Raj Thackeray: रमेश वांजळेंचा मुलगा माझा पुतण्या; मित्राच्या आठवणीने राज ठाकरे भर जाहीर सभेत भावूक, Video
Raj Thackeray In Pune Maharashtra Vidhan Sabha Election 2024: राज ठाकरे यांनी काल पुण्यात खडकवासला विधानसभेचे मनसेचे उमेदवार मयुरेश वांजळे यांच्या प्रचारार्थ जाहीर सभा घेतली.
Raj Thackeray: माझा मित्र आणि सहकारी स्वर्गीय रमेश वांजळे (Ramesh Wanjale) यांचा मुलगा मयुरेश वाजळेंचा (Mayuresh Wanjale) प्रचार करायला मी इकडे आलो आहे. मला तो दिवस अजून आठवतोय. रमेश शेवटचा कोणाशी बोलला असेल तो माझ्याशी बोलला, त्याने मला फोन केला आणि म्हणाला मी एमआरआय काढायला आलोय, तो झाला की फोन करतो आणि थोड्यावेळाने मला फोन आला की तो गेला. मला काय बोलायचं तेच कळेना, असं म्हणत मनसेप्रमुख राज ठाकरे (Raj Thackeray) खडकवासला जाहीर सभेत भावूक झाले.
मला अनेक जणं सोडून गेले पण आज माझा रमेश असता तर मला सोडून गेला नसता. मयुरेश मला रमेशची आठवण करून देतो. आकाराने पण तसाच आहे आणि सोन्याने मढलेला पण तसाच आहे. त्यामुळे तुम्ही जे मतदान कराल ते मयुरेशला कराल तसंच मतदान तुम्ही रमेशला पण कराल, असं मनसेप्रमुख राज ठाकरे म्हणाले. राज ठाकरे यांनी काल पुण्यात खडकवासला विधानसभेचे मनसेचे उमेदवार मयुरेश वांजळे यांच्या प्रचारार्थ जाहीर सभा घेतली. यावेळी राज ठाकरेंनी विविध मुद्द्यांवर भाष्य केलं.
रमेश वांजळेचा मुलगा माझा पुतण्या- राज ठाकरे
मयुरेश जेव्हा माझ्याकडे सर्वप्रथम आला. त्यावेळी मला वाटले माझा भाऊ जयदेव ठाकरे यांचा मुलगा आणि माझा पुतण्या राहुल ठाकरे आला आहे. कारण माझा पुतण्या राहुल ठाकरे आणि मयुरेश वांजळे दोघंही सारखेच दिसतात. त्यानंतर मला कोणीतरी सांगितले की रमेश वांजळे यांचा मुलगा मयुरेश वांजळे आला आहे. मी म्हटलं मयुरेश देखील माझा पुतण्याच....असं राज ठाकरे म्हणाले.
पुण्याचा झालेला सत्यानाश पाहून वाईट वाटतं- राज ठाकरे
खरंच मनापासून सांगतो की पुण्याचा झालेला सत्यानाश पाहून वाईट वाटतं. पण तुम्हाला त्याचं वाईट वाटत नाही, राग येत नाही हे पाहून मला जास्त वाईट वाटतं. एकदा तुमच्या हातातील फोनमध्ये डोकावून जग कुठे गेलं आहे ते...आपण रस्ते, पाणी, गटारं यातच अडकलो आहोत. पण याचा तुम्हाला राग येत नाही. जगाच्या मागे आपण किती पडलो आहोत याचं आपल्याला काही वाटत नाही हे वाईट आहे, असं राज ठाकरेंनी सांगितलं. तुम्ही इतकी वर्ष ज्यांना मतदान केलं त्यांनी तुमचं जगणं हराम करून ठेवलं आहे. आज महाराष्ट्रातील अनेक मुलं हा देश सोडून निघालेत. शिक्षण, नोकऱ्या त्यांना इथे पण मिळू शकतात, पण ते का चाललेत, कारण आजूबाजूचं वातावरण घाणेरडं आहे. मला या सांगा या असल्या महाराष्ट्रासाठी छत्रपती शिवाजी महाराज झटले?, असा सवाल राज ठाकरेंनी उपस्थित केला.
मित्राच्या आठवणीने राज ठाकरे भावूक, Video:
महत्त्वाच्या बातम्या
