Raja Shivaji First Look Teaser: शौर्य, सन्मान अन् स्वराज्याच्या गाथेची पहिली झलक; 'धुरंधर द रिव्हेंज'सोबत 'राजा शिवाजी'चा First Look Teaser थिएटरमध्ये रिलीज

Raja Shivaji First Look Teaser: छत्रपती शिवाजी महाराजांच्या पराक्रमाची, स्वाभिमानाची आणि स्वराज्य स्थापनेच्या प्रवासाची सिनेमॅटिक झलक मोठ्या पडद्यावर नक्की बघा.

Raja Shivaji First Look Teaser

Source : ABP Majha

Raja Shivaji First Look Teaser: जिओ स्टुडिओज (Jio Studios) आणि मुंबई फिल्म कंपनी (Mumbai Film Company) प्रस्तुत बहुप्रतिक्षित चित्रपट 'राजा शिवाजी' (Raja Shivaji) चा दमदार फर्स्ट लूक टीझर (First Look Teaser) आता प्रेक्षकांसमोर येणार असून, हा खास अनुभव केवळ चित्रपटगृहांमध्येच पाहायला मिळणार आहे. विशेष म्हणजे, हा फर्स्ट लूक टीझर 'धुरंधर-द रिव्हेंज' (Dhurandhar The Revenge) या सिनेमाच्या प्रदर्शनासोबत दाखवण्यात येणार आहे. त्यामुळे 18 मार्चपासून सुरू होणाऱ्या पेड प्रिव्ह्यूद्वारेही प्रेक्षकांना या भव्य ऐतिहासिक सिनेमाची पहिली झलक पाहण्याची संधी मिळणार आहे.

छत्रपती शिवाजी महाराजांच्या पराक्रमाची, स्वाभिमानाची आणि स्वराज्य स्थापनेच्या प्रवासाची सिनेमॅटिक झलक मोठ्या पडद्यावर नक्की बघा. रितेश विलासराव देशमुख यांची प्रमुख भूमिका असलेल्या आणि दिग्दर्शनाखाली तयार झालेल्या या चित्रपटात भारतातील एका महान योद्धाची गाथा , त्याचा स्वराज्य स्थापनेचा संघर्ष आता संपूर्ण जग या फर्स्ट लूक टीझर मधून बघेल. 

या भव्य ऐतिहासिक कलाकृतीत संगीताची जादू अजय-अतुल यांनी दिली असून, आंतरराष्ट्रीय कीर्तीचे छायाचित्रकार संतोष सिवन यांनी आपल्या अप्रतिम छायाचित्रणातून या गाथेला भव्य दृश्यरूप दिले आहे. भाषिक आणि भौगोलिक सीमा ओलांडत भारताचा समृद्ध इतिहास आणि वारसा जगभरातील प्रेक्षकांपर्यंत पोहोचवण्याचा या चित्रपटाच्या निर्मात्यांचा उद्देश आहे. 

'RAJA SHIVAJI' FIRST LOOK TEASER WITH 'DHURANDHAR THE REVENGE' – 1 MAY 2026 RELEASE... Undoubtedly one of the finest teasers in recent times – powerful, impactful, and truly designed for the biggest screen experience.

Catch the first look teaser of #RajaShivaji exclusively with… pic.twitter.com/fxVE4316yk

— taran adarsh (@taran_adarsh) March 18, 2026

जिओ स्टुडिओज प्रस्तुत आणि मुंबई फिल्म कंपनीच्या बॅनरखाली ज्योती देशपांडे आणि जिनिलीया देशमुख निर्मित 'राजा शिवाजी' हा चित्रपट 1 मे 2026 रोजी जगभरातील चित्रपटगृहांमध्ये प्रदर्शित होणार असून शौर्य, सन्मान आणि स्वराज्याच्या जन्मास भव्य आदरांजली अर्पण करणारी ही ऐतिहासिक गाथा प्रेक्षकांना एका विलक्षण सिनेमॅटिक प्रवासावर घेऊन जाणार आहे. 

भव्यतेचा नवा अध्याय, इतिहासाची थरारक गर्जना भारतासह जगभरात गाजण्यासाठी भव्य पडद्यावर सज्ज झाली आहे.                        

महत्त्वाच्या इतर बातम्या :