Jawan Review: 'शाहरुख हा सिनेमाचा देव'; 'जवान'चं कंगनानं केलं तोंडभरुन कौतुक, शेअर केली खास पोस्ट

अभिनेत्री कंगना रनौतनं (Kangana Ranaut) एक खास पोस्ट शेअर करुन शाहरुखचं (Shah Rukh Khan) आणि जवान (Jawan) या चित्रपटाचं कौतुक केलं आहे.

Shah Rukh Khan,Kangana Ranaut

Kangana Ranaut Praised Jawan:  अभिनेता   शाहरुख खानचा (Shah Rukh Khan) 'जवान' (Jawan) हा चित्रपट रिलीज झाला आहे. या चित्रपटामधील डायलॉग्स, अॅक्शन सीन्स या सगळ्याच गोष्टींना प्रेक्षकांची पसंती मिळत आहे. अनेक जण शाहरुखच्या या चित्रपटाचं सोशल मीडियावर पोस्ट शेअर करुन कौतुक करत आहेत. नुकतीच अभिनेत्री कंगना रनौतनं (Kangana Ranaut) एक खास पोस्ट शेअर करुन शाहरुखच्या जवान या चित्रपटाचं कौतुक केलं आहे.

कंगनाची पोस्ट

कंगनानं सोशल मीडियावरील पोस्टमध्ये लिहिलं, 'नव्वदच्या दशकातील लव्हर बॉय  ते वयाच्या (जवळपास) 60 व्या वर्षी भारतीय मास सुपरहिरो म्हणून उदयास आलेल्या हिरोचा एक दशकाचा दीर्घ संघर्ष. तो त्याच्या खऱ्या जीवनातही सुपर हिरोपेक्षा कमी नाहीये. मला तो काळ आठवतो जेव्हा लोकांनी  त्याच्या निवडीची खिल्ली उडवली. परंतु त्याचा संघर्ष त्या सर्व कलाकारांसाठी एक मास्टर क्लास आहे, जे दीर्घ कारकीर्दीचा आनंद घेतला परंतु त्यांना पुनर्स्थापित होणं आवश्यक आहे.'

'शाहरुख हा सिनेमाचा देव आहे ज्याला ज्याची भारताला गरज आहे. फक्त मिठी मारण्यासाठी किंवा डिंपलसाठीच त्याची गरज नाही तर गंभीर जगासाठी देखील त्याची गरज आहे. मेहनत आणि नम्रता याबद्दल किंग खानचं कौतुक.' असंही तिनं पोस्टमध्ये लिहिलं आहे. कंगनानं तिच्या या पोस्टमध्ये 'हॅशटॅग जवान, चित्रपटाच्या संपूर्ण टीमचे अभिनंदन' असंही लिहिलं आहे.

शाहरुख खानच्या जवाननं रिलीज झाल्यानंतर पहिल्याच दिवशी कोट्यवधींची कमाई केली आहे.   'जवान' या चित्रपटात शाहरुखसोबतच विजय सेतुपती, नयनतारा, दीपिका पादुकोण, संजय दत्त, सान्या मल्होत्रा, प्रियामणी, रिद्धि डोगरा, गिरिजा ओक या कलाकारांनी प्रमुख भूमिका साकारली आहे.आता शाहरुखच्या आगामी चित्रपटांची प्रेक्षक उत्सुकतेने वाट बघत आहेत. जवाननंतर आता शाहरुखचा डंकी हा चित्रपट प्रेक्षकांच्या भेटीस येणार आहे. 

कंगनाचा चंद्रमुखी 2 हा चित्रपट लवकरच प्रेक्षकांच्या भेटीस येणार आहे. काही दिवसांपूर्वी या चित्रपटाचा ट्रेलर रिलीज झाला. तसेच तिच्या इमर्जन्सी आणि तेजस या आगामी चित्रपटांची देखील प्रेक्षक उत्सुकतेने वाट बघत आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Kangana Ranaut (@kanganaranaut)

इतर महत्वाच्या बातम्या: