Health: एक चीज बर्गर खाल्ल्याने आयुष्य 9 मिनिटांनी कमी होते? संशोधनात फास्ट फूडबाबत धक्कादायक खुलासा, जाणून घ्या..

Health: फास्ट फूडमुळे तुमचे आयुष्य कमी होत आहे. एवढेच नाही तर हे खाल्ल्याने तुमच्या शरीर विविध आजारांचे घर होऊ शकते. संशोधनात काय म्हटलंय..

Health lifestyle marathi news Does eating a cheeseburger shorten your life by 9 minutes Research reveals

Source : google

Health: आजकालची बदलती जीवनशैली, कामाचा अतिताण, वेळेचा अभाव आणि जंकफूडचे सेवन यासारख्या गोष्टींमुळे अनेकांना विविध आजारांनी ग्रासलंय. त्यामुळे तुम्ही जर कोल्ड्रिंक्स किंवा चीज बर्गर खाण्याचे शौकीन असाल तर सावधान... फास्ट फूडमुळे तुमचे आयुष्य कमी होत असल्याचा धक्कादायक खुलासा डेली मेलच्या एका रिसर्चमध्ये झाला आहे. एवढेच नाही तर हे खाल्ल्याने तुमचे शरीर विविध आजारांचे घर होऊ शकते. शास्त्रज्ञांचा असा दावा आहे की काही गोष्टी तुमचे आयुष्य कमी करत आहेत? फास्ट फूडचे काही पदार्थ खाल्ल्याने आयुष्य कमी होतंय? जाणून घेऊया.

चीज बर्गर खाल्ल्याने तुमचे आयुष्य किती कमी होते?

डेली मेलच्या एका रिपोर्टमध्ये मिशिगन विद्यापीठाच्या संशोधनाचा उल्लेख करण्यात आला आहे. यानुसार, चीज बर्गर खाल्ल्याने तुमच्या आयुष्यातील 9 मिनिटे कमी होत आहेत आणि कोल्ड ड्रिंक पिल्याने 12 मिनिटे कमी होत आहेत. सुमारे 5,800 खाद्यपदार्थांचे विश्लेषण केल्यानंतर आणि त्यांच्या आरोग्यावर होणाऱ्या परिणामांचे मूल्यांकन केल्यावर असे आढळून आले की, जे हॉट डॉग खातात त्यांचे आयुष्य 36 मिनिटांनी कमी होत आहे.

कर्करोगाचा धोका वाढतो

सर्व वयोगटातील लोक थंड पेय पिण्याचे शौकीन असतात. हे आरोग्यासाठीही धोकादायक आहे. तुम्ही तुमच्या आयुष्यातील 24 मिनिटे 6 मिनिटं खारवून वाळवलेले मांस आणि प्रोस्क्युटो सारखे प्रक्रिया केलेले मांस खाऊन गमावू शकता. संशोधनात असे दिसून आले आहे की, एग सँडविच 13.6 मिनिटे आयुष्य कमी करू शकतात. यामध्ये आढळणारे नायट्रेट्स आणि नायट्रेट्स शरीरातील घटकांमध्ये मोडतात, ज्यामुळे कोलन कॅन्सरचा धोका वाढू शकतो.

या गोष्टी खाल्ल्याने वय वाढते

मात्र, संशोधनात वय वाढवणाऱ्या गोष्टींचाही उल्लेख करण्यात आला आहे. शास्त्रज्ञांच्या मते, पीनट बटर आणि जेली सँडविच खाल्ल्याने तुमचे आयुष्य 32 मिनिटांनी वाढू शकते. सुका मेवा आणि सीड्स खाल्ल्याने 24 मिनिटांनी तसेच फळे 10 मिनिटांनी आयुष्य वाढवू शकतात. मासे आणि भाज्या देखील आयुष्य वाढवण्याचे काम करतात.

फास्ट फूडमुळे धोकादायक रोग होऊ शकतो?

रिसर्च टीमच्या मते, फास्ट फूड आणि अल्ट्रा-प्रोसेस्ड फूडमध्ये भरपूर साखर, अनहेल्दी फॅट्स असते. चीज बर्गर, कोल्ड ड्रिंक्स, रेड मीट आणि प्रोसेस्ड मीटमध्ये असे घटक असतात, ज्यामुळे मधुमेह, हृदयविकार आणि लठ्ठपणासारखे धोकादायक आजार होऊ शकतात.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )