Mi Honar Superstar : जालन्याचा संकल्प काळे ठरला 'मी होणार सुपरस्टार छोटे उस्ताद 2'चा महाविजेता! म्हणाला,"स्वप्न झालं साकार"
Sankalp Kale : 'मी होणार सुपरस्टार छोटे उस्ताद 2' (Mi Honar Superstar Chhote Ustad 2) या कार्यक्रमाचा विजेता संकल्प काळे ठरला आहे.
Mi Honar Superstar Chhote Ustad 2 Winner Sankalp Kale : 'मी होणार सुपरस्टार छोटे उस्ताद 2' (Mi Honar Superstar Chhote ustad) हा छोट्या पडद्यावरील लोकप्रिय कार्यक्रम आहे. नुकताच या लोकप्रिय कार्यक्रमाचा महाअंतिम सोहळा पार पडला आहे. जालन्याचा संकल्प काळे (Sankalp Kale) 'मी होणार सुपरस्टार छोटे उत्साद 2' या कार्यक्रमाचा विजेता ठरला आहे.
जल्लोषात पार पडला महाअंतिम सोहळा
'मी होणार सुपरस्टार छोटे उत्साद 2' या कार्यक्रमाचा महाअंतिम सोहळा जल्लोषात पार पडला आहे. संकल्प काळे, श्रुती भांडे, श्रेया गाढवे, सृष्टी पगारे, रागिणी शिंदे आणि काव्य भोईर या सहा छोट्या उस्तादांमध्ये ही महाअंतिम लढत रंगली. अटीतटीच्या या लढतीत जालन्याच्या संकल्प काळेने बाजी मारत विजेतेपदावर मोहोर उमटवली. तर उपविजेती ठरली अकोल्याची श्रुती भांडे. नाशिकच्या सृष्टी पगारेने तृतीय क्रमांक पटकावला तर श्रेया गाढवे, रागिणी शिंदे आणि काव्य भोईर यांना त्यांच्या उल्लेखनिय कामगिरीसाठी गौरवण्यात आलं.
View this post on Instagram
'मी होणार सुपरस्टार छोटे उस्ताद 2'चा विजेता संकल्प काळेला चार लाखांची रक्कम आणि सन्मानचिन्ह देण्यात आलं. विजेतेपदाचा आनंद व्यक्त करताना संकल्प काळे म्हणाला,"मी आजवर बऱ्याच कार्यक्रमांमध्ये भाग घेतला मात्र छोटे उस्तादच्या मंचाने मला संधी दिली आणि मला माझं गायन कौशल्य सादर करता आलं".
इतक्या दिवसांच्या मेहनतीचं फळ मिळाल्यामुळे खूप आनंद होत आहे : संकल्प काळे
संकल्प पुढे म्हणाला,"मला दिलेल्या या संधीबद्दल खूप-खूप आभार. इतक्या दिवसांच्या मेहनतीचं फळ मिळाल्यामुळे खूप आनंद होत आहे. या मंचाने सचिन पिळगावकर (Sachin Pilgaonkar), वैशाली सामंत (Vaishali Samant) आणि आदर्श शिंदे (Adarsh Shinde) गुरुच्या रुपात दिले. या गुरुंकडून खूप काही शिकायला मिळालं".
संकल्प काळे जरी 'मी होणार सुपरस्टार छोटे उस्ताद 2'चा विजेता असला तरी महाअंतिम फेरीतील सर्वच स्पर्धकांनी या पर्वात आपली चमकदार कामगिरी दाखवली आहे. या सर्व स्पर्धकांना त्यांच्या पुढील वाटचालीसाठी शुभेच्छा देण्यात आल्या आहेत.
महत्त्वाच्या बातम्या
