Fashion : उंची कमी म्हणून काय झालं? फॅशनचा उत्साह भारी! चुकूनही 'या' चुका करू नका, खास गोष्टी लक्षात ठेवा
Fashion : उंची कमी असली की महिला किंवा मुलींना फॅशनच्या बाबतीत नेहमी सावध राहावं लागतं, पण काही खास गोष्टी लक्षात ठेवल्या तर ती फॅशन तुम्हाला सूट होईल आणी तुमची उंचीही चांगली दिसू शकते.
Fashion : फॅशन करण्याची आवड प्रत्येकालाच असते, मग ती जास्त उंचीची लोक असो, किंवा कमी उंचीची, तुम्ही लोकांना असे म्हणताना ऐकले असेल की सर्व कपडे उंच मुलींना शोभतात, पण कमी उंचीच्या मुलींचे काय? अनेक वेळा लहान उंचीच्या मुलींना कोणतीही स्टाईल करण्यासाठी, तसेच त्यांचे आवडते कपडे घालण्यासाठी खूप परिश्रम घ्यावे लागतात, ज्यामुळे त्यांच्यात आत्मविश्वासाचा अभाव असतो. कोणतेही कपडे परिधान करताना किंवा कोणतीही नवीन फॅशन ट्राय करताना, कमी उंचीच्या मुलींना अनेकदा एकच प्रश्न पडतो की उंची कमी असल्यामुळे मला ही फॅशन शोभेल का? तुमच्याही बाबतीत असेच काही घडते का? जर होय, तर तुम्हाला आता काळजी करण्याची गरज फॅशनच्या बाबतीत लहान उंचीच्या मुलींनी काही चुका टाळणे महत्त्वाचे आहे. जाणून घेऊया अशा कोणत्या चुका आहेत? ज्यामुळे मुलींची उंची कमी दिसते.
'असे' कपडे परिधान करणे टाळा
हेवी लेयर्स आणि फ्रिल्स असलेले कपडे लहान उंचीच्या मुलींना अजिबात शोभत नाहीत. खूप लेयर्स असलेले कपडे परिधान केल्याने या मुलींची उंची आणखी कमी दिसते. जर तुम्हाला लेअरिंग खूप आवडत असेल तर तुम्ही मोनोक्रोम लुक ट्राय करू शकता. यामुळे तुमची उंची थोडी जास्त दिसते.
मोठ्या आकाराचे टॉप
आजकाल मोठ्या आकाराचे म्हणजेच फ्री साईझ कपडे खूप ट्रेंडमध्ये आहेत आणि ते घातल्यानंतर तुम्हाला कम्फर्टेबल वाटते. पण जर तुमची उंची कमी असेल तर तुम्हाला त्याचा फारसा फायदा मिळत नाही. याचे कारण म्हणजे सैल पोशाख तुमचे संपूर्ण शरीर झाकतात. यामुळे शरीराच्या वरच्या आणि खालच्या भागांमध्ये फरक करणे खूप कठीण होते, ज्यामुळे तुमचे शरीर लहान दिसते. हे महत्त्वाचे आहे की तुम्ही तुमच्याशी जुळणारे कपडे किंवा टॉप निवडा.
मोठे आणि ठळक प्रिंट असलेले कपडे
लहान उंचीच्या मुलींनी मोठे आणि ठळक प्रिंट असलेले कपडे घालू नयेत. हे तुमच्या शरीराच्या बहुतेक भागांना कव्हर करेल आणि तुम्हाला अधिक कॉम्पॅक्ट दिसेल. त्याऐवजी, लहान किंवा मध्यम प्रिंट असलेले पोशाख निवडा. यामुळे तुमची उंची अधिक उंच दिसते.
अशा प्रकारच्या सँडल घालू नयेत
जर तुमची उंची लहान असेल तर, पेन्सिल टाचांच्या तुलनेत वेज हील सँडल खूपच सुरक्षित असतात, तसेच ते घालण्यासही खूप आरामदायक असतात, परंतु कमी उंचीच्या मुलींनी अशा प्रकारच्या सँडल घालू नयेत. यामुळे तुमची उंची आणखी कमी दिसते. जर तुम्हाला वेज हील्स खूप आवडत असतील, तर पातळ पट्ट्या आणि न्यूज रंगाचे शूज निवडा. यामुळे तुम्ही उंच दिसू शकता.
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )
हेही वाचा>>>