Bigg Boss Marathi 5 : आतापर्यंत जे घडलं नाही ते घडणार, बिग बॉसच्या इतिहासात पहिल्यांदा ग्रँड फिनाले आधी सदस्य फॅन्ससोबत जंगी सेलिब्रेशन करणार

Bigg Boss Marathi Season 5 Winner : बिग बॉस मराठीच्या यंदाच्या सीझनच्या विजेता 6 ऑक्टोबरला मिळणार आहे. ग्रँड फिनालेच्या आधी पहिल्यांदाच फॅन्सच्या उपस्थिती ग्रँड सेलिब्रेशन होणार आहे.

Bigg Boss Marathi Season 5 Grand Celebration

Source : Colors Marathi

Bigg Boss Marathi 5 Winner : बिग बॉस मराठीच्या यंदाच्या पाचव्या सीझनचा शेवटचा आठवडा सुरु आहे. सहा सदस्य बिग बॉसच्या यंदाच्या सीझनची ट्रॉफी जिंकण्याच्या शर्यतीत आहे. 6 ऑक्टोबरला शोचा ग्रँड फिनाले पार पडणार असून कोण जिंकणार याकडे प्रेक्षकांचं लक्ष लागलं आहे. दरम्यान बिग बॉसच्या यंदाच्या सीझनमध्ये ग्रँड फिनाले आधीच जंगी सेलिब्रेशन पार पडणार आहे. 

आतापर्यंत जे घडलं नाही ते घडणार

बिग बॉसच्या इतिहासात आतापर्यंत जे घडलं नाही ते यंदा घडणार आहे. ग्रँड फिनाले आधी, बिग बॉसच्या घरातील सदस्य घराबाहेर येत फॅन्सच्या उपस्थिती जोरदार ग्रँड सेलिब्रेशन करणार आहेत. यावेळी बिग बॉस सदस्यांना त्यांच्या आतापर्यंतच्या प्रवासाची झलक दाखवतील. यावेळी फॅन्सच्या उपस्थितीमुळे सदस्य भावूक झाल्याचं पाहायला मिळेल.

फिनाले आधी सदस्यांचं फॅन्ससोबत जंगी सेलिब्रेशन

बिगच्या शेवटच्या आठवड्यामध्ये निक्की तांबोळीचा तिकीट टू ग्रँड फिनाले मिळालं आहे. याशिवाय आता बिग बॉसच्या घरात सूरज चव्हाण, अभिजीत सावंत, अंकिता वालावलकर, धनंजय पोवार, जान्हवी किल्लेकर आणि वर्षा उसगांवकर हे स्पर्धक विजेतेपदाच्या शर्यतीत कायम आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Colors Marathi (@colorsmarathi)

पॅडी बिग बॉसच्या घराबाहेर

बिग बॉस मराठीच्या घरात नवव्या आठवड्याच्या अंती पंढरीनाथ कांबळे उर्फ पॅडी कांबळे (Pandharinath Kamble) याचा प्रवास संपला. पॅडी कांबळे बिग बॉसच्या घराबाहेर पडला. पॅडी कांबळे घराबाहेर पडल्यामुळे घरातील सदस्यांसोबत चाहत्यांनाही मोठा धक्का बसला आहे. पॅडी घराबाहेर पडल्यामुळे नेटकरी बिग बॉस मराठी शोवर व्यक्त करताना दिसत आहेत.

100 दिवसांचा प्रवास 70 दिवसांत आटोपणार 

बिग बॉस मराठीच्या पाचव्या सीझनचा आता 10 वा आणि अंतिम आठवडा सुरू झाला आहे. दरवर्षी बिग बॉस शो 100 दिवसांनी प्रेक्षकांचा निरोप घेतो. मात्र, यावर्षी पहिल्यांदाच हा शो 70 दिवसांनी संपवण्यात येणार आहे. 6 ऑक्टोबरला शोचा ग्रँड फिनाले पार पडणार आहे. 

महत्त्वाच्या इतर बातम्या :