अतिगरम कॉफी पिताय तर सावधान...! होऊ शकतो कॅन्सरचा धोका

65 डिग्री सेल्सिअसपेक्षा जास्त गरम असेल तर कॉपी कॅन्सरचं कारण बनू शकते, असं जागतिक आरोग्य संघटना म्हणजेच WHO ने सांगितलं आहे.

coffee

Coffee Can Causes Cancer : तुम्ही कॉफीचे शौकीन असाल तर तुमच्यासाठी एक वाईट बातमी आहे. तसंच चांगली बातमी देखील आहे. कॉफी प्यायल्याने कॅन्सर देखील होऊ शकतो, असं एका संशोधनातून समोर आलं आहे. कॉफी 65 डिग्री सेल्सिअसपेक्षा जास्त गरम असेल तर कॉपी कॅन्सरचं कारण बनू शकते, असं जागतिक आरोग्य संघटना म्हणजेच WHO ने सांगितलं आहे. कोणतंही पेय 65 डिग्री पेक्षा जास्त गरम असेल तर त्याने कॅन्सर होऊ शकतो, असं संशोधनातून समोर आलं. आहे. कॉफी ही आरोग्यास हानिकारक नाही, मात्र अधिक गरम असल्यास कॅन्सरची शक्यता असल्याचं समोर आलं आहे.
 
कॅन्सरवर संशोधन करणारी आंतरराष्ट्रीय एजन्सी आयएआरसी या संस्थेने देखील कॉफी जास्त गरम असल्यास कॅन्सर होण्याच्या शक्यतेला दुजोरा दिला होता.
  
चीन, ईराण, तुर्की, दक्षिण अमेरिका या ठिकाणी हे संशोधन करण्यात आलं. या ठिकाणी कॉफी जवळपास 70 डिग्री पर्यंत गरम केली जाते. त्यामुळे येथे कॅन्सर होण्याची शक्यता जास्त असते, असं आयएआरसीने सांगितलं.

Health Tips | आल्याचा चहा पिताय? उद्भवू शकतात 'या' समस्या
आल्याचा चहा पिण्याचे अनेक आरोग्यदायी फायदे आहेत. आल्याचा आहारात समावेश केल्यानं स्नायूंना होणाऱ्या वेदनांपासून सुटका होते. तसेच शरीराची सूज कमी करण्यासाठीही मदत होते. याव्यतिरिक्त गरोदर महिलांना होणारा अॅसिडीटीचा त्रास आणि उलटी यांसारख्या समस्या दूर करण्यासाठीही मदत होते. वजन कमी होणं, रक्तातील साखरेचं प्रमाण नियंत्रणात ठेवण्यासाठी आणि हृदयाचं आरोग्य राखण्यासाठीही आल्याचा चहा फायदेशीर ठरतं.

आल्याचे अनेक औषधी फायदे आहेत. व्हिटॅमिन ए, सी, ई आणि बी-कॉम्प्लेक्सचा एक उत्तम स्त्रोत म्हणून आलं ओळखलं जातं. त्याचबरोबर मॅग्नेशिअम, फॉस्फरस, आर्यन, झिंक, कॅल्शिअम आणि बीटा कॅरेटीन मुबलक प्रमाणात असतात. तसेच आल्यात अॅन्टीफंगल, अॅन्टीबॅक्टेरिअल आणि अॅन्टीवायरल गुणधर्म भरपूर असतात. पण आरोग्यासाठी फायदेशीर असणाऱ्या याच आल्याच्या अतिसेवनामुळे अनेक समस्यांचाही सामना करावा लागू शकतो. आलं पोटदुखी, गॅस, ब्लोटिंग आणि इतर पोटाच्या अनेक समस्यांचं कारण ठरू शकतं. आल्याच्या सेवनाने रक्तस्त्राव वाढू शकतो.  दिवसभरात जास्त प्रमाणात आल्याचा चहा प्यायल्यानं अस्वस्थता आणि झोप न येण्याची समस्या उद्भवू शकते. झोपण्याअगोदर आल्याचा चहा प्यायल्यानं छातीत जळजळ होण्याची शक्यता असते. आल्याच्या चहाचं अधिक सेवन केल्याने पोटात अ‍ॅसिडची होण्याची शक्यता असते. त्यामुळे तुमची पचनक्रिया खराब होऊ शकते.  

(टिप : सदर गोष्टी केवळ माहिती म्हणून वाचकांपर्यंत पोहोचवत आहोत, ABP माझा यातून कोणताही दावा करत नाही.)

महत्त्वाच्या इतर बातम्या :