Jay Dudhane : जय दुधाणेनं अचानक सोडली 'येड लागलं प्रेमाचं' मालिका, समोर आलं मोठं कारण
Yed Lagla Premacha TV Serial : अभिनेता जय दुधाणे याने 'येड लागलं प्रेमाचं' ही मालिका सोडली आहे. यामागचं मोठं कारण आता समोर आलं आहे.
Jay Dudhane Exit Yed Lagla Premacha : छोट्या पडद्यावरील 'येड लागलं प्रेमाचं' (Yed Lagla Premacha TV Serial) या मालिकेचा सध्या प्रेक्षकांचा चांगला प्रतिसाद पाहायला मिळत आहे. स्टार प्रवाहवरील अनेक मालिका टीआरपीच्या शर्यतीत आघाडीवर आहेत. 'येड लागलं प्रेमाचं' ही मालिका हळूहळू प्रेक्षकांच्या पसंतील उतरु लागली आहे. या मालिकेमध्ये बिग बॉस फेम विशाल निकम आणि जय दुधाणे यांची जोडी पाहायला मिळत होती. पण, आता अभिनेता जय दुधाणे याने अचानक या मालिकेमधून एक्झिट घेतली आहे.
जय दुधाणेनं अचानक सोडली मालिका
बिग बॉस मराठी सीझन 3 मध्ये कट्टर प्रतिस्पर्धी असलेले जय दुधाणे आणि विशाल निकम 'येड लागलं प्रेमाचं' या मालिकेमध्ये महत्त्वाच्या भूमिकेत झळकले. बिग बॉसमध्ये कायम भांडणाऱ्या या दोघांची जोडी पुन्हा एकदा छोट्या पडद्यावर पाहण्यासाठी प्रेक्षकही आतुर होते. पण, आता चाहत्यांसाठी एक निराशाजनक बातमी समोर आली आहे. जय दुधाणे याने ही मालिका सोडली आहे.
जय दुधाणेच्या जागी संग्राम साळवी साकरणार भूमिका
'येड लागलं प्रेमाचं' ही मालिका काही दिवसांपूर्वीच प्रेक्षकांच्या भेटीला आली होती. आता कुठे ही मालिका प्रेक्षकांच्या पसंतीस उतरताना दिसत आहेत, त्यातच मालिकेतील पात्रामध्ये बदल करण्यात येणार आहे. जय दुधाने याने मालिका सोडल्यामुळे आता अभिनेता संग्राम साळवी याची मालिकेत एन्ट्री होणार आहे. 'येड लागलं प्रेमाचं' मालिकेमध्ये जय पोलिस इन्स्पेक्टरच्या भूमिकेत होता, त्याची जागा आता संग्राम साळवी घेईल.
View this post on Instagram
मालिका सोडण्यामागचं कारण आलं समोर
येड लागलं प्रेमाचं' मालिकेमध्ये जय दुधाणे पोलिस अधिकाऱ्याच्या भूमिकेमध्ये पाहायला मिळाला होता. त्याच्या या भूमिकेला चाहत्यांकडून कौतुकाची थाप मिळाली. त्याला या भूमिकेमध्ये पाहणं चाहत्यांना आवडलं. दरम्यान, काही दिवसांपूर्वी जय दुधाणेवर दु:खाचा डोंगर कोसळला. जय दुधाणेच्या वडिलांचं निधन झाल्यामुळे त्याच्यावर मोठा वैयक्तिक आघात झाला आहे. यामुळे जयने वैयक्तिक कारणांमुळे मालिकेला राम-राम केला आहे.
महत्त्वाच्या इतर बातम्या :
Telly Masala : मॉम टू बी दीपिकानं नाकारली मोठी ऑफर! धर्मवीर 2 चित्रपट प्रदर्शनाची तारीख पुढे ढकलली ते बिग बॉस मराठीचा पहिला स्पर्धक ठरला; जाणून घ्या मनोरंजनसृष्टीसंबंधित महत्त्वाच्या बातम्या
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
