Zakir Khan shocking decision: कॉमेडियन झाकिर खानचा धक्कादायक निर्णय, पाच वर्षांचा ब्रेक घेणार, प्रकृतीची गंभीर समस्या? नेमकं काय म्हणाला?
Zakir Khan shocking decision: पुढील तीन ते पाच वर्षे, म्हणजेच 2028-29 किंवा 2030 पर्यंत ते स्टेज शोमधून विश्रांती घेणार आहे.
मुंबई : प्रसिद्ध स्टँड-अप कॉमेडियन झाकिर खान याने कॉमेडी कार्यक्रमांमधून दीर्घ काळासाठी ब्रेक घेण्याची घोषणा केली आहे. सातत्याने सुरू असलेल्या दौऱ्यांमुळे आणि कामाच्या ताणामुळे प्रकृती बिघडत असल्याने हा निर्णय घेतल्याचे त्याने स्पष्ट केले आहे.(Zakir Khan shocking decision) सध्या ‘पापा यार’ या स्टँड-अप स्पेशलसाठी देश-विदेशात दौरे करणारे झाकिर खान याने हैदराबादमधील एका शोदरम्यान आपल्या आगामी प्लॅनची माहिती दिली. या वेळी त्याने सांगितले की, पुढील तीन ते पाच वर्षे, म्हणजेच 2028-29 किंवा 2030 पर्यंत ते स्टेज शोमधून विश्रांती घेणार आहे. या काळात आरोग्याकडे लक्ष देणे आणि वैयक्तिक बाबी सांभाळणे, हा ब्रेक घेण्यामागचा मुख्य उद्देश असल्याचे त्यांनी सांगितले.
20 जूनपर्यंतचे सर्व शो विशेष
दरम्यान, झाकिर खान याने सोशल मीडियावरही या निर्णयाचे संकेत दिले आहेत. इंस्टाग्राम स्टोरीद्वारे त्याने 20 जूनपर्यंतचे सर्व शो विशेष असल्याचे नमूद करत, त्या तारखेला आपला शेवटचा शो होणार असल्याचे सूचित केले होते. झाकिर खान गेल्या दहा वर्षांहून अधिक काळ सलग काम करत आहे. सततचे प्रवास, दिवसाला दोन-तीन शो, अपुरी झोप आणि अनियमित दिनचर्या याचा त्यांच्या आरोग्यावर परिणाम झाल्याचे त्याने यापूर्वीही मान्य केले होते. याच पार्श्वभूमीवर त्याने आता कॉमेडीमधून दीर्घ ब्रेक घेण्याचा निर्णय घेतला आहे.
उशीर होण्यापूर्वी थांबणे गरजेचे वाटले
सोशल मीडियावर त्याचा एक व्हिडीओ व्हायरल होत आहे, चाहत्यांशी संवाद साधताना झाकीर खान याने सांगितले की, गेल्या वर्षभरापासून त्याची तब्येत ठीक नाही. सततचा प्रवास, सलग शो, अनियमित झोप आणि लाईव्ह परफॉर्मन्समधील शारीरिक ताण याचा त्याच्या आरोग्यावर मोठा परिणाम झाला आहे. बराच काळ त्याने या समस्यांकडे दुर्लक्ष केल्याची कबुली देत, “उशीर होण्यापूर्वी थांबणे गरजेचे वाटले,” असेही त्याने नमूद केले आहे.
झाकीर खान तात्काळ मंचापासून दूर जाणार नसून, सध्या सुरू असलेला ‘पापा यार’ टूरसह काही निवडक कार्यक्रम ते पूर्ण करणार आहेत. मात्र, ही बांधिलकी संपल्यानंतर तो स्टेज परफॉर्मन्सपासून दीर्घ काळासाठी ब्रेक घेणार असून, या काळात पूर्णपणे आरोग्य सुधारण्यावर लक्ष केंद्रित करणार आहे. हा निर्णय निवृत्तीचा संकेत नसल्याचे झाकीर खान याने स्पष्ट केले आहे. गेल्या दहा वर्षांहून अधिक काळ अखंडपणे काम केल्यानंतर आयुष्यात समतोल साधण्याचा हा प्रयत्न असल्याचे त्याने सांगितले. त्याच्या या निर्णयाचे चाहत्यांसह अनेक कलाकारांनी स्वागत केले असून, प्रामाणिकपणाबद्दल कौतुक करत आरोग्याला प्राधान्य देण्याचा सल्ला दिला आहे.
झाकीर खानची ही घोषणा यशस्वी कारकीर्दीतही थांबणे गरजेचे असते, याची जाणीव करून देणारी ठरत असून, हा ब्रेक शेवट नव्हे तर नव्या सुरुवातीसाठी आवश्यक असलेला ‘रीसेट’ असल्याचे चित्र स्पष्ट होत आहे.
View this post on Instagram
महत्त्वाच्या बातम्या
