Khatron Ke Khiladi 13: कुंडली भाग्य मालिकेतील 'या' दोन अभिनेत्री 'खतरों के खिलाडी-13' मध्ये होणार सहभागी; करणार खतरनाक स्टंट
कुंडली भाग्य (Kundali Bhagya) मालिकेतील दोन लोकप्रिय अभिनेत्री 'खतरों के खिलाडी-13' (Khatron Ke Khiladi 13) या शोमध्ये सहभागी होणार आहेत.
Kundali Bhagya Actresses in Rohit Shetty's Show: खतरों के खिलाडी (Khatron Ke Khiladi) या शोबद्दल चाहत्यांना उत्सुकता आहे. या कार्यक्रमाच्या नव्या सिझनमध्ये कोणते सेलिब्रिटी स्टंट करताना दिसणार आहेत? हे पाहण्यासाठी प्रेक्षक उत्सुक आहेत. कुंडली भाग्य (Kundali Bhagya) मालिकेतील दोन लोकप्रिय अभिनेत्री 'खतरों के खिलाडी-13' (Khatron Ke Khiladi 13) या शोमध्ये सहभागी होतील, असं म्हटलं जात आहे.
'खतरों के खिलाडी-13'मध्ये अभिनेत्री रूही चतुर्वेदी ही सहभाही होणार आहे. रूही या शोमध्ये सहभागी होण्यासाठी एक्सायटेड आहे. रूहीनं खतरों के खिलाडी शोबाबत सांगितलं, 'या शोच्या माध्यमातून मी माझ्या कम्फर्ट झोनमधून बाहेर पडण्यास तयार आहे. मी खूप उत्सुक आहे. आयुष्यात पुढे जाण्यासाठी मी स्वतःला पुढे ढकलले आहे. जेणेकरून मी आयुष्यात चांगले काम करू शकेन. मला माहित आहे की हा शो सोपा नाही, पण या शोमध्ये मी स्वत:ची शारीरिक आणि मानसिक परीक्षा घेणार आहे.'
View this post on Instagram
कुंडली भाग्य मालिकेतील अभिनेत्री अंजुम फकीह देखील रोहित शेट्टीच्या या शोची स्पर्धक असेल. अंजुमला खतरनाक स्टंट करताना पाहण्यासाठी प्रेक्षक उत्सुक आहेत.
View this post on Instagram
बिग बॉस फेम शिव ठाकरे हा देखील खतरों के खिलाडी सहभागी होणार आहे, असं म्हटलं जात आहे. खतरों के खिलाडी या कार्यक्रमाचे एकूण 12 सिझन प्रेक्षकांच्या भेटीस आले. या कार्यक्रमाचा 13 वा सिझन लवकरच प्रेक्षकांच्या भेटीस येणार आहे. 'खतरों के खिलाडी 12 या शोमध्ये रुबीना दिलैक, मोहित मलिक, प्रतीक सहजपाल, शिवांगी जोशी या सेलिब्रिटींनी सहभाग घेतला होता. तसेच कोरिओग्राफर तुषार कालिया, सृती झा यांनी देखील या शोमध्ये सहभाग घेतला. तुषार कालिया हा खतरों के खिलाडी 12 चा विजेता ठरला होता. प्रसिद्ध दिग्दर्शक रोहित शेट्टी हा खतरों के खिलाडी या कार्यक्रमाचे सूत्रसंचालन करतो.
महत्त्वाच्या इतर बातम्या :
महत्त्वाच्या बातम्या
