हिवाळ्यात पायांची अशी घ्या काळजी; 'हे' 4 होममेड फुट स्क्रब ठरतील फायदेशीर

Homemade Foot Scrub: भेगा पडलेल्या टाचांना मऊ आणि सुंदर बनवण्यासाठी तुम्ही घरच्या घरी फूट स्क्रब बनवू शकता.

Homemade Foot Scrub

Homemade Foot Scrub: हिवाळा (Winter Care Tips) आला की, उकाड्यापासून सुटका मिळतेच. पण हिवाळा बऱ्याच आरोग्याच्या समस्यांसोबतच (Health Tips) त्वचेच्या समस्याही घेऊन येतो. हिवाळ्यात कोरड्या त्वचेची (Dry Skin Problems) समस्या उद्भवते. हिवाळ्यात चेहऱ्याची त्वचा, ओठ, हातापायांची त्वचा कोरडी होते. यापासून सुटका मिळवण्यासाठी सर्रास बाजारात मिळणाऱ्या केमिकल्सयुक्त उत्पादनांचा वापर केला जातो. पण त्याऐवजी घरच्या घरी तुम्ही कोरड्या त्वचेची समस्या दूर करु शकता. 

हिवाळ्यात पायांची स्किन ड्राय होणं, क्रॅक हिल्स यांसारख्या अनेक समस्यांचा सामना करावा लागतो. यापासून सुटका मिळवण्यासाठी बाजारात मिळणाऱ्या महागड्या मॉयश्चरायझरचा वापर करण्यात येतो. परंतु यांचा परिणाम काही वेळासाठीच दिसून येतो. काही वेळानंतर पुन्हा पाय तसेच दिसू लागतात. त्यामुळे आपल्या चेहऱ्यावरील त्वचेप्रमाणेच पायांनाही स्क्रबिंग करणं गरजेचं असतं. फुट स्क्रबमुळे पायांच्या त्वचेवरील डेड स्किन सेल्स निघून जातात आणि त्वचेचा ड्रायनेस निघून जातो. आज आम्ही तुम्हाला 4 होममेड फुट स्क्रबबाबत सांगणार आहोत. जे तुमच्या पायांची स्किन सॉफ्ट आणि मुलायम बनवण्यासाठी मदत करतील. 

1. पायांच्या भेगांसाठी मिल्क स्क्रब

साहित्य :

• 1 कप दूध 
• 5 कप कोमट पाणी 
• 4 टेबलस्पून साखर किंवा मीठ
• 1/2 कप बेबी ऑइल 
• प्युबिक स्टोन

कृती :

- एका टबमध्ये एक कप दूध, 5 कप कोमट पाणी घ्या. 
- आता या पाण्यामध्ये 5 ते 10 मिनिटांसाठी आपले पाय बुडवून ठेवा. 
- एका बाऊलमध्ये बेबी ऑईल आणि साखर किंवा मीठ एकत्र करा. 
- तयार पेस्ट पायांवर लावून स्क्रब करा. त्यानंतर प्युबिक स्टोनच्या सहाय्याने पायांवर मसाज करा. 
- स्क्रब केल्यानंतर पायांवर मॉयश्चरायझर किंवा पेट्रोलियम जेलीचा वापर करा. 

2. रिफ्रेशिंग लेमन फुट स्क्रब 

साहित्य :

• 2 कप साखर 
• 1/4 खोबऱ्याचं तेल 
• 6 ते 8 थेंब लेमन एसेंशियल ऑईल 

कृती :

- बाऊलमध्ये साखर, खोबऱ्याचं तेल आणि लेमन एसेंशियल ऑईल एकत्र करून घ्या. 
- त्यानंतर हे स्क्रब पायांवर लावा.
- आंघोळीपूर्वी हे स्क्रब करू शकता. 
- त्यामुळे पायांच्या स्नायूंना आराम मिळण्यासोबतच डेड स्किन सेल्स निघून जाण्यास मदत होईल. 

3. पेपरमिंट फुट स्क्रब

साहित्य :

• 2 चमचे पेपरमिंट ऑईल
• 1 चमचा ब्राऊन शुगर 
• 1 चमचा खोबऱ्याचं तेल 
• 1 चमचा लिंबाचा रस 

कृती :

- एका जारमध्ये  ब्राऊन शुगर, खोबऱ्याचं तेल आणि पेपरमिंट ऑईल एकत्र करून स्क्रब तयार करा. 
- तयार मिश्रण आपल्या पायांच्या ड्राय स्किनवर लावून व्यवस्थित स्क्रबिंग करा.
- त्यानंतर मॉयश्चरायझर लावून पायांमध्ये मौजे घाला.
- स्क्रबमधील ब्राऊन शुगर पायांच्या ड्राय स्किनला एक्सफोलिएट करण्यासाठी मदत करेल. 
- खोबऱ्याचं तेल स्किनला मॉयश्चराईझ करण्यासाठी फायदेशीर ठरेल. 
- पेपरमिंट एसेंशियल ऑईलमुळे पायांच्या स्नायूंना आराम मिळतो.  

4. विनेगर फुट स्क्रब 

साहित्य :

• गरम पाणी 
• 2 टेबलस्पून व्हिनेगर 
• मीठ

कृती :

- जर तुमच्या पायांना तुम्हाला थकवा जाणवत असेल तर त्यांना रिलॅक्स करण्यासाठी स्क्रब फायदेशीर ठरतं. 
- एका भांड्यामध्ये गरम पाणी टाकून त्यामध्ये व्हिनेगर आणि थोडं मीठ टाका. 
- आता या पाण्यामध्ये पाय 20 मिनिटांसाठी बुडवून ठेवा.
- पाय सुकवून मॉयश्चरायझरचा लावा.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.)

महत्त्वाच्या इतर बातम्या :