Jitendra Joshi : 'महाराष्ट्राची हास्यजत्रा'च्या मंचावर येणार जितेंद्र जोशी; धमाल स्किटने पिकणार हशा
Jitendra Joshi : 'महाराष्ट्राची हास्यजत्रा' या कार्यक्रमाच्या मंचावर महाराष्ट्राचा लाडका जितेंद्र जोशी येणार आहे.
Jitendra Joshi On Maharashtrachi Hasyajatra : 'महाराष्ट्राची हास्यजत्रा' (Maharashtrachi Hasyajatra) हा विनोदी कार्यक्रम प्रचंड लोकप्रिय आहे. या कार्यक्रमाने महाराष्ट्रातल्याच नव्हे तर जगभरातल्या प्रेक्षकांची मनं जिंकली आहेत. नेहमी वेगवेगळे कलाकार हास्यजत्रेच्या मंचावर उपस्थिती लावतात. आता महाराष्ट्राचा लाडका जितेंद्र जोशी हास्याच्या मंचावर उपस्थिती लावणार आहे.
'महाराष्ट्राची हास्यजत्रा'च्या मंचावर जितेंद्र जोशी एक धमाल स्किट सादर करताना दिसणार आहे. 'गोदावरी' या आगामी सिनेमाच्या निमित्ताने जितेंद्र जोशी 'महाराष्ट्राची हास्यजत्रा' ह्या कार्यक्रमात हजेरी लावणार आहे. जितेंद्र आणि समीर चौघुलेच्या स्किटने हशा पिकणार आहे. प्रेक्षकांसाठी नवनवीन विषय घेऊन येणारी 'महाराष्ट्राची हास्यजत्रा'चा हा विशेष भाग प्रेक्षकांचे विशेष मनोरंजन करेल. हा विशेष भाग प्रेक्षकांना गुरुवारी 9 नोव्हेंबरला पाहायला मिळणार आहे.
View this post on Instagram
'गोदावरी' 11 नोव्हेंबरला येणार प्रेक्षकांच्या भेटीला!
'गोदावरी' हा प्रत्येक कुटुंबाला जोडणारा सिनेमा आहे. या सिनेमात जितेंद्र जोशी, विक्रम गोखले, नीना कुळकर्णी, संजय मोने, प्रियदर्शन जाधव, गौरी नलावडे हे कलाकार महत्त्वाच्या भूमिकेत आहेत. अनेक आंतरराष्ट्रीय चित्रपट महोत्सवात झळकल्यानंतर 'गोदावरी' सिनेमा आता सिनेमागृहात प्रदर्शित होणार आहे. 11 नोव्हेंबरला हा सिनेमा प्रेक्षकांच्या भेटीला येणार आहे.
'महाराष्ट्राची हास्यजत्रा' या कार्यक्रमाच्या पहिल्या भागापासून हास्यजत्रेला प्रेक्षकांचं प्रेम मिळू लागलं आहे. हास्यवीरांनी आपल्या विनोदांनी आणि प्रहसनांनी प्रेक्षकांना नवी उमेद दिली आहे. लॉकडाऊनच्या कठीण काळातही हा कार्यक्रम रसिकांचं मनोरंजन करत होता. टेन्शनवरची उत्तम मात्रा असणाऱ्या या कार्यक्रमात हास्याचे अनेक फवारे उडणार आहेत. सध्या प्रत्येक भागात मोठमोठे कलाकार हास्यजत्रेच्या मंचावर उपस्थित राहून कार्यक्रमाची शोभा वाढवत आहेत.
महत्त्वाच्या बातम्या
