसा टळेल?

नियमित शारीरिक हालचालींमुळे निरोगी वजन राखण्यात मदत होते, यामुळे पोटाचा कर्करोग आणि इतर पाचक कर्करोगाचा धोका कमी होतो.

फळे, भाज्या, संपूर्ण धान्य आणि कमी चरबीयुक्त मांस यांचा समतोल आहार घेतल्यास आतड्यांचा कर्करोग काही प्रमाणात टाळता येतो.

लाल मांस, प्रक्रिया केलेले मांस, साखर आणि चरबीयुक्त आहार कमी करणे देखील जोखीम कमी करण्यास मदत करू शकते.

जास्त मद्यपान केल्याने पोट, यकृत आणि अन्ननलिका कर्करोगासह इतर पाचन कर्करोगाचा धोका वाढतो.

अशा परिस्थितीत दारूचे सेवन कमी केल्यास किंवा पूर्णपणे टाळल्यास त्यांचा धोका कमी होऊ शकतो.

हिपॅटायटीस बी किंवा सी, जीईआरडी आणि दाहक आंत्र रोग (IBD) यांसारख्या जुनाट आजारांवर उपचार आणि नियंत्रण केल्याने काही पाचक कर्करोगाचा धोका कमी होऊ शकतो.

हिपॅटायटीस बी विषाणू (HBV) लसीकरण दीर्घकालीन HBV संसर्गामुळे यकृताच्या कर्करोगाचा धोका कमी करू शकतो.

त्याचप्रमाणे, मानवी पॅपिलोमाव्हायरस (HPV) लस गुदद्वाराच्या कर्करोगासारखे काही रोग होण्याची शक्यता कमी करते

 

 

हेही वाचा>>>

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )