TV Naagin 7 Patriotic Scene: 'हेच बघायचं बाकी होतं...', एकता कपूरच्या शोमध्ये 'देशभक्त नागिण', इस्रोच्या रॉकेटला ठोकला सलाम; नेटकरीही हैराण

TV Naagin 7 Patriotic Scene: एकता कपूरच्या 'नागीण 7' या मालिकेत सध्या अत्यंत नाट्यमय घडामोडी घडत आहेत. अलिकडेच प्रदर्शित झालेल्या एका भागातील दृश्य पाहिल्यानंतर, प्रेक्षकांनी या अलौकिक मालिकेची खिल्ली उडवली आहे.

TV Naagin 7 Patriotic Scene

Source : ABP Majha

TV Naagin 7 Patriotic Scene: प्रियांका चाहर चौधरी (Priyanka Chahar Choudhary) स्टारर टेलिव्हिजनवरचा सर्वाधिक चर्चेत असणारी मालिका, 'नागीन' (Naagin) चा सातवा सीझन, कोणत्या ना कोणत्या कारणामुळे सोशल मीडियावर सतत चर्चेचा विषय बनलेला असतो. आता सध्या ही मालिका प्रियांकाच्या लूकमुळे चर्चेत आली होती. एकता कपूरच्या या सीरिअलमधील एक सीन व्हायरल होत आहे. या सीनमुळे सोशल मीडिया युजर्सना हसून हसून पोटात दुखू लागलं आहे. अनेकांना तर तो सीन पाहून काय बोलावं, हेच सुचेनासं झालंय. काहीजण तर हा सीन पाहिल्यापासून नुसते हसतच सुटले आहेत. 

'नागीन 7'मधील 'हा' ड्रामॅटिक सीन व्हायरल 

एकता कपूरनं 'नागीन' सीरिअलच्या सातव्या सीझनमध्ये लव्ह स्टोरीसोबतच 'देशभक्ती'चाही सीन प्रेक्षकांसाठी दाखवला आहे. मालिकेतल्या 'नागीन' कशा 'चंगिस्तान'मधून कशा आपल्या देशाचं रक्षण करतात, हे शोमध्ये दाखवण्यात आलं आहे. गेल्या एपिसोडमध्ये दाखवण्यात आलंय की, आहना (Priyanka Chahar Choudhary) आणि भरणी (Alice Kaushik) दोघी एकत्र येऊन एका ड्रॅगनचा सामना करतात आणि देशासाठी झटणाऱ्या वैज्ञानिकांचा जीव वाचवतात. 

First in my bloodline to see patriotic naagins. Peak Indian serial 🫡pic.twitter.com/hFyb7vGYLC

— Ankit Pathak 🇮🇳 (@ankit_acerbic) March 17, 2026

एपिसोडमध्ये पुढे दाखवण्यात आलं आहे की, नागिनींनी जीव वाचवल्यानंतर आपल्या सीक्रेट चेंबरमध्ये जाऊन वैज्ञानिक यशस्वीरित्या एक रॉकेट लॉन्च करतात. जेव्हा दोन्ही नागिण रॉकेट यशस्वीरित्या अवकाशात झेपावताना दिसतात, तर त्या त्या रॉकेटकडून पाहून सॅल्यूट करतात आणि बँकग्राउंडमध्ये 'वंदे मातरम' गाण वाजू लागतं. एकता कपूरनं या मालिकेत पौराणिक कथा, देशभक्ती आणि नाट्यमय दृश्यांचा जो सुरेख मेळ साधला आहे, त्यानं सोशल मीडिया युजर्सचं लक्ष तत्काळ वेधून घेतलं आहे.

युजर्सनी प्रियांका चहरच्या मालिकेची उडवली खिल्ली 

'नागीन 7'मध्ये दाखवण्यात आलेला हा विचित्र प्रसंग पाहिल्यानंतर, सोशल मीडियावरील युजर्सना आपलं हसू आवरणं कठीण झालं आहे. युजर्सनी तर एकता कपूर आणि प्रियांका चहरला चांगलंच फैलावर घेतलं आहे. 

एका युजरनं लिहिलंय की, "माझ्या संपूर्ण कुटुंबात 'देशभक्त नागीन' पाहणारी पहिलीच व्यक्ती मी ठरलोय. भारतीय टीव्ही मालिका खरोखरंच आता सर्वोच्च शिखरावर पोहोचल्या आहेत!"

आणखी एका युजरनं लिहिलंय की, "मी ही मालिका परवाच पाहिली. खरं सांगायचं तर, हा सीन पाहून मला हसूच आवरता आलेलं नाही..." 

आणखी एका युजरनं म्हटलंय की, "भारतीय टीव्ही मालिकांनी आता एक पूर्णपणे नवीन पातळी गाठली आहे..." दरम्यान, हॉलिवूडशी तुलना करत एका युजरनी लिहिलंय की, "मार्वेलची कोणाला गरज आहे? आपल्याकडे तर आपल्या राष्ट्राचे रक्षण करणाऱ्या देशभक्त नागिणी आहेत." 

महत्त्वाच्या इतर बातम्या :