NTPC मध्ये 100 पदांसाठी भरती, मुलाखतीच्या आधारे निवड; 10 नोव्हेंबरपर्यंत शेवटची मुदत
NTPC Recruitment 2023: नोकरीसाठी तयारी करणाऱ्या तरुणांसाठी ही सुवर्णसंधी आहे. NTPC ने रिक्त पदांबाबत अधिसूचना जारी केली आहे. या पदासाठी तुम्ही १० नोव्हेंबरपूर्वी अर्ज करू शकता.
National Thermal Power Corporation Recruitment 2023: नोकरीच्या शोधात असाल तर तुमच्यासाठी महत्त्वाची माहिती. एनटीपीसीनं भरतीसंदर्भातील नोटिफिकेशन जारी केलं आहे. या पदांच्या भरतीसाठी तुम्ही 10 नोव्हेंबरपर्यंत अर्ज करू शकता. जाणून घेऊयात National Thermal Power Corporation नं जारी केलेल्या भरतीसंदर्भात महत्त्वाची माहिती.
कोणत्या पदांसाठी भरती?
नॅशनल थर्मल पॉवर कॉर्पोरेशन भरती प्रक्रियेत 100 पदांसाठी भरती जाहीर करण्यात आली आहे. यामध्ये यूआरसाठी 22 पदं, ईडब्ल्यूएससाठी 5 पदं, ओबीसीसाठी 11 पदं, एससीसाठी 8 पदं, एसटीसाठी 4 पदांचा समावेश आहे. या पोस्टमार्फत 5 वर्षांसाठी उमेदवारांची नियुक्ती करण्यात येणार आहे.
भरती प्रक्रियेसाठी कुठून अर्ज कराल?
शैक्षणिक पात्रता
NTPC नं जारी केलेल्या भरती प्रक्रियेतंर्गत अर्ज करणाऱ्या उमेदवारांकडे कोणत्याही मान्यताप्राप्त संस्थेतून इलेक्ट्रिकल, मॅकेनिकल, इलेक्ट्रॉनिक्स किंवा इंस्ट्रूमेंटेशन इंजीनियरिंगची पदवी असणं आवश्यक आहे. त्यासोबतच तुम्हाला ज्या पदांसाठी अर्ज करायचा असेल, त्या फील्डशी संबंधित किमान दोन वर्षांचा अनुभव असणं गरजेचं आहे.
कोण करू शकतं अर्ज?
नॅशनल थर्मल पॉवर कॉर्पोरेशन भरती प्रक्रियेतंर्गत 35 वर्षांपर्यंतचे उमेदवार अर्ज करू शकतात. मात्र, राखीव उमेदवारांना काही प्रमाणात सूट देण्यात आली आहे.
वेतनश्रेणी
तुमची या पदांसाठी निवड झाल्यास तुम्हाला 90 हजार रुपये पगार दिला जाईल.
निवड कशी होईल?
या पदासाठी कोणतीही लेखी परीक्षा घेतली जाणार नाही. उमेदवारांची निवड केवळ मुलाखतीच्या आधारे केली जाईल. निवड झाल्यानंतर कागदपत्र पडताळणीसाठी बोलावले जाईल.
असा करा अर्ज?
- ऑफिशियल वेबसाईट www.ntpc.co.in वर भेट द्या.
- होम पेजवर Join Us वर क्लिक करा.
- त्यानंतर तुम्हाला Career and Growth असा पर्याय दिसेल.
- इथे तुम्हाला AppIy Now असा पर्याय दिसेल.
- तिथे तुम्हाला सर्वात आधी तुमच्या मोबाईल नंबरवरुन रजिस्टर करावं लागेल.
- रजिस्ट्रेशननंतर तुम्ही तुमची सर्व माहिती भरुन फॉर्म सबमिट करावा.
अनेकजण सध्या चांगल्या नोकरीच्या संधीच्या शोधात आहेत. मात्र कधी-कधी पात्रता, शिक्षण असून देखील माहितीच्या अभावी ही संधी हुकते. त्यामुळेच 'एबीपी माझा'ने पुढाकार घेत, नोकरीची संधी कुठे आहे याची माहिती गरजूंपर्यंत पोहोचवण्याचा प्रयत्न सुरु केला आहे. त्यामुळे नोकरीची गरज असलेले तरुणांपर्यंत सरकारी नोकरीच्या भरतीची माहिदी दिली जाते. संबंधित संकेतस्थळाला भेट देऊन पात्र उमेदवार नोकरीसाठी अर्ज करु शकतील.
महत्त्वाच्या बातम्या
