Sonali Patil: सोनालीनं तमन्नाच्या गाण्यावर केला डान्स; नेटकरी ट्रोल करत म्हणाले, 'येत नाही तर कशाला...'

सोनालीनं तमन्ना भाटिया (Tamannaah Bhatia) या अभिनेत्रीच्या 'कावाला' या गाण्यावरील डान्सचा व्हिडीओ शेअर केला.

Written By : एबीपी माझा एंटरटेनमेंट डेस्क | Edited By: प्रियांका कुलकर्णी | Updated at : 17 Jul 2023 01:41 PM (IST)

Sonali Patil

Sonali Patil: सोनाली पाटील (Sonali Patil) ही छोट्या पडद्यावरील प्रसिद्ध अभिनेत्री आहे. तिनं अनेक मराठी मालिकांमध्ये काम केलं आहे. सोनालीला बिग बॉस मराठी सिझन 3 (Bigg Boss Marathi - Season 3) मुळे विशेष लोकप्रियता मिळाली. सोनाली ही सोशल मीडियावर विविध फोटो आणि व्हिडीओ शेअर करते. नुकताच सोनालीनं तमन्ना भाटिया (Tamannaah Bhatia) या अभिनेत्रीच्या 'कावाला' (Kaavaalaa) या गाण्यावरील डान्सचा व्हिडीओ शेअर केला. सोनालीच्या या व्हिडीओला अनेकांनी ट्रोल केलं.

तमन्ना भाटियाच्या 'कावाला' या गाण्यातील डान्सला नेटकऱ्यांची पसंती मिळाली. हे गाणं ‘जेलर’ (Jailer) या चित्रपटातील आहे. या गाण्यात रजनीकांत यांची झलक देखील बघायला मिळते. 'कावाला' या गाण्यावरील डान्सचा व्हिडीओ सोशल मीडियावर शेअर करुन सोनालीनं कॅप्शनमध्ये लिहिलं, 'आधीच रीलमध्ये डान्स करुन जीव "कावनुया". त्यात अजून पोरिगी नी पासिंग दिलं बेश्टच नाही का. म्हण: नाचता येईना' सोनालीच्या या व्हिडीओवर नेटकऱ्यांनी लाइक्स आणि कमेंट्सचा वर्षाव केला आहे.

नेटकऱ्यांच्या कमेंट्स

सोनालीनं शेअर केलेल्या या डान्सच्या व्हिडीओला अनेक नेटकऱ्यांनी कमेंट्स केल्या आहेत. एका नेटकऱ्यानं कमेंट केली,'अजय देवगणं , सनी देओल स्टाईल डान्स वाटला. तर दुसऱ्या नेटकऱ्यानं कमेंट केली, 'अररर वाट लावली तुम्ही तमन्नाची येत नाही तर कशाला करायचा', 'डान्स स्टेप्स व्यवस्थित वाटत नाहीत' अशी कमेंट देखील एका नेटकऱ्यानं केली.

पाहा सोनालीचा व्हिडीओ:

View this post on Instagram

A post shared by Sonali Patil (@sonale_paatil42)

सोनालीनं या मालिकांमध्ये केलं काम

सोनालीनं वैजू नं.1 (Vaiju No. 1),जुळता जुळता जुळतंय की (Julta Julta Jultay Ki), देवमाणूस या मालिकांमध्ये काम केलं आहे. सोनाली ही सोशल मीडियावर अॅक्टिव्ह असते. तिला इन्स्टाग्रामवर 263K फॉलोवर्स आहेत. वेगवेगळ्या लूकमधील फोटो सोनाली सोशल मीडियावर शेअर करते. सोनालीच्या सोशल मीडियावरील पोस्टला नेटकऱ्यांची पसंती मिळते.