विराट मॅचआधी Relax होण्यासाठी बघतो 'हे' 2 सिनेमे, दोन्ही Box Officeवर सपशेल आपटलेत, दिग्दर्शकानं सांगितलं..
Virat Kohli: एका जाहिरातीत विराट कोहलीसोबत क्रिस गेल आणि शेन वॉटसनदेखील दिसले होते. त्या वेळी प्रियदर्शन यांनी विराटच्या अभिनयाचं कौतुकही केलं होतं.
Virat Kohli: भारतीय सिनेसृष्टीत कॉमेडी चित्रपटांचा विषय निघाला की दिग्दर्शक प्रियदर्शन यांचं नाव सर्वप्रथम घेतलं जातं. चार दशकांहून अधिक काळाच्या कारकिर्दीत त्यांनी अनेक गाजलेले आणि प्रेक्षकांना खळखळून हसवणारे चित्रपट दिले आहेत. भारतीय क्रिकेट संघाचा स्टार फलंदाज विराट कोहली सामन्याआधी रिलॅक्स होण्यासाठी एक खास बॉलीवूड चित्रपट पाहतो, अशी माहिती समोर आली आहे. (Bollywood)
या संदर्भात प्रसिद्ध दिग्दर्शक प्रियदर्शन यांनी एका मुलाखतीत खुलासा केला. त्यांनी सांगितलं की 2007 मध्ये प्रदर्शित झालेले दोन चित्रपट थिएटरमध्ये अपेक्षित यश मिळवू शकले नाही. बॉक्स ऑफिसवर या चित्रपटाने फारशी कमाई केली नव्हती. तरीही काळाच्या ओघात या चित्रपटाला प्रेक्षकांकडून चांगला प्रतिसाद मिळू लागला. अगदी विराटही हे चित्रपट सामना खेळण्याआधी रिलॅक्स होण्यासाठी पाहतो.
“माझ्याकडे आता नव्या आयडियाच नाहीत”
अलीकडे दिलेल्या एका मुलाखतीत प्रियदर्शन यांनी सांगितलं की आता त्यांना कॉमेडी चित्रपट बनवण्यात फारसा रस राहिलेला नाही. ते म्हणाले, “खरं सांगायचं तर आता मला गंभीर चित्रपट बनवायला जास्त आवडतं. कॉमेडी चित्रपट मी आता जणू अपरिहार्यता म्हणून बनवतो. मला वाटतं की माझ्याकडे नवीन आयडिया उरलेल्या नाहीत. मी आधी केलेल्या गोष्टी पुन्हा करायच्या नाहीत. अजून कदाचित एक कॉमेडी चित्रपट करेन आणि मग थांबेन.”
सामन्याआधी विराट पाहतो..
प्रियदर्शन यांनी सांगितलं की त्यांचा 2007 मध्ये आलेला ढोल आणि 2010 मध्ये आलेला खट्टा मिठा हे दोन्ही चित्रपट बॉक्स ऑफिसवर अपेक्षित यश मिळवू शकले नाहीत. मात्र ओटीटी प्लॅटफॉर्ममुळे आता या चित्रपटांना नव्याने प्रेक्षक मिळत आहेत. ते म्हणाले , “मला हे दोन्ही चित्रपट खूप आवडतात. पण थिएटरमध्ये ते चालले नाहीत. आता ओटीटीमुळे लोक पुन्हा ते पाहत आहेत. मला आनंद होतो जेव्हा लोक सांगतात की विराट कोहलीसारखे खेळाडू सामना खेळण्याआधी रिलॅक्स होण्यासाठी ‘ढोल’ पाहतात. ते तर चित्रपटातील डायलॉगही एकमेकांना म्हणतात.”
विराट आणि प्रियदर्शन यांनी एकत्रही केलं काम
जरी विराट कोहलीने सार्वजनिकरित्या हा चित्रपट पाहतो असं सांगितलेलं नसले, तरी तो आणि प्रियदर्शन यांचं आधी एकत्र काम झालं आहे. आयपीएलमधील रॉयल चॅलेंजर्स बेंगळुरूसाठी बनवलेल्या एका जाहिरातीचं दिग्दर्शन प्रियदर्शन यांनी केलं होतं. या जाहिरातीत विराट कोहलीसोबत क्रिस गेल आणि शेन वॉटसनदेखील दिसले होते. त्या वेळी प्रियदर्शन यांनी विराटच्या अभिनयाचं कौतुकही केलं होतं.
‘ढोल’चं बॉक्स ऑफिस कलेक्शन
2007 मध्ये रिलीज झालेल्या ‘ढोल’ या चित्रपटात तुषार कपूर, शरमन जोशी,राजपाल यादव,कुणाल खेमू आणि तनुश्री दत्ता यांसारखे कलाकार होते. या चित्रपटाने भारतात सुमारे 15 कोटी रुपयांची कमाई केली होती, तर जगभरात त्याचा कलेक्शन सुमारे 23 कोटी रुपयांपर्यंत पोहोचला होता.
महत्त्वाच्या बातम्या
