Health Tips : टीबीच्या 'या' लक्षणांकडे दुर्लक्ष करू नका, 'हे' 4 घरगुती उपाय ठरतील उपयुक्त

Health Tips : जागतिक आरोग्य संघटनेच्या मते, जगभरातील अंदाजे एक चतुर्थांश प्रकरणांसह टीबी रुग्णांच्या बाबतीत भारत पहिल्या क्रमांकावर आहे.

Health Tips

Health Tips : टीबी हा फुफ्फुसात होणारा संसर्गजन्य रोग आहे. हा रोग मायकोबॅक्टेरियम ट्यूबरक्युलोसिस नावाच्या जीवाणूमुळे होतो. हे हवेत पसरलेल्या खोकला आणि शिंकांच्या लहान कणांद्वारे एका व्यक्तीकडून दुसऱ्या व्यक्तीमध्ये हा आजार पसरला जातो. या आजाराची सुरुवातीची लक्षणे ओळखणे कठीण असते. त्याच्या उपचारासाठी बाजारात अनेक औषधे आणि अॅंटीबायोटिक्स उपलब्ध आहेत.

जागतिक आरोग्य संघटनेच्या मते, जगभरातील अंदाजे एक चतुर्थांश प्रकरणांसह टीबी रुग्णांच्या बाबतीत भारत पहिल्या क्रमांकावर आहे. आरोग्य तज्ज्ञांच्या मते, हा आजार टाळण्यासाठी रोगप्रतिकारक शक्ती मजबूत करणे अत्यंत आवश्यक आहे. टीबीवर मात करण्यासाठी काही घरगुती उपाय देखील खूप फायदेशीर ठरू शकतात, ज्यामुळे त्याचे परिणाम कमी होऊ शकतात.

T.B. ची लक्षणे कोणती?

या आजारात तुम्हाला 3 महिन्यांहून अधिक काळ खोकला असू शकतो. तसेच, ताप, थंडी वाजून येणे, अंगदुखी यांसारख्या इतर समस्याही असू शकतात. याशिवाय या लक्षणांवरूनही तुम्ही टीबी ओळखू शकता.

• पोटदुखी
• सांधे दुखी
• सतत डोकेदुखी

T.B च्या बाबतीत 'हे' घरगुती उपाय करा

टीबीच्या उपचारासाठी बाजारात अनेक प्रतिजैविके आणि औषधे उपलब्ध आहेत. पण काही घरगुती उपाय करून तुम्ही या समस्येपासून आराम मिळवू शकता. 

लसूण : आहारात लसणाचा समावेश करणे आरोग्यासाठी फायदेशीर मानले जाते. याशिवाय टीबीच्या उपचारातही लसूण प्रभावी आहे. यामध्ये सल्फ्यूरिक अॅसिड आढळते जे टीबीच्या बॅक्टेरियाशी लढण्यास मदत करते.

व्हिटॅमिन डी : हे जीवनसत्व टीबी रुग्णांना बरे होण्यास मदत करते. तुम्हाला अंडी, दूध, मासे व्हिटॅमिन डी मिळेल. याबरोबरच टीबीच्या रुग्णांनी रोज सकाळी काही वेळ उन्हात बसावे. यामुळे शरीरातील व्हिटॅमिन डीची कमतरताही पूर्ण होईल.

अक्रोड : अक्रोडमध्ये भरपूर पोषक घटक असतात. त्यात ओमेगा 6, व्हिटॅमिन बी, व्हिटॅमिन सी, व्हिटॅमिन के आणि व्हिटॅमिन बी 12 आढळतात. हे निरोगी लिपिड पुरवठा वाढवते. हे रोज खाल्ल्याने रोगप्रतिकार शक्ती मजबूत होते.

संत्री : संत्री हा व्हिटॅमिन सी आणि अँटिऑक्सिडंटचा खजिना आहे. टीबी रुग्णांसाठी संत्र्याचा रस खूप फायदेशीर मानला जातो. छातीतील कफ काढून टाकण्यासाठीही संत्री गुणकारी आहेत. अँटिऑक्सिडंट्स भरपूर असल्याने ते इतर संसर्गजन्य आजारांपासूनही तुमचे रक्षण करते.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. 

महत्त्वाच्या बातम्या :