Bigg Boss 16 : सलमान खानने शहनाज गिलबरोबर 'Dil Diyan Gallan' गाण्यावर डान्स केला; शो दरम्यान शेअर केली खास आठवण

Bigg Boss 16 Promo : रिअॅलिटी शो 'बिग बॉस 16' च्या वीकेंड का वारमध्ये शहनाज गिल गाण्याचे प्रमोशन करण्यासाठी येणार आहे.

Bigg Boss 16 Promo

Bigg Boss 16 Promo : लोकप्रिय रिअॅलिटी शो 'बिग बॉस 16' (Bigg Boss 16) चा येणारा एपिसोड खूप खास असणार आहे. कारण यावेळी शोमध्ये दुहेरी धमाका पाहायला मिळणार आहे. 'फ्रायडे का वार' मध्ये, जिथे विकास मलकतलाची (Vikas Malaktala) बिग बॉसमध्ये वाईल्ड कार्ड एन्ट्री पाहायला मिळणार आहे. तर, दुसरीकडे शहनाज गिल (Shehnaaz Gill) तिच्या 'गनी स्यानी' गाण्याचे प्रमोशन करण्यासाठी येणार आहे.

शहनाज गिल 'बिग बॉस 13' ची स्पर्धक राहिली आहे. शहनाजला या शोमधून खूप लोकप्रियता मिळाली. अलीकडेच, एमसी स्क्वेअरसह तिचा 'गनी सयानी' म्युझिक व्हिडीओ रिलीज झाला. ज्यामध्ये शहनाजने रॅप देखील केला आहे. तिच्या गाण्याच्या प्रमोशनसाठी शहनाज गिल या वीकेंडला सलमान खानच्या (Salman Khan) बिग बॉस 16 शोमध्ये दिसणार आहे आणि शहनाज सलमानबरोबर डान्सही करणार आहे.

शहनाजसोबतची पहिली भेट सलमानला आठवते

बिग बॉसच्या सेटवर शहनाज गिल आणि सलमान खान 'दिल दियां गल्लन' या रोमँटिक गाण्यावर डान्स करताना दिसणार आहेत. प्रोमोमध्ये, सलमान खान 'बिग बॉस 13' मधील तिच्या एन्ट्रीबद्दल शहनाज गिलला चिडवताना दिसणार आहे. सलमान खान म्हणतो, "जेव्हा पहिल्यांदा सलवार-सूटमध्ये आली तेव्हा तू खूप घाबरली होती. हे ऐकून ती सल्लू मियाँला 'भाई' म्हणत मिठी मारते."

पाहा व्हिडीओ : 

They recreated Dil diyan gallan💙💙
Salman calls her kudi patola bomb Ka gola🔥🔥🔥🔥
Not shehnaaz saying bhaijan 🤧🤧
Our #SalNaaz moment 🥺#ShehnaazGill pic.twitter.com/3lNN9FDWv0

— Rafiya😇❤️ (@fanofsrkandskg) December 8, 2022

सलमान-शहनाजने डान्स केला

इतकंच नाही तर शहनाज गिल सलमान खानला सांगते की, त्याने तिची पंजाबीत त्याची स्तुती करावी. सलमान पंजाबीत म्हणतो, "कुडी पटोला बम का गोला." यानंतर सलमान खान आणि शहनाज गिल यांनी 'दिल दियां गल्लन' गाण्यावर डान्स केला, जसा त्यांनी त्यांच्या पहिल्या भेटीत केला होता. यादरम्यान शहनाज गिल निळ्या रंगाच्या ऑफ-शोल्डर ड्रेसमध्ये खूपच सुंदर दिसत होती.

महत्त्वाच्या बातम्या :