Deepika Padukone : 'मी आता विवाहित महिला आहे, नीट बोला'; चाहतीला दीपिकाचं उत्तर
Deepika Padukone : दीपिकाची चाहती म्हणते, 'आम्ही तुझ्यावर प्रेम करतो' यावर दीपिकानं दिलेल्या उत्तरानं अनेकांचे लक्ष वेधले.
Deepika Padukone : प्रसिद्ध अभिनेत्री दीपिका पादुकोणने (Deepika Padukone) बॉलिवूड बरोबरच हॉलिवूडमध्ये देखील विशेष ओळख निर्माण केली. सध्या दीपिका ही पती रणवीर सिंहसोबत (Ranveer Singh) सुट्टीसाठी परदेशात गेली आहे. दीपिका आणि रणवीरनं कॅलिफोर्नियामधील San Jose मध्ये होणाऱ्या कोंकणी संमेलनमध्ये सहभाग घेतला. या संमेलनातील एक व्हिडीओ सध्या सोशल मीडियावर व्हायरल होत आहे. या व्हिडीओमध्ये संमेलनातील एक दीपिकाची चाहती म्हणते, 'आम्ही तुझ्यावर प्रेम करतो' यावर दीपिकानं दिलेल्या उत्तरानं अनेकांचे लक्ष वेधले.
दीपिकाचा व्हायरल व्हिडीओ
संमेलनातील व्हायरल झालेल्या व्हिडीओमध्ये दिसत आहे की, दीपिकाची एक चाहती म्हणते 'दीपिका आम्ही तुझ्यावर प्रेम करतो.' या चाहतीला दीपिकानं दिलेल्या उत्तरानं संमेलनात उपस्थित असलेल्या लोकांना हसू अनावर झाले. दीपिकानं या फॅनला उत्तर दिलं, 'मी आता विवाहित महिला आहे, नीट बोला' दीपिकाचं हे हटके उत्तर ऐकून संमेलनातील उपस्थित असलेल्या लोक खळखळून हसतात. या संमेलनासाठी दीपिकानं ट्रेडिशनल लूक केला होता. तिनं पिंक आणि गोल्डन कलरचा ड्रेस आणि गोल्डन ज्वेलरी असा लूक केला होता.
पाहा व्हिडीओ:
I just can’t 😂😂😭😭❤️❤️#DeepikaPadukone pic.twitter.com/3EUuGULIop
— elitestanning (@elitestanning) July 3, 2022
दीपिकाचे आगामी चित्रपट
दीपिकाचा काही दिवसांपूर्वी गेहराईंया हा चित्रपट रिलीज झाला होता. या चित्रपटामधील दीपिकाच्या आणि अभिनेता सिद्धांत चतुर्वेदी यांच्या केमिस्ट्रीनं अनेकांची मनं जिंकली. या चित्रपटामध्ये अभिनेत्री अनन्या पांडेनं देखील प्रमुख भूमिका साकारली होती. दीपिकाचा पठाण हा चित्रपट लवकरच प्रेक्षकांच्या भेटीस येणार आहे. या चित्रपटात दीपिकासोबतच शाहरुख खान आणि जॉन प्रमुख भूमिका साकारणार आहेत. तसेच दीपिकाचा फायटग हा चित्रपट देखील लवकरच रिलीज होणार आहे. तसेच अभिनेता प्रभाससोबत दीपिका एक प्रोजेक्टमध्ये काम करणार आहे.
हेही वाचा:
महत्त्वाच्या बातम्या
