Akhil Bhartiya Marathi Natya Parishad: अखिल भारतीय मराठी नाट्य परिषदेच्या पंचवार्षिक निवडणुकीची रणधुमाळी; प्रसाद कांबळी की प्रशांत दामले, कोणाचं पॅनल ठरणार विजयी?

अखिल भारतीय मराठी नाट्य परिषदेची (Akhil Bhartiya Marathi Natya Parishad) पंचवार्षिक निवडणुकीची मतदानाची प्रक्रिया उद्या (16 एप्रिल) पार पडणार आहे.

Prasad Kambli,Prashant Damle

Akhil Bhartiya Marathi Natya Parishad : अखिल भारतीय मराठी नाट्य परिषदेची (Akhil Bhartiya Marathi Natya Parishad) पंचवार्षिक निवडणूक पार पडत आहेत. उद्या (16 एप्रिल) निवडणुकीची मतदानाची प्रक्रिया पार पडणार आहे. या निवडणुकीत प्रसाद कांबळी (Prasad Kambli) आणि प्रशांत दामले ( Prashant Damle) या दोघांच्या पॅनलपैकी कोणते पॅनल विजयी ठरेल, याकडे सर्वांचे लक्ष लागले आहे. दोन्ही पॅनल्सकडून आरोप-प्रत्यारोप केले जात आहेत.  

'रंगकर्मी नाटक समूह' पॅनल

प्रशांत दामले यांच्या रंगकर्मी नाटक समूह या पॅनलमध्ये अनेक दिग्गज कलाकार आहेत. या पॅनलमध्ये विजय केंकरे, अजित भुरे, सयाजी शिंदे, विजय गोखले, वैजयंती आपटे, सुशांत शेलार, सविता मालपेकर यांचा समावेश आहे. प्रशांत दामले यांनी काही दिवसांपूर्वी त्यांच्या रंगकर्मी नाटक समूह या पॅनलची माहिती सोशल मीडियाद्वारे दिली होती. त्यांनी या पोस्टमध्ये लिहिलं, 'छान करायच मनात आहे. आपण जर नाट्य परिषदेचे सभासद असाल कृपया 16 एप्रिल आमच्यासाठी राखून ठेवा. तुमची साथ हवीच.'

प्रसाद कांबळी यांचं 'आपलं पॅनल'

प्रसाद कांबळी यांच्या पॅनलमध्ये सुकन्या मोने, मंगेश कदम, राजन भिसे, ऐश्वर्या नारकर, अविनाश नारकर, अशोक नारकर, संतोष काणेकर, सुनील देवळेकर, दिगंबर प्रभू, राजन भिसे यांचा समावेश आहे. या पॅनलचं नाव 'आपलं पॅनल' असं आहे. सुकन्या मोने यांनी सोशल मीडियाच्या माध्यमातून 'आपलं पॅनल' या पॅनचा प्रचार केला आहे. त्यांनी पोस्टमध्ये लिहिलं, 'नाट्य क्षेत्रातील पडद्यापुढील, पडद्यामागील अशा सर्वांची स्वप्नं पूर्ण करण्यासाठी आणि अ. भा. म. ना. परिषदेला मानाचं स्थान मिळवून देण्यासाठी 'आपलं पॅनल' सज्ज आहे.'

 

 

 

 

 

View this post on Instagram

 

 

 

 

 

 

 

 

 

 

 

A post shared by Aapla Panel (@aapla_panel)

अखिल भारतीय मराठी नाट्य परिषदेच्या पंचवार्षिक निवडणुकांचे मतदान केंद्र हे माटुंगा येथील यशवंत नाट्यमंदिर आणि गिरगांव येखील साहित्य संघ मंदिर हे असणार आहे. रविवारी (16 एप्रिल) सकाळी 9 ते संध्याकाळी 5.30 वाजेपर्यंत मतदान होईल. 

लॉकडाऊनच्या काळात अनेक नाट्यकर्मींना, नाट्यसंस्थांना मोठा आर्थिक फटका बसला. याच आर्थिक फटक्याला अखिल भारतीय मराठी नाट्यपरिषदेला देखील सामोरे जावे लागले आहे. गेल्या अनेक वर्षांत नाट्यपरिषद आणि वाद हे न संपणारे समीकरण झाले होते. कोरोनाकाळात तर हे प्रकरण आणखीनच गंभीर वळणावर पोहोचले आहे. कोरोनाकाळात अचानक टाळेबंदी झाली आणि नाट्यगृहाचा पडदादेखील बंद करण्यात आला. तेव्हा अखिल भारतीय मराठी नाट्य परिषद पुढे सरसावली होती. अनेक रंगकर्मींना निधी वाटण्याचे काम परिषदेतर्फे करण्यात आले होते. 

 इतर महत्वाच्या बातम्या: