Pandu Movie : बुरुम बुरुम... रविवारी होणार 'पांडू'चा 'वर्ल्ड टेलिव्हिजन प्रीमिअर'

Pandu Movie : सिनेमागृहात धुमाकूळ घातल्यानंतर आता 'पांडू' सिनेमाचा 30 जानेवारीला 'वर्ल्ड टेलिव्हिजन प्रीमिअर' होणार आहे.

pandu

Pandu Movie : पांडूने आणि केळेवाल्या उषाने सिनेमागृहात चांगलाच धुमाकूळ घातला होता. पांडू चित्रपटातील या जोडीने पहिल्या टिझर आणि गाण्यांमधूनच प्रेक्षकांची मने जिंकायला सुरुवात केली. विनोदाच्या दुनियेतील हुकुमी एक्के असलेले भाऊ कदम आणि कुशल बद्रिके त्यांच्या जोडीला हरहुन्नरी अभिनेत्री सोनाली कुलकर्णी आणि सोबतीला हेमांगी कवी, प्रवीण तरडे आणि प्राजक्ता माळी यांसारखे नावाजलेले कलाकार अशा स्टारकास्टने सजलेल्या बहुप्रतिक्षीत आणि बहुचर्चित 'पांडू' सिनेमाचा रविवारी 'वर्ल्ड टेलिव्हिजन प्रीमिअर' होणार आहे. 

पांडू या चित्रपटाची कथा आहे दोन मित्रांची. पांडू आणि महादू हे कोल्हापूरचे लोककलावंत आहेत. एक दिवस दोघांनाही मुंबईत हवालदाराची नोकरी मिळते. पांडू हा साधाभोळा, भाबडा तर महादू हा त्याच्या अगदी विपरीत चतुर आणि चाणाक्ष, दुनियादारी समजणारा. मुंबईत आल्यावर पांडूंच्या आयुष्यात येते केळी विकण्याचा व्यवसाय करणारी डॅशिंग गर्ल उषा. आसपासच्या स्वार्थी आणि मतलबी दुनियेत पांडूसारखी भोळी आणि साधी माणसंही असतात या गोष्टीचं तिला कौतुकही वाटतं आणि याचमुळे ती पांडूच्या प्रेमातही पडते.

 

 

 

 

 

View this post on Instagram

 

 

 

 

 

 

 

 

 

 

 

A post shared by ZeeMarathi (@zeemarathiofficial)

झी स्टुडिओजची निर्मिती असलेल्या 'पांडू' सिनेमाचे दिग्दर्शन विजू माने यांनी केले आहे. तर चित्रपटाला अवधूत गुप्तेंच्या संगीताची साथ लाभली आहे. मनोरंजनाचं परिपूर्ण पॅकेज असलेला 'पांडू' सिनेमा येत्या रविवारी प्रेक्षकांना घरबसल्या पाहता येणार आहे. पांडू सिनेमात भाऊ  कदम, कुशल बद्रिके, प्रविण तरडेंसह प्राजक्ता माळीदेखील एका विशेष भूमिकेत दिसणार आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha