दर 10 पैकी 8 लोक नवीन नोकरीच्या शोधात, अहवालातून धक्कादायक माहिती समोर
भारतात दर 10 पैकी 8 लोक नवीन नोकरीच्या शोधात आहेत. अर्ध्याहून अधिक म्हणजे 55 टक्के लोक म्हणतात की नवीन वर्षात नोकरी शोधणे अधिक कठीण झाले आहे.
भारताच्या लोकसंख्येत दिवसेंदिवस वाढ होत आहे. मात्र, या वाढणाऱ्या लोकसंख्येबरोबरच रोजगाराच्या समस्या देखील निर्माण होत आहेत. मोठ्या प्रमाणाच नोकऱ्यांचे संकट आहे. एका अहवालानुसार, भारतात दर 10 पैकी 8 लोक नवीन नोकरीच्या शोधात आहेत. अर्ध्याहून अधिक म्हणजे 55 टक्के लोक म्हणतात की नवीन वर्षात नोकरी शोधणे अधिक कठीण झाले आहे. LinkedIn ने केलेल्या अभ्यासात ही माहिती समोर आली आहे.
भारतातील 69 टक्के एचआर व्यावसायिकांचा असा विश्वास आहे की कुशल कर्मचारी शोधणे पूर्वीपेक्षा अधिक कठीण झाले आहे. याचा अर्थ 2025 मध्ये नोकऱ्या शोधण्याच्या पद्धतीत बदल करण्याची गरज आहे. गतवर्षीही नोकरी शोधणाऱ्यांना अडचणींचा सामना करावा लागला होता. 37 टक्के लोक 2025 मध्ये नोकरी शोधत नाहीत. असे असूनही, 58 टक्के लोकांना आशा आहे की यावर्षी नोकरीच्या क्षेत्रात सुधारणा होईल आणि त्यांना नवीन नोकरी मिळू शकेल. अनेक लोक एकाच वेळी वेगवेगळ्या ठिकाणी नोकरीसाठी अर्ज करत आहेत. 49 टक्के लोक पूर्वीपेक्षा जास्त नोकऱ्यांसाठी अर्ज करत आहेत. मात्र त्यांना कमी उत्तरे मिळत आहेत. तर 27 टक्के एचआर व्यावसायिक दररोज तीन ते पाच तास अर्ज पाहत असतात. तर 55 टक्के लोकांचे म्हणणे आहे की त्यांना प्राप्त झालेल्या अर्जांमध्ये कौशल्ये नाहीत.
LinkedIn इंडिया अहवाल
भारतीयांनी नोकरी शोधण्याच्या पद्धतीत विचारपूर्वक बदल करण्याची आवश्यकता आहे. तसेच, तुमचे LinkedIn प्रोफाइल अपडेट ठेवा आणि तुमच्या कौशल्यांशी खरोखर जुळणाऱ्या भूमिकांवर लक्ष केंद्रित करा.
AI चा वापर
भारतातील 60 टक्के लोक नवीन क्षेत्रात काम करण्यास तयार आहेत. 39 टक्के या वर्षी नवीन कौशल्ये शिकण्याची तयारी करत आहेत. भविष्यात बहुतांश नोकऱ्यांमध्ये कृत्रिम बुद्धिमत्ता महत्त्वाची भूमिका बजावणार आहे. हे सर्व कामात समाविष्ट केले जाईल. LinkedIn ने तीन नवीन क्षेत्रांचे वर्णन केले आहे जे सर्वाधिक नोकऱ्या देतात. यामध्ये एअरक्राफ्ट मेंटेनन्स इंजिनिअर, रोबोटिक्स टेक्निशियन आणि क्लोजिंग मॅनेजर यांचा समावेश आहे
महत्त्वाच्या बातम्या
