Suraj Chavan : लक्ष्मी मिळाली, बक्षीसाच्या पैशातून घर बांधणार, घराला बिग बॉसचे नाव देणार, सूरज चव्हाणची कृतज्ञता
Suraj Chavan : बिग बॉसचा विजेता झाल्यानंतर सूरज चव्हाणची पहिली प्रतिक्रिया मसोर आलेली आहे.
Suraj Chavan : सूरज चव्हाणने (Suraj Chavan) बिग बॉसचा विजेता (Bigg Boss Marathi New Season) झाल्यानंतर पहिली प्रतिक्रिया दिली आहे. यावेळी सूरजने त्याच्या बक्षीसाच्या पैशांचं काय करणार याविषयी देखील सांगितलं आहे. त्याचप्रमाणे सूरजने महाराष्ट्राच्या जनेतेचेही आभार मानले आहेत. बिग बॉस मराठीचा विजेता म्हणून निवड केल्याबद्दल सूरजने प्रेक्षकांनाही धन्यवाद दिलंय. त्याचप्रमाणे मिळालेले पैसे तो त्याच्या घरासाठी वापरणार असल्याचंही त्याने सांगितलं आहे.
बिग बॉस मराठीच्या 16 स्पर्धकांना मागे सारत सूरजने बिग बॉसच्या ट्रॉफीवर नाव कोरलं आहे. त्याचप्रमाणे त्याने टॉप 6 स्पर्धकांनाही टक्कर देत शेवटचा टप्पा गाठला. सूरजच्या विजयावर आता सर्वच स्तरातून प्रतिक्रिया येत असल्याचं पाहायला मिळतंय. त्यातच आता जिंकल्यानंतर सूरजचीही प्रतिक्रिया समोर आली आहे.
सूरजने काय म्हटलं?
सूरजने जिंकल्यानंतर प्रतिक्रिया देताना म्हटलं की, मी कलर्स मराठीचे मनापासून आभार.. मला अभिमान आहे की, मी बिग बॉसची ट्रॉफी मीच जिंकणार.. मी म्हटलं होतं की, बिग बॉसची ट्रॉफी मीच जिंकणार आणि ती आपल्या झापुक झुपुक पॅटर्नमध्ये घरी घेऊन जाणार... ही ट्रॉफी मला माझ्या आईवडिलांमुळे आणि बिग बॉसमुळे मिळाली आहे.मला माझं घर बांधायचं आहे, तर त्यासाठी मी हे पैसे घालवणार आहे. ही लक्ष्मी मी माझ्या घरासाठी देणार आहे.
सूरजला काय काय मिळालं?
बिग बॉसचा अंतिम विजेता ठरल्यानंतर सूरज चव्हाणला पहिल्या क्रमांकाचे बक्षीस म्हणून 14 लाख रुपयांचा चेक देण्यात आला. त्यानंतर या कार्यक्रमाचे स्पॉन्सर पु. ना. गाडगीळ यांच्याकडून सूरज चव्हाणला 10 लाख रुपये जाहीर करण्यात आले. तसेच त्याला एक इलेक्ट्रिक बाईकही बक्षीस म्हणून देण्यात आली आहे.
View this post on Instagram
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
