न्यायालयात नोकरी हवीय?  83 पदांसाठी 15 जानेवारीपासून अर्ज भरण्याची प्रक्रिया होणार सुरु 

नोकरी (Job) शोधत असलेल्या तरुणांसाठी महत्वाची बातमी आहे. अलाहाबाद उच्च न्यायालयाने 83 पदांसाठी भरती जारी केली आहे.

allahabad HC Bharti 2023

Job : नोकरी (Job) शोधत असलेल्या तरुणांसाठी महत्वाची बातमी आहे. ही बातमी उत्तर प्रदेशातील अलाहाबादमधील (Allahabad) आहे. इथं अलाहाबाद उच्च न्यायालयाने 83 पदांसाठी भरती जारी केली आहे. यासाठी अर्ज करण्याची प्रक्रिया 15 जानेवारी 2024 पासून सुरू होईल. इच्छुक आणि पात्र उमेदवार अधिकृत वेबसाइट www.allahadahighcourt.in द्वारे ऑनलाइन अर्ज करू शकतात. अर्ज करण्याची अंतिम तारीख 29 फेब्रुवारी 2024 निश्चित करण्यात आली आहे.

यशस्वीरित्या अर्ज केलेल्या उमेदवारांसाठी स्वतंत्र अधिसूचना जारी केली जाईल. पूर्वपरीक्षेच्या तारखेशी संबंधित माहिती आणि प्रवेशपत्र या अधिसूचनेत सामायिक केले जाईल. अलाहाबाद उच्च न्यायालय भरती 2023 साठी अर्ज करू इच्छिणाऱ्या उमेदवारांचे वय 35 ते 45 वर्षांच्या दरम्यान असावे. 1 जानेवारी 2024 रोजी वयाची गणना केली जाईल.

अलाहाबाद उच्च न्यायालय भर्ती 2023: अर्ज फी

अलाहाबाद उच्च न्यायालय भरती परीक्षेसाठी अर्ज करणार्‍या सामान्य, OBC आणि EWS श्रेणीतील उमेदवारांना 1400 रुपये शुल्क भरावे लागेल. तर SC/ST श्रेणीतील उमेदवार जे उत्तर प्रदेश राज्यातील नागरिक आहेत त्यांना फक्त 1200 रुपये भरावे लागतील.

'या' नोकरीसाठी कोण अर्ज करू शकतो?

या भरती प्रक्रियेत जे उमेदवार आधीच केंद्र किंवा राज्याच्या सेवेत नाहीत आणि किमान सात वर्षांपासून कायद्याचा सराव करत आहेत तेच उमेदवार सहभागी होऊ शकतात.

या उमेदवारांना कमी शुल्क भरावे लागणार

PWD श्रेणीतील उमेदवार जे सामान्य, OBC किंवा EWS आहेत आणि फक्त उत्तर प्रदेश राज्यात राहतात त्यांना 750 रुपये भरावे लागतील. SC/ST श्रेणीतील आणि उत्तर प्रदेश राज्यातील PWD उमेदवारांना फक्त 500 रुपये भरावे लागतील. उत्तर प्रदेश व्यतिरिक्त इतर राज्यातील सर्व उमेदवारांना 1400 रुपये अर्ज शुल्क भरावे लागेल.

महत्त्वाच्या बातम्या: