Jawan: शाहरुखचा 'जवान' सिनेमा पाहिल्यानंतर मराठमोळ्या अभिनेत्यानं शेअर केली खास पोस्ट; म्हणाला, 'डोक्यावर घेऊन वरात काढायला हवी...'

Jawan: नुकतीच एक मराठमोळ्या अभिनेत्यानं जवान या चित्रपटाबाबत एक खास पोस्ट शेअर केली आहे.

Shah Rukh Khan,Jawan

Jawan: बॉलिवूडचा किंग खान अशी ओळख असणाऱ्या  शाहरुख खानचा (Shah Rukh Khan)  जवान (Jawan) हा चित्रपट प्रेक्षकांच्या भेटीस आला आहे. अनेकजणांनी सोशल मीडियावर खास पोस्ट शेअर करुन जवान या चित्रपटाचं कौतुक केलं आहे. नुकतीच एक मराठमोळ्या अभिनेत्यानं जवान या चित्रपटाबाबत एक खास पोस्ट शेअर केली आहे. या अभिनेत्यानं या पोस्टच्या माध्यमातून जवान चित्रपटाच्या संपूर्ण टीमचे कौतुक केले आहे.

अभिनेता क्षितिज दातेनं नुकतीच इन्स्टाग्रामवर एक पोस्ट शेअर केली आहे. या पोस्टमध्ये त्यानं लिहिलं, 'जवान बघितला. डीओपी, एडिटर आणि एकूणच technical आर्टिस्ट टीमला डोक्यावर घेऊन वरात काढायाला हवी. इनसेन, जस्ट इनसेन, बाकी मौज' क्षितिज दातेच्या या पोस्टनं अनेकांचे लक्ष वेधले आहे.

क्षितिजनं 'लोकमान्य' (Lokmanya) या मालिकेत लोकमान्य टिळकांची भूमिका साकारली. त्यानं धर्मवीर, मुळशी पॅटर्न यांसारख्या चित्रपटांमध्ये काम केलं आहे. चित्रपट, नाटक आणि मालिकांमधून तो प्रेक्षकांच्या भेटीस येतो. धर्मवीर या चित्रपटात त्यानं एकनाथ शिंदे यांची भूमिका साकारली.  क्षितीश दाते हा सोशल मीडियावर त्याच्या प्रोजेक्ट्सची माहिती चाहत्यांना देतो. त्याला इन्स्टाग्रामवर 35.2K फॉलोवर्स आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Kshitish Date (@kshitish.date__making.believe)

जवान चित्रपटाचं सध्या अनेक जण कौतुक करत आहेत. या चित्रपटामधील डायलॉग्स, गाणी आणि चित्रपटामधील अॅक्शन सीन्स या सगळ्याच गोष्टी प्रेक्षकांची मनं जिंकत आहेत. सध्या सोशल मीडियावर थिएटरबाहेरील अनेक फोटो आणि व्हिडीओ व्हायरल होत आहेत. या फोटोमध्ये शाहरुखचे चाहते जल्लोष करताना दिसत आहेत.  या चित्रपटामधील अॅक्शन सीन्सचं अनेकजण कौतुक करत आहेत.

'जवान' या चित्रपटात शाहरुखसोबतच विजय सेतुपती, नयनतारा, दीपिका पादुकोण, संजय दत्त, सान्या मल्होत्रा, प्रियामणी, रिद्धी डोगरा, गिरिजा ओक या कलाकारांनी  काम केलं आहे. जवान चित्रपटानं रिलीज झाल्यानंतर पहिल्याच दिवशी कोट्यवधींची कमाई केली आहे. जवान चित्रपटाचं दिग्दर्शन अॅटलीनं केलं आहे. जवान चित्रपटामधील 'जिंदा बंदा', 'चलेया' आणि 'नॉट रमैया वस्तावैया' ही गाणी प्रेक्षकांच्या भेटीस आली. या गाण्यांना नेटकऱ्यांची पसंती मिळाली. 

इतर महत्वाच्या बातम्या: