Bigg Boss Marathi Arbaz Patel :  निक्कीसोबतची जवळीक वाढली, अरबाजच्या कथित गर्लफ्रेंडची पोस्ट व्हायरल, म्हणाली, '''त्याच्याबद्दल आता मला...''

Bigg Boss Marathi Arbaz Patel :  अरबाजची कथित गर्लफ्रेंडने सोशल मीडियावर पोस्ट केली आहे. तिच्या या पोस्टने आता नव्याने चर्चांना उधाण आले आहे.

Bigg Boss Marathi Arbaz Patel rumor girlfriend leeza bindra

Source : Instagram/ Colors Marathi

Bigg Boss Marathi Arbaz Patel :  'बिग बॉस मराठी'च्या (Bigg Boss Marathi) घरात दर आठवड्याला नवीन समीकरणे तयार होताना दिसत आहे. बिग बॉसच्या घरात सगळे सदस्य आपला खेळ दाखवू लागले आहेत. तर, दुसरीकडे खेळाशिवाय घरातील सदस्य अरबाज पटेल (Arbaz Patel) आणि निक्की तांबोळी (Nikki Tamboli) यांचे सूत जुळलं असल्याची चर्चा सुरू आहे. तर, दुसरीकडे अरबाजची कथित गर्लफ्रेंडने सोशल मीडियावर पोस्ट केली आहे. तिच्या या पोस्टने आता नव्याने चर्चांना उधाण आले आहे. 

अरबाज आणि निक्कीत प्रेम फुलतं असल्याचे प्रेक्षकांना वाटत होते. निक्की आणि अभिजीतच्या मैत्रीवर अरबाज पझेसिव्ह होत असे. मात्र, भाऊच्या धक्क्यावर पाहुण्यांसोबत रंगलेल्या खेळात अरबाजने आपण कमिटेड असल्याचे सांगितले होते. मात्र, अरबाजने आपल्या गर्लफ्रेंडचे नाव सांगितले नव्हते.

मागील आठवड्यात बिग बॉस मराठीच्या घरात निक्की आणि अरबाज यांच्यात कडाक्याचे भांडण झाले आणि त्यानंतर दोघांमध्ये पॅचअपही झाल्याचे दिसून आले. आता,  अरबाजच्या कथित गर्लफ्रेंडची एक पोस्ट व्हायरल होत आहे. 

अरबाज पटेलच्या कथित गर्लफ्रेंडचे नाव लीझा बिंद्रा (Leeza Bindra) आहे. लीझा सोशल मीडियावर खूप सक्रिय आहे. लीझाने तिच्या इन्स्टाग्राम स्टोरीवर एक पोस्ट केली आहे. त्यात तिने अरबाजचा उल्लेख करत एक पोस्ट शेअर केली आहे. या स्टोरीवर तिनेस्वतःचा एक सेल्फी पोस्ट केला आहे, त्यावर तिने एक पोस्ट लिहित म्हटले की,  “प्लीज मला अरबाजबद्दल मेसेज किंवा कमेंट करू नका”.

लीझा बिंद्राच्या या पोस्टची सध्या जोरदार चर्चा आहे. लीझा आणि अरबाज पटेल बऱ्याच काळपासून सोबत आहेत. एकमेकांसोबतचे फोटो इन्स्टाग्रामवर पोस्ट करत असतात. आता लीझा निक्कीवरून अरबाजसोबतचे नाते तोडणार का? की बिग बॉसमुळे अरबाजबाबत विचारल्या जाणाऱ्या प्रश्नांना लीझा वैतागली आहे का, याची चर्चा रंगली आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by leeza bindra (@leezabindra)

निक्की-अभिजीतविरुद्ध इतर सदस्य

बिग बॉस मराठीच्या मागील आठवड्यात जोडीचा मामला होता. 'बिग बॉस'ने घरात जोड्या पाडल्या होत्या. निक्की आणि अभिजीतची एक जोडी होती. दोन जणांना 10 सदस्य टार्गेट करताना दिसून आले. अरबाजने निक्कीविरोधात बोलायला सुरुवात केली आणि दुष्मन का दुष्मन दोस्त म्हणत अरबाज सर्वांनाच आवडू लागला. अरबाजच्या आतापर्यंतच्या चुकांकडे घरातील सदस्यांनी दुर्लक्ष केलं. त्यामुळे होस्ट रितेश देशमुखने 'भाऊच्या धक्क्या'वर घरातील सदस्यांना आपला आरसा दाखवला.