Tuzech Mi Geet Gaat Aahe: मामा करतोय स्वराला समजावण्याचा प्रयत्न; 'तुझेच मी गीत गात आहे’ मालिकेच्या प्रोमोनं वेधलं लक्ष
'तुझेच मी गीत गात आहे' (Tuzech Mi Geet Gaat Aahe) या मालिकेचा एक प्रोमो सध्या सोशल मीडियावर व्हायरल झाला आहे.
Tuzech Mi Geet Gaat Aahe: तुझेच मी गीत गात आहे (Tuzech Mi Geet Gaat Aahe) या मालिकेत काही दिवसांपूर्वी या मालिकेत मंजुळाची एन्ट्री झाली आहे. मंजुळा ही मल्हार आणि मोनिका यांच्या घरात पिहू आणि स्वराजला गाणं शिकवण्यासाठी आली आहे. मंजुळा ही मल्हारची पहिली पत्नी आणि स्वराज उर्फ स्वराची आई वैदेही हिच्या सारखी दिसते. तुझेच मी गीत गात आहे या मालिकेच्या गेल्या एपिसोडमध्ये दिसले की, स्वराज हा मल्हारला मंजुळाचा चेहरा दाखवण्यासाठी तिच्यासोबत सेल्फी काढतो. आता या सर्व गोष्टींबाबत स्वराजला समजवण्याचा प्रयत्न त्याचा मामा करताना दिसत आहे.
'तुझेच मी गीत गात आहे' या मालिकेचा एक प्रोमो सध्या सोशल मीडियावर व्हायरल झाला आहे. या प्रोमोमध्ये दिसत आहे की, निरंजन मामा हा स्वराजला समजावतो. तो म्हणतो, 'मंजुळा ही वहिनींसारखी दिसते हे मल्हार गुरुजींना सांगण्याची तुला खुप घाई झाली आहे का?' यावर स्वराज म्हणतो, 'मंजुळा ही माझ्या आईसारखी फक्त दिसत नाही तर ती माझी आईच आहे आणि मल्हार गुरुजी नाही माझे बाबा आहेत ते.'
पाहा प्रोमो:
View this post on Instagram
काही महिन्यांपूर्वी तुझेच मी गीत गात आहे या मालिकेमधील वैदेही या भूमिकेचा मृत्यू झाला. वैदेही ही मल्हारची पहिली पत्नी आणि स्वराज उर्फ स्वराची आई होती. वैदेहीच्या मृत्यूनंतर मंजुळाची मालिकेत एन्ट्री झाली. मंजुळा ही वैदेहीसारखी दिसते. त्यामुळे स्वराज हा मंजुळाला 'आई' म्हणत असतो. आता स्वराजला त्याच्या आईचं प्रेम परत मिळेल का? स्वराज उर्फ स्वरा ही मल्हारची मुलगी आहे, हे मल्हार आणि मोनिका यांना कळेल का? या सर्व प्रश्नांची उत्तरं तुझेच मी गीत गात आहे या मालिकेच्या आगामी एपिसोडमध्ये प्रेक्षकांना मिळणार आहेत.
तुझेच मी गीत गात आहे या मालिकेत मल्हार कामत ही भूमिका अभिनेता अभिजीत खांडकेकर हा साकारतो. तर स्वरा उर्फ स्वराज ही भूमिका अवनी तायवाडे ही साकारते. स्वराची आई म्हणजेच वैदेही मल्हार कामत ही भूमिका अभिनेत्री ऊर्मिला कानेटकरनं साकरली होती. आता ऊर्मिला ही या मालिकेतील मंजुळा ही भूमिका साकारत आहे.
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
and tablets
