Varsha Dandale: 'कोण आहेत ही माणसं? यांना कामधंदे नाहीत का?'; अफवा पसरवणाऱ्यांचे वर्षा दांदळे यांनी टोचले कान
अफवा पसरवणाऱ्यांना आता वर्षा दांदळे (Varsha Dandale) यांनी चांगलंच सुनावलं आहे. त्यांच्या कमेंटनं अनेकांचे लक्ष वेधलं.
Varsha Dandale: छोट्या पडद्यावरील प्रसिद्ध अभिनेत्री वर्षा दांदळे (Varsha Dandale) या त्यांच्या अभिनयानं नेहमीच प्रेक्षकांची मनं जिंकतात. वेगवेगळ्या मालिकांमधून त्या प्रेक्षकांच्या भेटीस येत असतात. 2021 मध्ये वर्षा यांचा अपघात झाला होता. या अपघातात त्यांना दुखापत झाली. पण काही काळ ब्रेक घेतल्यानंतर प्रेक्षकांच्या मनोरंजनासाठी त्या पुन्हा सज्ज झाल्या. सध्या त्या नवा गडी नवं राज्य या मालिकेमधून प्रेक्षकांच्या भेटीस येणार आहेत. या मालिकेत त्या राघवच्या आईची भूमिका साकारत आहेत. सोशल मीडियावर काही दिवसांपूर्वी एक पोस्ट व्हायरल झाली होती. 'वर्षा दांदळे या अंथरूणाला खिळून आहेत' अशा आशयाची पोस्ट सोशल मीडियावर व्हायरल झाली. या अफवा पसरवणाऱ्यांना आता वर्षा यांनी चांगलंच सुनावलं आहे.
व्हायरल पोस्टला वर्षा यांनी केली कमेंट
व्हायरल पोस्टला वर्षा यांनी कमेंट केली, 'मी ठणठणीत आहे, कोण आहेत ही माणसं, यांना कमाधंदे नाहीत का काही?' वर्षा यांच्या या कमेंटला अनेक नेटकऱ्यांनी रिप्लाय दिला. एका युझरनं कमेंटमध्ये लिहिलं, 'वर्षा ताई तुम्ही खूप चांगलं काम करता. असंच काम करत राहा.'
वर्षा दांदळे या सोशल मीडियावर अॅक्टिव्ह असतात. वेगवेगळ्या रिल्स त्या शेअर करतात. वेगवेगळ्या विषयांवरील पोस्ट त्या सोशल मीडियावर शेअर करतात. अपघात झाल्यानंतर वर्षा यांनी सोशल मीडियावर पोस्ट शेअर करुन चाहत्यांना माहिती दिली होती. त्यांनी पोस्टमध्ये लिहिलं होतं, 'मोठा अपघात झाला आहे. मणक्याला दुखापत झाली असून उजव्या पायाला देखील दुखापत झाली आहे. आप सबके दुआ की जरुरत है.'
View this post on Instagram
वाचा इतर महत्त्वाच्या बातम्या:
महत्त्वाच्या बातम्या
ट्रेंडिंग न्यूज
