(Source: ECI/ABP News/ABP Majha)
Bigg Boss Marathi : रितेश 'भाऊचा धक्का'! 'बिग बॉस मराठी'ने रचला नवा विक्रम, टीआरपीची यशस्वी घोडदौड
Bigg Boss Marathi : रितेश देशमुखच्या भाऊच्या धक्क्याला प्रेक्षकांचीही बरीच पसंती मिळत असल्याचं पाहायला मिळतंय.
Bigg Boss Marathi Season 5 : कलर्स मराठी' वाहिनीवर 'बिग बॉस मराठी'चा पाचवा सीझन (Bigg Boss Marathi new Season) नव्या ढंगात, नव्या रुपात प्रेक्षकांच्या भेटीला आला. या सीझनने अल्पावधीतच रेकॉर्ड ब्रेक करायला सुरुवात केली आहे. 'बिग बॉस मराठी'च्या नव्या सीझनचा मंच रितेश भाऊने दणाणून सोडला आहे. नव्या सीझनमधील रितेश भाऊची लयभारी स्टाईल, नाविन्य, तरुणपण, कल्ला या सर्वच गोष्टी सीझनचा विक्रम रचण्यात कारणीभूत ठरत आहेत. ग्रँड प्रीमियरपासून सुरू झालेली 'बिग बॉस मराठी'च्या नव्या सीझनची क्रेझ दिवसेंदिवस वाढतच आहे.
सर्वांनाच 'बिग बॉस मराठी'ने वेड लावलं आहे. 'बिग बॉस मराठी'ची आणि रितेश भाऊच्या कमाल होस्टिंगची चाहत्यांमध्ये चांगलीच क्रेझ आहे. रितेशच्या 'भाऊच्या धक्क्या'ने पुन्हा एकदा सर्व रेकॉर्ड्स तोडले आहेत. खरंतर 'बिग बॉस मराठी'ने स्वत:चाच रेकॉर्ड ब्रेक केला आहे. इतर मराठी वाहिन्यांवरील कथाबाह्य कार्यक्रमांना मागे टाकत 'बिग बॉस मराठी'ने इतिहास रचला असल्याचं सांगण्यात येत आहे.
बिग बॉस मराठीचा टीआरपी
'बिग बॉस मराठी' या लोकप्रिय रिअॅलिटी शोच्या शनिवारच्या भाऊच्या धक्क्याला 3.7 रेटिंग मिळाले असून रविवारच्या अक्षय कुमार स्पेशल भाऊच्या धक्क्याला 4.0 रेटिंग मिळाले आहे. एकंदरीतच 'भाऊच्या धक्क्याला' 3.9 एव्हरेज रेटिंग मिळाले आहे. 'बिग बॉस मराठी'ने संपूर्ण आठवडा गाजवला आहे.
'बिग बॉस मराठी'चं बिगुल वाजलं आणि नव्या पर्वाची दिमाखात सुरुवात झाली. महाराष्ट्रातील घराघरांत रात्री 9 च्या ठोक्याला 'बिग बॉस मराठी'चा नवा सीझन पाहिला जातो. कॉलेजच्या कट्ट्यापासून ते कार्पोरेट ऑफिसपर्यंत सर्वत्र 'बिग बॉस मराठी'बद्दल चर्चा होताना दिसून येते. 'बिग बॉस मराठी'च्या नव्या सीझनसोबत नवी पिढी जोडली जात आहे.
बिग बॉसच्या घरात स्पर्धकांचे राडे
दरम्यान बिग बॉसच्या घरातील सदस्यांना आतापर्यंत अनेक गोष्टींवर राडे घातले आहेत. तसेच आतापर्यंत घरातील तीन सदस्यांनी बिग बॉसच्या घराचा निरोप घेतलाय. त्यामुळे आता खेळही चांगलाच रंगात आला असल्याचं पाहायला मिळतंय.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
