![metaverse](https://cdn.abplive.com/imagebank/metaverse-top.png)
Kartik Aaryan : कार्तिक आर्यन पान मसाला आणि फेअरनेस क्रिमच्या जाहिराती का करत नाही ? अभिनेत्याने सांगितलं कारण
Kartik Aaryan On Pan Masala-Fairness Cream Ads: कार्तिक आर्यनने काही वर्षांपूर्वी फेअरनेस क्रीमची जाहिरात केली होती. मात्र आता अभिनेत्याने अशा जाहिराती करणे बंद केले आहे. याचे कारणही त्याने दिले आहे.
![Kartik Aaryan : कार्तिक आर्यन पान मसाला आणि फेअरनेस क्रिमच्या जाहिराती का करत नाही ? अभिनेत्याने सांगितलं कारण why Kartik Aaryan never do Pan Masala Fairness Cream advertisement revealed reason Bollywood latest update detail marathi news Kartik Aaryan : कार्तिक आर्यन पान मसाला आणि फेअरनेस क्रिमच्या जाहिराती का करत नाही ? अभिनेत्याने सांगितलं कारण](https://feeds.abplive.com/onecms/images/uploaded-images/2024/06/09/9ad35ac449294f3d53bf97ad9fc68ff91717950686207720_original.png?impolicy=abp_cdn&imwidth=1200&height=675)
Kartik Aaryan On Pan Masala-Fairness Cream Ads: पान मसाला आणि फेअरनेस क्रीमच्या जाहिरातींवरून कलाकारांना अनेकदा वादाला सामोरे जावे लागले आहे. अलीकडे, अभिनेता कार्तिक आर्यनने (Kartik Aaryan) देखील खुलासा केला की त्याला देखील फेअरनेस क्रीम आणि पान मसाल्याच्या जाहिरातींसाठी ऑफर येत आहेत परंतु तो त्या सर्व नाकारत आहे.कार्तिक आर्यन काही वर्षांपूर्वी फेअरनेस क्रीमची जाहिरात केली होती. यावरुन बराच गोंधळही झाला होता. त्यानंतर कार्तिकने अशा जाहिराती करणं बंद केलं.
कार्तिक आर्यन हा लवकच चंदू चॅम्पियन हा सिनेमा लवकरच प्रेक्षकांच्या भेटीला येणार आहे. सध्या याच सिनेमाच्या प्रमोशनमध्ये कार्तिक व्यस्त आहे. प्रोमोशनदरम्यान कार्तिकने एका मुलाखतीमध्ये या विषयावर भाष्य केलं आहे. आता अशा प्रकारच्या जाहिराती करणंही बंद केलं असल्याचं कार्तिकने सांगितलं.
'अनेक ब्रँडकडून ऑफर आल्या ज्या नाकारल्या'
द लॅलनटॉपशी बोलताना कार्तिकने या प्रश्नावर भाष्य केलं आहे. त्याने म्हटलं की, मी फेअरनेस क्रिमच्या जाहिराती केल्या पण मी त्याच्याशी रिलेट करु शकत नाही. त्यामुळे त्या पुन्हा केल्याही नाहीत, कारण मला समजलं की हे चुकीचं आहे. त्यानंतर मला अनेक ब्रँड्सच्या ऑफर आल्या ज्या मी नाकारल्या. जसे सुपारी, पान मसाला ब्रँड वैगरे. माझा त्या गोष्टींशी संबंध नाही आणि मी शक्यतोवर या गोष्टी नाकारण्याचा प्रयत्न करतो.
इतर कलाकारांविषयी कार्तिकने काय म्हटलं?
यावेळी कार्तिकने अशा जाहिराती करणाऱ्या इतर कलाकरांविषयी देखील मत व्यक्त केलं आहे. त्यावर त्याने म्हटलं की, 'कोण बरोबर की चूक हे मी सांगू शकत नाही, प्रत्येकाची स्वतःची विचार करण्याची पद्धत असते. पण हे माझ्या विचारात बसत नाही.
कार्तिक आर्यनच्या वर्कफ्रंटबद्दल
सध्या कार्तिक आर्यन त्याच्या आगामी 'चंदू चॅम्पियन' चित्रपटामुळे चर्चेत आहे. त्याचा हा चित्रपट 14 जून 2024 रोजी थिएटरमध्ये प्रदर्शित होत आहे. याशिवाय अभिनेत्याकडे 'भूल भुलैया 3' आणि 'कॅप्टन इंडिया' देखील आहेत.
ही बातमी वाचा :
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)