Trisha Krishnan : 'खट्टा-मीठा'नंतर 13 वर्षांनी अभिनेत्री तृषा बॉलिवूडमध्ये परतणार, सलमानसोबत शेअर करणार स्क्रीन 

Trisha Krishnan : अभिनेत्री तृषा ही टॉलीवुडमधील यशस्वी अभिनेत्रींपैकी एक आहे. गेल्या दोन दशकांपासून तृषाने अनेक हिट सिनेमे केले आहेत. तिने टॉलीवुडमधील सर्वच दिग्गज अभिनेत्यांबरोबर काम केलं आहे.

Trisha Krishnan: After 13 years after actress Trisha will return to Bollywood marathi news

Trisha Krishnan : अभिनेत्री तृषा ही टॉलीवुडमधील यशस्वी अभिनेत्रींपैकी एक आहे. गेल्या दोन दशकांपासून तृषाने अनेक हिट सिनेमे केले आहेत. तिने टॉलीवुडमधील सर्वच दिग्गज अभिनेत्यांबरोबर काम केलं आहे. 13 वर्षांपूर्वी बॉलीवुडच्या 'खट्टा-मीठा' या सिनेमामध्ये तृषा अभिनेता अक्षय कुमारबरोबर प्रमुख भूमिकेत होती. त्यानंतर तिने बॉलीवूडमध्ये कोणताच सिनेमा केली नाही. दरम्यान आता तब्बल 13 वर्षांनी ती बॉलिवुडमध्ये परतणार आहे. या सिनेमात ती बॉलीवुड अभिनेता सलमान खानबरोबर (Salman Khan) स्क्रीन शेअर करताना दिसेल. मीडिया रिपोर्ट्नुसार, तृषा दिग्दर्शक विष्णू वर्धन यांच्या पुढील सिनेमामध्ये मुख्य भूमिकेत दिसणार आहे. विष्णू वर्धन यांच्या या सिनेमात सलमान खानचीही भूमिका असणार आहे. लवकरच या सिनेमाची घोषणा होण्याची शक्यता आहे. 

खट्टा मिठ्ठामधून बॉलीवुडमध्ये पदार्पण (Trisha Krishnan)

तृषाने 2010 मध्ये प्रियदर्शन निर्मित खट्टा-मीठा या सिनेमाच्या माध्यमातून (Trisha Krishnan) हिने बॉलीवुडमध्ये पदार्पण केले होते. तिने अक्षय कुमारसमवेत मुख्य भूमिका साकारली होती. कॉमेडी आणि राजकारण हे या चित्रपटाचा केंद्रबिंदू होते. या सिनेमाने प्रेक्षकांना पोट भरून हसवले. अक्षय कुमार आणि तृषा शिवाय राजपाल यादव आणि जॉनी लिवर यांनीही आपल्या भूमिकेने प्रेक्षकांचे लक्ष वेधले होते. दरम्यान, आता तृषा पुन्हा एकदा बॉलीवुडमध्ये हिट सिनेमा करण्याच्या मनसुब्याने परतत आहे. दाक्षिणात्य चित्रपटांमध्ये तृषाने आजवर आपल्या उक्तृष्ट अभिनयाने प्रेक्षकांना भुरळ घातली आहे. तिच्या नुकत्याच प्रदर्शित झालेल्या 'लिओ' या सिनेमाने बंपर कमाई केली आहे. 
 

तृषाच्या कोणत्या सिनेमांचे शूटींग सुरु?

सध्याच्या घडीला तृषा दाक्षिणात्या सिनेमांच्या शूटींगमध्ये व्यस्त आहे. ती तामिळ भाषेतील एका सिनेमाच्या काम करताना दिसणार आहे. विद्यामुयार्ची या तमिळ आणि आयडेंटिटी या मल्याळम भाषेतील सिनेमाचे सध्या तृषा शूट करत आहे. सध्या एकाच वेळी दोन्ही सिनेमांचे शूटींग सुरु आहे. यानंतर ती मणिरत्नम यांच्या 'ठग लाइफ' या सिनेमाच्या शूटींगसाठी रवाना होणार आहे. या सिनेमामध्ये दिग्गज अभिनेते कमल हसन यांच्यासमवेत प्रमुख भूमिकेत दिसणार आहे. कलम हसन यांचा हा चित्रपट 2024 मध्ये रिलीज होईल. टॉलीवुड शिवाय हिंदी सिनेमामध्येही तृषाचा मोठा चाहता वर्ग आहे. चाहते तिच्या हिंदी भाषेतील सिनेमाची आतुरतेने वाट पाहात आहेत. शिवाय, सलमान खानसोबत काम करण्यासाठी तृषाही उत्सुक आहे. सलमान-तृषाच्या नव्या सिनेमाला प्रेक्षक कसा प्रतिसाद देतात हे पाहाणे औत्सुक्याचे ठरणार आहे. 

इतर महत्वाच्या बातम्या