![ABP Premium](https://cdn.abplive.com/imagebank/Premium-ad-Icon.png)
Tujhech Mi Geet Gaat Aahe : ‘तुझेच मी गीत गात आहे’ मालिकेतून प्रिया मराठे येणार भेटीला; म्हणाली, 'प्रेक्षकांना ज्या व्यक्तिरेखांचा राग येतो त्या...'
तुझे मी गीत गात आहे (Tujhech Mi Geet Gaat Aahe) या मालिकेत प्रिया मराठे ही मोनिका ही व्यक्तिरेखा साकारणार आहे.
![Tujhech Mi Geet Gaat Aahe : ‘तुझेच मी गीत गात आहे’ मालिकेतून प्रिया मराठे येणार भेटीला; म्हणाली, 'प्रेक्षकांना ज्या व्यक्तिरेखांचा राग येतो त्या...' Tujhech Mi Geet Gaat Aahe serial actress Priya Marathe will play role of Monica Tujhech Mi Geet Gaat Aahe : ‘तुझेच मी गीत गात आहे’ मालिकेतून प्रिया मराठे येणार भेटीला; म्हणाली, 'प्रेक्षकांना ज्या व्यक्तिरेखांचा राग येतो त्या...'](https://feeds.abplive.com/onecms/images/uploaded-images/2022/04/26/73b1f7b2e24e156ecee376d7c0f6f1a5_original.jpg?impolicy=abp_cdn&imwidth=1200&height=675)
Priya Marathe : अभिनेत्री प्रिया मराठे ही (Priya Marathe) आजवर अनेक हिंदी-मराठी मालिकांमधून प्रेक्षकांच्या भेटीस आली आहे. तिने साकारलेल्या खलनायकी व्यक्तिररेखांची छाप आजही प्रेक्षकांच्या मनावर कायम आहे. प्रिया मराठेला खलनायकी व्यक्तिरेखा साकारणं आव्हानात्मक वाटतं. प्रेक्षकांना ज्या व्यक्तिरेखांचा राग येतो त्या साकारताना एक अभिनेत्री म्हणून कस लागतो असं तिला वाटतं. तुझे मी गीत गात आहे (Tujhech Mi Geet Gaat Aahe) या मालिकेत ती मोनिका ही व्यक्तिरेखा साकारणार आहे.
मोनिका या भूमिकेचं वेगळेपण सांगताना प्रिया म्हणाली, ‘स्टार प्रवाहसोबत मी याआधी जयोस्तुते आणि शतदा प्रेम करावे या मालिका केल्या आहेत. तुझेच मी गीत गात आहे मालिकेच्या निमित्ताने पुन्हा या लाडक्या वाहिनीसोबत जोडली जाणार आहे. ही म्युझिकल मालिका आहे. म्हणजे अशी कविता जी अनुभवायलाच हवी. या मालिकेतही हटके लूक मध्ये दिसेन.'
बालकलाकारांबाबत प्रिया म्हणाली, 'पिहू नावाच्या चिमुरडीसोबत माझे बरेचसे सीन आहेत. बालकलाकारांसोबत काम करताना नेहमीच मजा येते. त्यांच्या कलाने आणि त्यांचे मूड सांभाळत काम करावं लागतं. आताची पिढी प्रचंड हुशार आहे. मालिकेतली चिमुकली स्वरा आणि पिहू दोघीही कमाल आहेत. आमची एकमेकांशी छान गट्टी जमली आहे. ही गोष्ट मुलगी आणि तिच्या बाबांच्या प्रेमावर आधारलेली आहे. बाप-लेकीच्या नात्यात माझी म्हणजेच मोनिका या पात्राची नेमकी काय भूमिका असेल हे पहायचं असेल तर तुझेच मी गीत गात आहे ही मालिका नक्की पाहा.’
हेही वाचा :
- Laal Singh Chaddha : आमिर खानच्या 'लाल सिंह चड्ढा'वर बंदी घालण्याची मागणी, नेमकी कारणं तरी काय?
- Ankit Tiwari : ‘...त्यांच्यामुळे माझ्या 3 वर्षांच्या मुलीला उपाशी राहावं लागलं’, पंचतारांकित हॉटेलवर संतापला गायक अंकित तिवारी
- Rocky Aur Rani Ki Prem Kahani Release Date : आलिया-रणवीरच्या 'रॉकी और रानी की प्रेम कहानी'ची रिलीज डेट जाहीर
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)