Health Tips : केवळ सौंदर्यातच नाही तर आरोग्याच्या गंभीर समस्याही दूर करतं कोरफड; जाणून घ्या कसे?
Alovera For Health : कोरफड देखील वजन कमी करण्यात महत्त्वाची भूमिका बजावू शकते, कारण त्यात अँटी-ओबेसिटी गुणधर्म तुमची लठ्ठपणाची समस्या दूर होते.
Health Tips : कोरफड ही एक औषधी वनस्पती आहे. कोरफडचा आरोग्य, त्वचा किंवा केसांसाठी विशेष फायदा होतो. कोरफडीचा रस पिणे अनेक रोगांवर फायदेशीर आहे. यांसारखे कोरफडीचे अनेक फायदे आहेत.
कोरफडचे औषधी गुणधर्म
कोरफडीच्या औषधी गुणधर्मांबद्दल सांगायचे तर, त्यात अँटीसेप्टिक, अँटीबायोटिक, अँटी-बॅक्टेरियल, अँटी-इंफ्लेमेटरी असे गुणधर्म आढळतात. तर व्हिटॅमिन ए, फॉलिक अॅसिड सारखे आवश्यक पोषक घटक आरोग्यासाठी फायदेशीर ठरू शकतात.
मधुमेह : कोरफड देखील मधुमेहासाठी खूप फायदेशीर ठरू शकते. कोरफडीच्या सेवनाने टाईप 2 मधुमेह असलेल्या रुग्णाच्या रक्तातील साखरेची पातळी काही प्रमाणात संतुलित केली जाऊ शकते. कोरफडीची पाने मधुमेहावरही गुणकारी ठरू शकतात.
कॉलेस्ट्रॉल : कॉलेस्ट्रॉल कमी करण्यासाठी कोरफडचे सेवन देखील केले जाऊ शकते. NCBI च्या अहवालानुसार, कोरफडच्या सेवनाने केवळ ऑक्सिडेटिव्ह तणाव कमी होत नाही तर यकृतातील कॉलेस्ट्रॉल देखील कमी होऊ शकतो. याशिवाय कोरफड मधील हायपोकोलेस्टेरोलेमिक प्रभाव कॉलेस्ट्रॉल कमी करण्यास मदत करतो.
जळजळ होण्याची समस्या कमी करण्यासाठी : कोरफड देखील जळजळ होण्याची समस्या कमी करण्यासाठी उपयुक्त ठरू शकते. खरंतर त्यात दाहक-विरोधी गुणधर्म आहेत. ज्यामुळे ते जळजळ वर प्रभावीपणे काम करू शकते.
यकृत : कोरफड तुमच्या शरीराला डिटॉक्सिफाय करते, ज्यामुळे ते निरोगी बनते आणि यकृत योग्यरित्या कार्य करण्यास मदत करते. यात हायड्रेटिंग आणि फायटोन्यूट्रिएंट्स भरपूर प्रमाणात असतात जे यकृतासाठी खूप फायदेशीर असतात.
पचन : कोरफडमध्ये निरोगी एन्झाईम असतात जे पचन सुधारतात. पोट आणि आतड्यांतील जळजळ दूर करतात.
वजन कमी करणे : कोरफड देखील वजन कमी करण्यात महत्त्वाची भूमिका बजावू शकते, कारण त्यात अँटी-ओबेसिटी गुणधर्म तुमची लठ्ठपणाची समस्या दूर होते.
कोरफडीचा रस कसा आणि केव्हा घ्यावा?
कोरफडीचा रस रिकाम्या पोटी प्यायल्याने अधिक फायदे मिळू शकतात. हा रस सकाळी रिकाम्या पोटी पिणे चांगले. याच्या मदतीने शरीराला रसातील पोषक घटक चांगल्या प्रकारे थांबवता येतील.
कोरफडीचा रस बनवावा कसा?
ताजी कोरफड फोडून सगळ्यात आधी त्याची पाने काढा. आता तो मिक्सरमध्ये बारीक करून घ्या. एका ग्लासमध्ये काढून त्यात लिंबू टाका, तुम्हाला हवे असल्यास तुम्ही चवीनुसार हलके काळे मीठ घालू शकता.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
महत्त्वाच्या बातम्या :
महत्त्वाच्या बातम्या
ट्रेंडिंग न्यूज
