Health Tips : हिवाळ्यात निरोगी राहण्यासाठी 'हे' पदार्थ खा; रोगप्रतिकारशक्ती वाढवण्याबरोबरच शरीरालाही उबदार ठेवा
Health Tips : हिवाळ्यात तुम्हाला सशक्त आणि निरोगी ठेवण्यासाठी पौष्टिक आहार खूप महत्वाचा आहे.
Health Tips : हिवाळ्याला (Winter) हळूहळू सुरुवात झाली आहे. बदलत्या हवामानाबरोबर आपली जीवनशैलीही बदलू लागते. हिवाळ्यात, लोक सहसा थंडीपासून बचाव करण्यासाठी उबदार कपडे वापरतात. या ऋतूमध्ये आपली रोगप्रतिकारशक्ती (Immunity) खूप कमकुवत होते, त्यामुळे आपण सर्दी आणि फ्लूचे सहज बळी पडतो. अशा परिस्थितीत बदलत्या हवामानात स्वत:ला निरोगी ठेवण्यासाठी आपल्या आहाराची विशेष काळजी घेणे आवश्यक आहे.
हिवाळ्यात तुम्हाला सशक्त आणि निरोगी ठेवण्यासाठी पौष्टिक आहार खूप महत्वाचा आहे. अशा परिस्थितीत, आज आम्ही तुम्हाला काही खाद्यपदार्थांबद्दल सांगणार आहोत ज्यांचा समावेश तुम्ही स्वतःला निरोगी ठेवण्यासाठी तुमच्या आहारात करू शकता.
गरम मसाले
भारतीय स्वयंपाकघरात अनेक मसाले वापरले जातात. हे मसाले तुमच्या जेवणाची चव तर वाढवतातच शिवाय आरोग्याच्या अनेक समस्यांपासून तुमचे रक्षण करतात. अशा परिस्थितीत हिवाळ्यात तुमची प्रतिकारशक्ती वाढवण्यासाठी तुम्ही तुमच्या आहारात आलं, हळद आणि दालचिनीचा समावेश करू शकता. यामध्ये दाहक-विरोधी गुणधर्म आहेत आणि तुम्हाला निरोगी राहण्यास मदत करतात.
ड्रायफ्रूट्स आणि बिया
अनेक पोषक तत्वांनी समृद्ध ड्रायफ्रूट्स आणि बिया, आपली एकूण वाढ आणि आरोग्य सुधारण्यात खूप मदत करतात. अशा परिस्थितीत, जर तुम्हाला हिवाळ्यात निरोगी राहायचे असेल, तर तुम्ही तुमच्या आहारात बदाम, अक्रोड आणि फ्लेक्सच्या बियांचा समावेश करू शकता. हे आवश्यक पोषक घटकाचे स्त्रोत आहेत.
पालेभाज्या
हिवाळा येताच अनेक पालेभाज्या बाजारात उपलब्ध होतात. पालकाच्या भाजीत अनेक जीवनसत्त्वे आणि खनिजे मुबलक प्रमाणात असतात, त्यामुळे हिवाळ्याच्या ऋतूत ते तुम्हाला निरोगी ठेवण्यास मदत करतात.
सूप
हिवाळ्यात निरोगी राहण्यासाठी, थंडीपासून स्वतःचे संरक्षण करणे आणि स्वतःला उबदार ठेवणे महत्वाचे आहे. अशा परिस्थितीत, हिवाळ्यात उबदार राहण्यासाठी, तुम्ही टोमॅटो आणि भाज्यांनी बनवलेले पोषक सूप तुमच्या आहाराचा भाग बनवू शकता. हे आपल्याला आवश्यक जीवनसत्त्वे आणि खनिजे देण्यास मदत करेल.
लिंबूवर्गीय फळे
संत्री आणि लिंबू यांसारख्या लिंबूवर्गीय फळांमध्ये व्हिटॅमिन सी भरपूर प्रमाणात असते. जे आपली प्रतिकारशक्ती मजबूत करण्यास मदत करते. अशा परिस्थितीत, हिवाळ्यात स्वतःला निरोगी ठेवण्यासाठी तुम्ही तुमच्या आहारात व्हिटॅमिन सी समृद्ध लिंबूवर्गीय फळांचा समावेश करू शकता.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.
महत्त्वाच्या बातम्या :
महत्त्वाच्या बातम्या
ट्रेंडिंग न्यूज
