Irina Rudakova : परदेसी गर्लचा प्रवास संपला, इरीना रुडाकोव्हा चौथ्या आठवड्यात बिग बॉसच्या घराबाहेर
Bigg Boss Marathi Season 5 : बिग बॉस मराठीच्या घरातून चौथ्या आठवड्यात इरीनाने घराचा निरोप घेतला आहे.
Irina Rudakova eliminated from Bigg Boss Marathi : बिग बॉस मराठीच्या (Bigg Boss Marathi) घरातून चौथ्या आठवड्यात इरीना रुडाकोव्हाने घराचा निरोप घेतला आहे. पहिल्या आठवड्यात बिग बॉसच्या घरातून पुरुषोत्तम दादा पाटील यांनी घराचा निरोप घेतला. दुसऱ्या आठवड्यात मात्र कोणताही सदस्य घराबाहेर गेला नाही. पण तिसऱ्या दोन सदस्य घराच्या बाहेर पडलेत. आता चौथ्या आठवड्यात चौथ्या सदस्याचा बिग बॉसचा खेळ संपला आहे.
चौथ्या आठवड्यात नॉमिनेशनसाठी चार सदस्य होते. त्यामध्ये अभिजीत, आर्या, इरीना आणि वैभव यांचा समावेश होता. यामध्ये सर्वाधिक मतं मिळवत आर्या पहिल्यांदा सेफ झाली. त्यानंतर अभिजीत देखील सेफ झाला. पण वैभव आणि इरीना हे दोघेही बॉटम 2 मध्ये होते. त्यामध्ये वैभव सेफ झाला आणि इरीनाला या घराचा निरोप घ्यावा लागला.
भाऊच्या धक्क्यावर रितेशने सगळ्यांचीच वाजवली
दरम्यान या भाऊच्या धक्क्यावर रितेश भाऊंनी सगळ्यांचीच शाळा घेतली. अरबाज, निक्की, जान्हवी आणि वैभव यांना खडेबोल सुनावले. जान्हवीच्या वागण्यामुळे तर रितेशने तिला थेट जेलमध्येच टाकलं. त्यामुळे आता घरातल्यांचं धाबं चांगलच दणाणलं आहे. इतकच नव्हे या भाऊच्या धक्क्यावर अनेक गोष्टींचा खुलासा झाला. त्यामुळे ग्रुपमध्येही फूट पडल्याचं पाहायला मिळालं.
ग्रुप A मध्ये पडली फूट
निक्की तांबोळी चक्रव्यूह खोलीत बसलेली दिसून येत आहे. निक्कीला तिच्या ग्रुपमधील सदस्य तिच्याबद्दल काय म्हणतात हे रितेश भाऊ दाखवतो. त्यानंतर बाहेर येऊन निक्की म्हणते,"ग्रुप A साठी मी टाळ्या वाजवत आहे. त्यांच्यात दम तर नाहीच आहे. हलके लोक आहेत हे.. ग्रुप Aला मी ट्रॉफी उचलू देणार नाही, हा माझा वादा आहे".
View this post on Instagram
ही बातमी वाचा :
महत्त्वाच्या बातम्या
