Aata Hou De Dhingana: भन्नाट टास्क आणि कलाकारांची मजा मस्ती; ‘आता होऊ दे धिंगाणा’चं दुसरं पर्व येणार प्रेक्षकांच्या भेटीस

Aata Hou De Dhingana: सर्वांचा लाडका होस्ट आणि दोस्त सिद्धार्थ जाधव (Siddharth Jadhav) हा आता होऊ दे धिंगाणा या कार्यक्रमाच्या माध्यमातून पुन्हा एकदा धिंगाणा घालण्यासाठी सज्ज झाला आहे.

Aata Hou De Dhingana

Aata Hou De Dhingana: छोट्या पडद्यावरील आता होऊ दे धिंगाणा या लोकप्रिय कार्यक्रमाचं दुसरं पर्व 21 ऑक्टोबरपासून सुरु होत आहे. सर्वांचा लाडका होस्ट आणि दोस्त सिद्धार्थ जाधव (Siddharth Jadhav) या कार्यक्रमाच्या माध्यमातून पुन्हा एकदा धिंगाणा घालण्यासाठी सज्ज झाला आहे. आता होऊ दे धिंगाणा (Aata Hou De Dhingana) या  कार्यक्रमाच्या मागच्या पर्वात सुपरहिट ठरलेल्या साडे माडे शिंतोडे, बोबडी वळाली, धुऊन टाक, रेखाटा पटा पटा या फेऱ्या या पर्वातही असणार आहेत. दोन मालिकांच्या टीममधली सांगितीक लढत प्रेक्षकांसाठी पर्वणी असेलच पण त्यासोबतच भन्नाट टास्क आणि कलाकारांच्या पडद्यामागच्या गमती-जमतीही या मंचावर उलगडतील.

अभिनेता सिद्धार्थ जाधव आता होऊ दे धिंगाणा या कार्यक्रमाच्या  नव्या पर्वासाठी अतिशय उत्सुक आहे. प्रेक्षकांप्रमाणेच मी सुद्धा या पर्वाची वाट पहात होतो, अशी भावना सिद्धार्थने व्यक्त केली.  होऊ दे धिंगाणाने टीआरपीचे नवनवे विक्रम रचले होते. हा कार्यक्रम जेव्हा संपला तेव्हा पुन्हा कधी सुरु होणार याची प्रेक्षकांकडून सातत्याने विचारणा होत होती. नवी ऊर्जा घेऊन हा कार्यक्रम लवकरच भेटीला येतोय. या कार्यक्रमात म्युझिक आहे, मस्ती आहे आणि एक वेगळा धिंगाणा आहे. संपूर्ण कुटुंबाने एकत्र बसून पहावा असा हा कार्यक्रम माझ्या अत्यंत जवळचा आहे, असं सिद्धार्थनं सांगितलं.

सध्या आता होऊ दे धिंगाणा या कार्यक्रमाच्या  नव्या पर्वाचा प्रोमो सोशल मीडियावर व्हायरल होत आहे. या प्रोमोमध्ये दिसत आहे की,  सिद्धार्थ जाधव हा स्टार प्रवाहवरील नव्या मालिकेबद्दल तसेच त्या मालिकेमधील कलाकारांबद्दल बोलत आहे. त्यानंतर तो म्हणतो,  "आपला सिद्धू घेऊन येतोय आता होऊ दे धिंगाणा"

पाहा प्रोमो:

 

 

 

 

 

View this post on Instagram

 

 

 

 

 

 

 

 

 

 

 

A post shared by Star Pravah (@star_pravah)

त्यामुळे सिद्धार्थ जाधवची एनर्जी आणि प्रवाह परिवाराचा धिंगाणा एकत्र अनुभवायचा असेल तर होऊ दे धिंगाणाचं दुसरं पर्व पाहायलाचं हवं.  ‘आता होऊ दे धिंगाणा’  हा अनोखा आणि भन्नाट कार्यक्रम 21ऑक्टोबरपासून प्रेक्षकांच्या भेटीस येत आहे.

इतर महत्त्वाच्या बातम्या: