Bhaubij 2024 Fashion: भाऊबीजला दृष्ट लागण्याजोगे दिसेल भाऊ-बहिणीची जोडी! 'या' सेलिब्रिटी भावंडांकडून घ्या लूक आयडियाज, कौतुक होईल..
Bhaubij 2024 Fashion: भाऊबीजला तुम्ही तुमच्या आउटफिटबद्दल गोंधळलेले असाल तर तुम्ही बी टाऊनचे सेलिब्रिटी भाऊ-बहिणीसारखे लूक तयार करू शकता.
Bhaubij 2024 Fashion: फूलों का तारों का, सबका कहना है... एक हज़ारों में मेरी बहना है... सारी उमर, हमें संग रहना है... हिंदी चित्रपटातील हे गाणं सर्वांच्याच परिचयाचं आहे. भाऊ-बहिणीचं प्रेम असतंच असं.. छोटी-मोठी भांडणं करतील, पण त्यात प्रेम काही कमी नसते. दिवाळी सणाची सांगता भाऊबीजच्या दिवशी होणार आहे. यंदा रविवार 3 नोव्हेंबर रोजी भाऊबीजचा सण साजरा होणार आहे. या खास प्रसंगी भाऊ-बहिण एथनिक लूक कॅरी करण्यास प्राधान्य देतात. भाऊबीजला नेमकं काय घालू? असा प्रश्न तुम्हाला पडला असेल, किंवा जर तुम्ही आउटफिटबद्दल गोंधळलेले असाल तर तुम्ही बी टाऊनचे सेलिब्रिटी भाऊ-बहिणीसारखे लूक तयार करू शकता.
आयुष्यभर साथ देण्याचे वचन
दिवाळीनंतर आता भाऊबीजचा सण साजरा होणार आहे. हा सण भाऊ-बहिणीच्या अतूट प्रेमाचे प्रतीक मानला जातो. यंदा रविवारी 3 नोव्हेंबर हा उत्सव साजरा केला जाणार आहे. या दिवशी बहिणी आपल्या भावाच्या कपाळावर टिळा लावून त्याच्या दीर्घायुष्यासाठी प्रार्थना करतात. यासोबतच भाऊ-बहिणसुद्धा एकमेकांना आयुष्यभर साथ देण्याचे वचन देतात.
सेलिब्रिटी भाऊ-बहिणीचे खास लुक
भाऊ-बहिणीच्या खास सणावर खास लुक तयार करणंही महत्त्वाचं असतं. या सणाला तुम्ही काय परिधान करता याकडे खूप लक्ष दिले जाते. भाऊबीजच्या पूजेला कोणते कपडे घालायचे याबाबतही काही लोक संभ्रमात आहेत. अशा परिस्थितीत, आम्ही तुम्हाला काही सेलिब्रिटी भावंडांचे लुक दाखवत आहोत, ज्यावरून तुम्ही आउटफिटची कल्पना देखील घेऊ शकता.
सारा अली खान आणि इब्राहिम अली खान
अभिनेत्री सारा अली खान आणि इब्राहिम अली खान ही बी-टाऊनमधील सर्वात जास्त चर्चेत असलेली भाऊ-बहिणीची जोडी आहे. एका फोटोत दोघेही त्यांच्या पोशाखाने एकमेकांना पूरक आहेत. भाऊ-बहीण जोडीने हलक्या रंगाचा बेज रंगाचा पोशाख निवडला. भाऊबीजच्या दिवशी तुम्ही असे ट्विनिंग देखील करू शकता.
View this post on Instagram
अर्जुन कपूर आणि अंशुला कपूर
यंदाच्या भाऊबीजसाठी तुम्ही अर्जुन कपूर आणि अंशुला कपूर यांच्यासारखे लूक रीक्रिएट करू शकता. या लूकमध्ये अंशुलाने काळ्या रंगाची साडी घातली असून तिच्यासोबत तिने हॉल्टर नेक ब्लाउज घातला आहे. यासोबत तिने फक्त सोन्याचे दागिने घेतले आहेत. त्याचबरोबर अर्जुन कपूरने एथनिक लूकही तयार केला आहे. त्याने रंगीबेरंगी कुर्ता आणि पायजमा परिधान केला आहे.
View this post on Instagram
नव्या नवेली नंदा आणि अगस्त्य नंदा
अमिताभ बच्चन यांची नात नव्या नवेली नंदा आणि अगस्त्य नंदा यांचा हा लूकही भाऊबीजसाठी योग्य आहे. अगस्त्य नंदा यांनी पांढरा कुर्ता परिधान केला आहे. तर, नव्याने पांढरा आणि सोनेरी रंगाचा लेहेंगा घातलेला दिसत आहे. या दोन भावा-बहिणींचा जुळा लुक खूपच सुंदर दिसत आहे. तुम्ही भाई दूजवरही असाच लुक कॅरी करू शकता.
View this post on Instagram
हेही वाचा>>
Bhaubij 2024 Gift Idea: ओवाळीते भाऊराया रे..भाऊबीजेला बहिणीच्या चेहऱ्यावरील आनंद पाहायचाय? द्या 'ही' सुंदर भेट
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )
महत्त्वाच्या बातम्या
ट्रेंडिंग न्यूज
